تورک مطبخی (37)
سالاد
آدی تورک مطبخی - 37
--------
تورک مطبخی پروقرامیندان هامینیزا سلام عزیز اوخویوجولار.
دونیانین هر یئرینده یئمکلرین ان اؤنملی همراهلیق ائدنلریندن بیری ده سالاد. سالاد حاضیرلانان ماتریاللار ایسه مدنیتدن مدنیته؛ بؤلگهدن بؤلگهیه دییشهبیلر. تورک مطبخی ده اولدوقجا زنگین بیر سالاد موختلیفلیگینه مالیکدیر. تروز، باغلیات و یا تاخیللا آپاریلمیش بیر چوخ سالاد نؤعو اولور. اما تورک مطبخینین ان بیلینن، ان چوخ توکهتیلن سالادی هانسیدیر دئیه سوروشاجاق اولسانیز جوابیمیز "چوبان سالادی" اولور. اساس ماتریالی بامادور، خیار، بیبر و سوغان اولان "چوبان سالادی"، خصوصیله بو تروزلرین بول و لذتلی اولدوغو یای آیلاریندا سوفرهلرین لازیمیدیر. اورهتیمی اولدوقجا آسان، اما بیر او قدر ده لذتلی چوبان سالادینین تعریفینی وئرمهیه آرتیق کئچهبیلیرک.
----------
چوبان سالادی ائتمک اوچون هر زامانکی کیمی اوّل لازیم اولان ماتریاللاریمیزی سایاق؛
4 عدد اورتا بوی بامادور
3 عدد اورتا بوی یاشیل ایستیوت
2 عدد اورتا بوی خیار
1 عدد ایری باش سوغان
1/4 دسته جعفری
5 یئمک قاشیغی زیتون یاغی
4 خؤرک قاشیغی تزه سیخیلمیش لیمون سویو
1/2 چای قاشیغی دوز
--------
زامان گلدی چوبان سالادینی حاضیرلاماغا. اولا، بامادورلارین قابیغینی سویون و بیر سانتیمتریک2لیک کیچیک کوپلر حالیندا دوغرایین. خیارلارین قابیغینی سویون و بامادورلارلا اویغون اولاجاق شکیلده خیردا کسین. اورتادان ایکییه کسدیگینیز و توملارینی چیخاردیغینیز بیبرلری ده خیردا خیردا دوغرایین. سوغانی ایکییه بؤلون و یاریم آی شکلینده اینجه اینجه دوغرایین. جعفری اینجه ساحیلین. سوغان کناردا قالمیش دوغرانمیش بوتون ماتریالی سالاد قابیندا یاخشی قاریشدیرین و سونرا.سرویس قابینا آلین. اوستونه دوغرانمیش باش سوغانی علاوه ائدین. سالادینین سوسو اوچون؛ زیتون یاغی، تزه سیخیلمیش لیمون سویو و دوزو کیچیک بیر قابدا قاریشدیراندان سونرا سالادین اوزرینه تؤکون. سوسو قاریشدیریرسینیز سالادی، سولانماسی اوچون ساخلانمادان خیدمت ائدین. ساغلاملیق اولسون.
---------
تورک مطبخی پروقرامیندا بو گون سیزلره تورک مطبخینین ان سئویلن سالاتلاریندان بیری اولان "چوبان سالاتی" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.