آوراسیا جغرافیاسیندا پارلمانلار آراسی امکداشلیق

اؤلکه‌لر آراسی امکداشلیغین بعضی مانعلره ایلیشمه‌مه‌سی، امکداشلیغین قانونی زمینینین یارادیلماسی پارلمانلار آراسی امکداشلیغین اینکیشافینا باغلیدیر

2153196
آوراسیا جغرافیاسیندا پارلمانلار آراسی امکداشلیق

 

۳ ژوئن ۲۰۲۴ تاریخینده آلماتی شهرینده کولکتیو گوونلیک آنلاشما تشکیلاتی پارلامنتر آسامبله‌سی یغینجاغی گئرچکلشدیریلدی. صونعی ذکا تکنولوژیلری قونوسونون موذاکیره ائدیلدی یغینجاغا تشکیلاتا عضو اؤلکه‌لرین مجلیس باشقانلاری قاتیلدی. تشکیلاتدا قالیب قالماماسی دارتیشیلان ارمنیستانین مجلیس باشقانی یغینجاغا قاتیلمادی. یغینجاقدا کولکتیو گوونلیک آنلاشما تشکیلاتی پارلامنتر آسامبله‌‌سی یغینجاقلارینین دائمی اولماسی قرارا باغلاندی. قازاقیستان جمهورباشقانی قاسم جومرد توکایئو یغینجاغا گلن مجلیس باشقانلارینی قبول ائتدی.

 

قازاقیستانین دؤنم باشقانلیغی سببی ایله کولکتیو گوونلیک آنلاشما تشکیلاتی یغینجاقلاری آلماتیده گئرچکلشدیریلیر. ۶ ژوئن ۲۰۲۴ تاریخینده آلماتی شهرینده کولکتیو گوونلیک آنلاشما تشکیلاتی میللی گوونلیک شوراسی باش کاتیبلری کمیته‌سی یغینجاغی ائدیلدی. ۳۱ می ۲۰۲۴ تاریخینده آلماتیده کولکتیو گوونلیک آنلاشما تشکیلاتی ساوونما باخانلاری یغینجاغی گئرچکلشدیریلمیشدی.

 

۵-۶ ژوئن ۲۰۲۴ تاریخلرینده باکیدا تۆرکپا ۱۳.جو باش قورولو گئرچکلشدیریلدی. "تۆرک دۆنیاسینین یاشیل اوفوقلاری: یاشیل گوندمین گئرچکلشدیریلمه‌سینده پارلمانلارین رولو" باشلیغی ایله ائدیله‌ن باش قورول یغینجاغینا آذربایجان، قازاقیستان، قیرقیزیستان، قوزئی قیبریس تۆرک جمهوریتی، اؤزبکیستان مجلیس باشقانلاری و ماجاریستان مجلیس باشقان کؤمکچیسی قاتیلدی. یغینجاقدا تۆرک دؤولتلر تشکیلاتی، اولوسلارآراسی تۆرک آکادمیسی، تۆرک مدنیت و میراث وقفی، تۆرک‌سوی ایداره‌چیلری ده حاضر اولدو. یغینجاق سونوندا باکی بیلدیریسی قبول ائدیلدی. مجلیس باشقانلاری ژورنالیستلر اوچون مطبوعات کنفرانسی تشکیل ائتدیلر. بیر سونراکی تۆرکپا باش قورولو قازاقیستاندا ائدیله‌جک.

یغینجاق چرچیوه‌سینده مجلیس باشقانلاری آراسیندا ایکیلی گؤروشمه‌لر ده ائدیلدی. آذربایجان و اؤزبکیستان مجلیسلری آراسیندا امکداشلیغی گلیشدیرمه آنلاشماسی ایمضالاندی. آذربایجان باشباخانی علی اسدوو قوزئی قیبریس تۆرک جمهوریتی مجلیس باشقانی زورلو تؤره ایله گؤروشدو.

 

تۆرکپا باش قورولو چرچیوه‌سینده ایلک دفعه تۆرک جمهوریتلرینین مجلیس باش کاتیبلرینین بیرینجی یغینجاغی گئرچکلشدیریلدی. آیریجا ۵ ژوئن تاریخینده تۆرکپا ۳.جو قادین پارلامنترلار یغینجاغی و تۆرکپا ۳.جو گنج پارلامنترلار یغینجاغی دا ائدیلدی.

 

آذربایجان جمهورباشقانی ایلهام علییئو تۆرکپا باش قورولو اوچون باکیا گلن قوناقلاری قبول ائتدی. جمهورباشقانی علییئو بوراداکی دانیشماسیندا "گون گله‌جک دۆنیانین بوتون مسئله‌لری تۆرک دؤولتلر تشکیلاتی ایله مشاویره یولویلا حل ائدیله‌جک" دئدی.

 

تۆرکپا عضوو پارلمانلارین مربوط کمیسیونلاری یغینجاقلارینی کسینتیسیز گئرچکلشدیریرلر و کمیسیون یغینجاقلارینا بیر یئنیسی علاوه اولونور. ۲۲ می ۲۰۲۴ تاریخینده آنکارادا تۆرکپا عضوو پارلمانلارین ساوونما کمیسیونلاری باشقانلاری بیرینجی یغینجاغی ائدیلدی.

***

۱۰ ژوئن ۲۰۲۴ تاریخینده دوشنبه‌ده اولوسلارآراسی پارلمان فورومو گئرچکلشدیریلدی. گنجلر اوچون سو قایناقلاری و دموگرافیک سوردوروله‌بیلیرلیک باشلیغی آلتیندا ائدیله‌ن فوروما ۲۰ اؤلکه‌دن نماینده‌لر قاتیلدی.

گلیشمه‌لردن گؤرولدوگو کیمی، آوراسیا جغرافیاسیندا پارلمانلار آراسی ایش‌بیرلیکلری درینلشدیریلمکده‌دیر. اؤلکه‌لر آراسی امکداشلیغین بعضی مانعلره ایلیشمه‌مه‌سی، امکداشلیغین قانونی زمینینین یارادیلماسی پارلمانلار آراسی امکداشلیغین اینکیشافینا باغلیدیر. بو سببله پارلمانلار آراسی و پارلامنتر آسامبله‌لرین فعالیتلر اؤنم ایفاده ائدیر.



ایلگیلی‌لی خبرلر