تورک مطبخی (22)

تورک مطبخی  (22)

ت.ر.ت تورکیه‌نین سسی رادیوسون‌دان، تورک مطبخی پروقرامین‌دان هامینیزا سلام. تورک یئمک مدنیتینه دایر قیسا معلومات‌لار وئریب، تورک مطبخین‌دن یئمک تعریف‌لری وئریریک بو پروقرامدا.

--------

بو گون سیزلرله تعریفینی اولاجاغیمیز یئمگیمیزین آدی "زیتون یاغ-لی بیبر دولماسی" داها اوّلکی پروقرام‌لاریمیزدا دانیشمیشدیق، اما اولسون، بیر داها تکرار ائدک؛ تورک مطبخینده "زیتون یاغلی" آدی ایله تصنیف ائدیلن یئمک‌لر عادتن سویوق یئییلن، اتسیز بیشیریلن و طبیعی کی زیتون یاغی ایستیفاده ائدیله‌رک حاضرلانان یئمک. اکثریتله ده تاماملاییجی یئمک و یا چرز کیمی ایشلدیلیرلر. بو گون سیزلرله تعریفینی اولاجاغیمیز بیبر دولماسی دا محض او یئمک‌لردن بیر دنه‌سی. هر هانسی حیوان اساس‌لی بیر ارزاق ایستیفاده ائدیلمه‌دن بیشیریلن بو دولما، وگان‌لار و وجئترین-لر اوچون ده سون درجه اویغون بیر یئمک. ایندی حاضیرسینیزسا، آرتیق تعریفیمیزی وئرمه‌یه باشلایا بیلریک.

-------

16  عدد کیچیک دولما‌لیق بیبر

1 ½  سو ایستکانی زیتون یاغی

4  عدد خیردا دوغرانمیش سوغان

2  سو ایستکانی دوگو

2  یئمک قاشیغی چام فیستیغی

12  یئمک قاشیغی کوش اوزومو

  دوز

½  شیرین قاشیغی قار بیبر

1  شیرین قاشیغی قورو نعناع

1  شیرین قاشیغی یئنی باهار

1  یئمک قاشیغی شکر

2  سو ایستکانی سو

3 - 4  عدد بامادور - دولمانین اوستونو اؤرتمک اوچون

----

زامان گلدی بیبر دولماسینی بیشیرمه‌یه؛

1  سو ایستکانی زیتون یاغینی بیر قازانا آلین و سوغان‌لاری قووورون. دوگولری نیشاستاسی گئدنه قدر یویون. سوغان‌لار بیشیردیک‌دن سونرا دوگو علاوه ائدین و قووورمایا داوام ائدین. سونرا دوز، بیبر، قوش اوزومو، نعناع و شکر علاوه ائدیب یاخشیجا قاریش‌دیرین. ایکی ایستکان سو علاوه ائده‌رک دوگولری دیریجه بیشیرین. بیشن دوگو ایلییانا قدر گؤزلیین. سونرا ایچینه یئنی باهاری علاوه ائدیب، قاریش‌دیرین. دادینا باخین؛ دوز و شکر آز گلیبسه علاوه ائدین.

دولما‌لیق بیبرلرین ساپ‌للارینی کسین و ایچ توخوم‌لارینی چیخارین. حاضیرلادیغینیز دوگو بیبرلرین ایچلرینه دول‌دورون. بامادورلاری قالین اولا‌جاق شکیلده دوغرایین و سالدیغینیز بیبرلرین آغیز قیسیم‌لرینه دوگولر کنارا داشمایا‌جاق شکیلده یئرلش‌دیرین. حاضیرلادیغینیز ساچ‌لارینیزی درین بیر قازانا یئرلش‌دیرین. اوزرینده قالان یاریم ایستکان زیتون یاغینی تؤکون و دولما‌لارین یاری‌سینا گله‌جک قدر سو علاوه ائدیب، اورتا حرارت‌لی آتشده 30 دقیقه بیشیرین. دولما‌لار سویودوق‌دان سونرا اوتاق ایستیلیغینده سرویس ائدین. ایندی‌دن عافیت اولسون.

-------

تورک مطبخی پروقرامیندا بو گون سیزلره "زیتون یاغلی بیبر دولماسی" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.