تورک مطبخی (33)
روانی شیرینیسی
![تورک مطبخی (33)](http://cdn.trt.net.tr/images/xlarge/rectangle/c676/4137/4efc/5d42e9346369b.jpg?time=1718871358)
تورک مطبخی (33)
تورک مطبخی پروقرامیندان هامینیزا سلاملار ...
بو گون یئنه عثمانلی سارای متبخیندن بیر یئمک وار پروقرامیمیزدا.
شیرین کاتقوریسیندکی بو یئمگی آدی؛"روانی". ایرمیکلی بیر کیکین اوستونه شربت تؤکولهرک ائدیلن بیر شیرین "روانی".
سارای مطبخیندکی بعضی یئمکلر کیمی تاریخین توزلو رفلرینده اونودولموش بیر شیرین دئییل، اما ایندیکی واختدا هله رستورانلاردا و ائولرده بیشیریلن، سئویلهرک توکهتیلن، حاضیرلاماسی آسان بیر شیرین. روانی شیرنیسینین اورتایا چیخیشی ایله علاقهدار گئنیش بیر ده روایت وار.
17. عصرده سلطان 4. مورادین ارمنیستانین ایروان شهرینی فتح ائدر. سارای آشبازلارین بو ظفری قئید ائتمک اوچون او گونه قدر هئچ ائدیلممیش بیر شیرین اویدورورلار. شیرینین آدینی دا او دؤورده ایروانین آدی اولان "روان" سؤزجوگوندن یولا چیخاراق "روانی" قویارلار. عثمانلی متبخیندن یادیگار قالان روانی تورکیهنین بعضی بؤلگهلرینده "سونگر شیرنیسی" و یا "قاتیق شیرنیسی" اولاراق دا بیلینر دئیک و آرتیق "روانی شیرنیسینین" تعریفینی وئرمهیه کئچک.
-------
روانی ائتمک اوچون اوّل لازیم اولان وسایللاریمیزی سایاق؛
4 عدد یومورتا
1 سو ایستکانی توز شکر
1 سو ایستکانی قاتیق
1 سو ایستکانی مایع یاغ
1 سو ایستکانی ایرمیک/ماننا یارماسی
2 سو ایستکانی اون
1 پائت قابارتما توزو
1 عدد لیمونون رندلنمیش قابیغی
4 سو ایستکانی توز شکر
5 سو ایستکانی سو
1/2 لیمون سویو
2 یئمک قاشیغی هیندیستان قوزو رندهسی
--------
سیرا گلدی روانینی حاضیرلاماغا.
اوّلجه شیرینین شربتینی حاضیرلاماق اوچون؛ توز شکر و سویو بیر قازانا کؤچورون. قیسیق آتشده تخمینن 30 دقیقه قدر قاینادیقدان سونرا لیمون سویونو علاوه ائدین و ایلیقلانماسی اوچون اوجاقدان آلین.
داها سونرا یومورتا و توز شکری بیر میکسر کؤمییله توز شکر تامامیله اریینه قدر قاریشدیرین. آردیندان سیراسییلا؛ مایع یاغی، قاتیغی، وانیل، رندلنیلمیش لیمون قابیغینی، ایرمیغی، النمیش اونو و قابارتما توزونو علاوه ائتدیکدن سونرا چیرپما عملیاتینی داوام ائتدیرین.
فیرین قابینی کره یاغی ایله یاغلایین و خمیری قابا تؤکون. اوّلدن ایسیدیلمیش 180 درجه سوبادا 30 دقیقه قدر بیشیرین. سوبادان چیخان ایستی کیکین اوزرینه سویوموش اولان شربتی تؤکون. کیک شربتی دادمامن چکدیکدن سونرا دیلیملیین، اوستونه کوکوس رندهسی ایله بزهییب و سرویس ائدین. نوش اولسون!
----------
تورک مطبخی پروقرامیندا بو گون سیزلره عثمانلی دؤوروندن میراث قالان بیر شیرین اولان "روانی" تعریفی وئردیک. بیر باشقا پروقرامدا بیر باشقا تورک لذتیله گؤروشمک اوچون خوشچاکالین.