تۆرک جمهوریتلرینین گوندمیندهکی گلیشمه‌لر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی
۲۶-۲۷ می ۲۰۲۴ تاریخلرینده روسیا دؤولت باشقانی ولادیمیر پوتین اؤزبکیستانا دؤولت سفری گئرچکلشدیردی. داشکند شهرینده جمهورباشقانی شؤوکت میرضیایئو و ولادیمیر پوتین ایکیلی و هیئتلر آراسی گؤروشمه‌لر ائتدی. گؤروشمه‌لر سونوندا ایکی اؤلکه آراسیندا ۱۷ آنلاشما ایمضالاندی. ائدیله‌ن آنلاشمالارین ان اؤنملیلریندن بیری اولاراق روسیانین اؤزبکیستاندا نۆوه انرژی مرکزی تیکمه آنلاشماسی گؤستریله‌بیلیر. سفر چرچیوه‌سینده اؤزبکیستان و روسیانین مهندسلیک و طب ساحه‌لرینده‌کی عالی تحصیل قوروملاری رئیسلرینین کنفرانسلاری آیری آیری ائدیلدی. اؤزبکیستاندا روسیانین اؤنده گلن ۱۶ عالی تحصیل قورومونون شعبه‌لری آچیلمیش دورومدادیر. دؤولت باشقانلاری اؤزبکیستان-روسیا بؤلگه‌لرآراسی قورولون بیرینجی ییغینجاغینا باشقانلیق ائتدیلر.
۲۷ می ۲۰۲۴ تاریخینده تۆرکمنیستان خاریجی ایشلر باخانی رشید مردوو قازاقیستانا رسمی سفر گئرچکلشدیردی. رشید مردوو قازاق قونومداشی مراد نورتلئو، قازاقیستان دیجیتال قالخینما، یئنیلیکچیلیک و هاواچیلیق صنایع باخانی ژاسلان مادیئو ایله گؤروشمه‌لر ائتدی. قازاقیستان جمهورباشقانی قاسیم جومرد توکایئو تۆرکمنیستان خاریجی ایشلر باخانی رشید مردووو قبول ائتدی.
هلند باشباخانی مارک روته ۲۸ می ۲۰۲۴ تاریخینده قازاقیستانا ایش سفری گئرچکلشدیردی. قازاقیستان جمهورباشقانی قاسیم جومرد توکایئو هلند باشباخانی ایله گؤروشدو. گؤروشمه‌ده هلندین قازاقیستان اقتصادینا ۱۲۰ میلیارد دلار سرمایه قویدوغو ایفاده ائدیلدی. هلند باشباخانی مارک روته ماقصوت ناریکبایئو اونیوئرسیته‌سینه گئد‌رک، اؤیرنجیلر ایله گؤروشدو. قازاقیستان مطبوعاتیندا، مارک روته‌نین ناتو باش کاتیبی وظیفه‌سی اوچون گۆجلو بیر نامیزد اولدوغو دا یازیلدی.
۲۹-۳۱ می ۲۰۲۴ تاریخلرینده مصر عرب جمهوریتی سنا باشقانی عبدالوهاب عبدالرازق اؤزبکیستانا ایش سفری گئرچکلشدیردی. ۳۰ می تاریخینده اؤزبک قونومداشی تانزیلا ناربایئوا ایله ائدیله‌ن گؤروشمه‌دن سونرا ایکی اؤلکه سنالاری آراسیندا امکداشلیق آنلاشما متنی ایمضالاندی. عینی گون اؤزبکیستان جمهورباشقانی شؤوکت میرضیایئو مصر عرب جمهوریتی سنا باشقانی عبدالوهاب عبدالرازقی قبول ائتدی.
***
آذربایجان جمهوریتی خاریجی ایشلر باخانی جئیهون بایراموو ۲۹ می ۲۰۲۴ تاریخینده پاکیستانا رسمی سفر گئرچکلشدیردی. ایسلام آباددا باخان بایراموو پاکیستان خاریجی ایشلر باخانی محمد اسحاق دار، پاکیستان باشباخانی شهباز شریف و پاکیستان اوردوسو قورو قوتلر باشچیسی عاصیم منیر ایله گؤروشمه‌لر ائتدی.
۳۰ می ۲۰۲۴ تاریخینده باکیدا آزربایجان-تورکیه ایش و سوسیال گوونلیک اورتاق دائمی کمیسیونو ۱۱.جی ییغینجاغی گئرچکلشدیریلدی. ییغینجاغا باخانلار ساحل بابایئو و وئدات ایشیک‌خان باشقانلیق ائتدیلر. آذربایجان باشباخانی علی اسدوو تۆرکیه جمهوریتی ایش و سوسیال گوونلیک باخانی وئدات ایشیک‌حانی قبول ائتدی. عینی گون آنکارادا تۆرکیه عدالت باخانی ییلماز تونج و آذربایجان عدالت باخانی فرید احمدوو گؤروشدو. گؤروشمه سونوندا ایکی باخانلیق آراسیندا امکداشلیق پروتوکولو ایمضالاندی.
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی. ییغینجاغا تشکیلاتا عضو اؤلکه‌لردن، اولوسلارآراسی تۆرک آکادمیسی و تۆرک دؤولتلر تشکیلاتیندان نماینده‌لر قاتیلدی.
