تۆرک جمهوریتلرینین گوندمیندهکی گلیشمه‌لر
باکی شهرینده تۆرک دؤولتلر هؤرگوتو تۆرک اونیوئرسیته‌لر بیرلیگی ۷.جی باش قورول ییغینجاغی گئرچکلشدیریلدی
تۆرکیه بؤیوک میللت مجلیسی باشقانی نعمان قورتولموش هفته باشیندا قازاقیستانا و اؤزبکیستانا رسمی سفر گئرچکلشدیردی. تۆرکیه بؤیوک میللت مجلیسی باشقانی قازاق و اؤزبک قونومداشلاری ایله گؤروشمه‌لر ائتدی. ۲۰ می ۲۰۲۴ تاریخینده قازاقیستان جمهورباشقانی قاسم جؤمرد توکایئو، ۲۲ می تاریخینده اؤزبکیستان جمهورباشقانی شؤوکت میرضیایئو تۆرکیه بؤیوک میللت مجلیسی باشقانی قورتولموشو قبول ائتدی.
۲۱ می ۲۰۲۴ تاریخینده آستانا شهرینده شانگهای امکداشلیق هؤرگوتو خاریجی ایشلر باخانلاری ییغینجاغی گئرچکلشدیریلدی. ییغینجاقدا ۳-۴ جولای ۲۰۲۴ تاریخلرینده ائدیله‌جک شانگهای امکداشلیق هؤرگوتو آستانا ذیروه‌سینین گوند‌مینده اولان مؤوضوعلار اله آلیندی. قازاقیستان جمهورباشقانی قاسم جؤمرد توکایئو ییغینجاغا گلن قوناقلاری قبول ائتدی.
قازاقیستان جمهور باشقانی قاسم جؤمرد توکایئو ۲۳-۲۴ می ۲۰۲۴ تاریخلرینده سنگاپورا دؤولت سفری گئرچکلشدیردی. جمهور باشقانی توکایئو سنگاپور جمهورباشقانی تارمان شانموگاراتنام، باشباخان لاورنس لانگ، باشباخان کؤمکچیلری ایله آیری آیری گؤروشدو. گؤروشمه‌لر نتیجه‌سینده ایکی اؤلکه آراسیندا ۶ آنلاشما ایمضالاندی. قازاقیستان جمهور باشقانی سنگاپور-قازاقیستان ایش فورومو، سنگاپور-قازاقیستان اونیوئرسیته رئیسلری فورومونا قاتیلاراق بیر دانیشدی. سنگاپور-قازاقیستان ایش فوروموندا ایکی اؤلکه آراسیندا ۱۲ آنلاشما ایمضالاندی.
۲۳ می ۲۰۲۴ تاریخینده آذربایجان جمهورباشقانی ایلهام علییئو رسمی سفرله آذربایجانا گلن تاجیکیستان جمهورباشقانی امامعلی رحمان ایله گؤروشدو. گؤروشمه نتیجه‌سینده ایکی اؤلکه آراسیندا استراتژیک اورتاقلیق بیلدیریسی باشدا اولماق اوزره ۷ آنلاشما ایمضالاندی.
۲۳ می ۲۰۲۴ تاریخینده بیشکئک شهرینده اورتا آسیا اؤلکه‌لری قادین لیدئرلری دیالوگو بؤلگه‌سل فورومو ائدیلدی. فوروما قیرقیزیستان مجلیسی باشقانی نورلان‌بک شاکیئو، اؤزبکیستان سناتسی باشقانی تانزیلا ناربایئوا و دیگر مقاملار قاتیلدی.
۲۴ می ۲۰۲۴ تاریخینده بیشکئک شهرینده مستقیل دؤولتلر بیرلیگینه عضو دؤولتلرین میللی گوونلیک تشکیلاتلاری باشقانلارینین ۵۴.جو ییغینجاغی گئرچکلشدیریلدی. ییغینجاقدا بؤلگه‌سل تگوونلیک، ترورلا موباریزه، اویوشدوروجو ایله موباریزه مؤوضوعلاری اله آلیندی. قیرقیزیستان جمهورباشقانی سادیر جاپاروو ییغینجاغا گلن قوناقلاری قبول ائتدی.
۲۵ می ۲۰۲۴ تاریخینده آشکابات شهرینده مستقیل دؤولتلر بیرلیگی حکومت باشقانلاری ییغینجاغی گئرچکلشدیریلدی. ییغینجاغا آذربایجان، بلاروس، ارمنیستان، قازاقیستان، قیرقیزیستان، اؤزبکیستان، روسیا، تاجیکیستان و تۆرکمنیستان حکومت باشقانلاری قاتیلدی. ییغینجاق سونوندا ۱۱ سند ایمضالاندی.
***
۲۱ می ۲۰۲۴ تاریخینده باکی شهرینده تۆرک دؤولتلر هؤرگوتو تۆرک اونیوئرسیته‌لر بیرلیگی ۷.جی باش قورول ییغینجاغی گئرچکلشدیریلدی.
۲۲ می ۲۰۲۴ تاریخینده تۆرکیه بؤیوک میللت مجلیسینده تۆرک دؤولتلری پارلامنتر آسامبله‌‌سی (تۆرک‌پا) میللی ساوونما کمیسیونو باشقانلاری ۱.جی ییغینجاغی ائدیلدی. ییغینجاغا تشکیلاتا عضو دؤولتلرین مجلیسلریندن میللی ساوونما کمیسیونو باشقانلاری قاتیلدی.
۲۳-۲۴ می ۲۰۲۴ تاریخلرینده آنکارا شهرینده تۆرک دونیاسی وکیللر توپلولوغو بیرلیکلری ییغینجاغی گئرچکلشدیریلدی. ییغینجاغا آذربایجان، قازاقیستان، قیرقیزیستان، قوزئی قیبریس تۆرک جمهوریتی، اؤزبکیستان و عشق آباد (تۆرکمنیستان) وکیللر توپلولوغو باشقانلاری قاتیلدی.
گلیشمه‌لردن گؤرولدوگو اوزره، گئچه‌ن هفته تۆرک جمهوریتلرینین گوند‌مینده اؤنملی سفرلر و ییغینجاقلار وار ایدی. تۆرک جمهوریتلری آراسیندا قایناشما داوام ائدیر.
