اورتا آسیا جمهوریتلرینین گوندمیندهکی گلیشمه‌لر
دونیانین اؤنده گلن اؤلکه‌لری اورتا آسیا جمهوریتلرینی بیر بوتون اولاراق گؤرمه‌یه باشلادیلار
۱۳ می ۲۰۲۴ تاریخینده سمرقند شهرینده آسیا قادینلار فورومو تشکیل ائدیلدی. اؤزبکیستان سناسی باشقانی تانزیلا ناربایئوانین ائو صاحیبلیگینده تشکیل ائدیله‌ن فوروما ۱۰۰ اوست سویه قادین ایداره‌چی قاتیلدی. فوروم سونوندا سمرقند بیلدیرگه‌سی قبول ائدیلدی.
چین خالق جمهوریتی باشباخان کؤمکچیسی لیو گووژونگ گئچه‌ن هفته اؤزبکیستان،قازاقیستان و قیرقیزیستانا رسمی سفر گئرچکلشدیردی. باشباخان کؤمکچیسی لیو گووژونگ ۱۳ می ۲۰۲۴ تاریخینده اؤزبکیستان جمهورباشقانی شؤوکت میرضیایئو، ۱۶ می ۲۰۲۴ تاریخینده قازاقیستان جمهورباشقانی قاسم جؤمرد توکایئو و ۱۸ می تاریخینده قیرقیزیستان جمهورباشقانی سادیر جاپاروو طرفیندن قبول ائدیلدی. لیو گووژونگون سفرینده اقتصاد آغیرلیقلی مسئله‌لر ماسایا یاتیردیلدی.
مالزی باشباخانی انور ابراهیم گئچه‌ن هفته قیرقیزیستان، قازاقیستان و اؤزبکیستانا رسمی سفر گئرچکلشدیردی. ۱۵ می ۲۰۲۴ تاریخینده انور ابراهیم بیشکئک شهرینده قیرقیزیستان جمهورباشقانی سادیر جاپاروو ایله گؤروشدو. ائدیله‌ن گؤروشمه‌لردن سونرا ایکی اؤلکه ایلیشکیلرینین گلیشدیریلمه‌سینی اؤن گؤرن اورتاق بیلدیری ایمضالاندی.
۱۶ می ۲۰۲۴ تاریخینده مالزی باشباخانی انور ابراهیم آستانادا قازاقیستان جمهورباشقانی قاسم جؤمرد توکایئو ایله باش باشا و هیئت‌لئراراسی گؤروشمه‌لر ائتدی. ۱۷ می تاریخینده قازاقیستان باشباخانی اولژاس بئکتئنوو و مالزی باشباخانی انور ابراهیمین ایشتیراکی ایله قازاقیستان-مالزی یاتیریم ییغینجاغی گئرچکلشدیریلدی. ییغینجاقدا ایکی اؤلکه آراسیندا ۳۵۰ میلیون دلارلیق آنلاشمالار ایمضالاندی. قازاقیستان جمهورباشقانی قاسم جرمرد توکایئو مالزی باشباخانینی هاوالیمانیندان شخصاً یولا سالدی.
۱۷ می ۲۰۲۴ تاریخینده مالزی باشباخانی انور ابراهیم داشکند‌ده اؤزبکیستان جمهورباشقانی شؤوکت میرضیایئو ایله گؤروشدو. ۱۸ می تاریخینده سمرقندده اؤزبکیستان-مالزی ایش فورومو ائدیلدی.
۱۶ می ۲۰۲۴ تاریخینده تورکمنیستان خالق مصلحتی باشقانی قوربانقولو بردی‌محمدوو تاتاریستانا ایش سفری گئرچکلشدیردی. قازاندا تورکمنیستان خالق مصلحتی باشقانی بردی‌محمدوو تاتاریستان رئیسی روستم میننه‌خانوو، تاتاریستان اسکی جمهورباشقانی مین‌تمیر شایمیئو ایله گؤروشمه‌لر ائتدی. قوربانقولو بردی‌محمدوو ۱۵.جی اولوسلارآراسی اقتصادی "روسیا-ایسلام دونیاسی: قازان فورومو ۲۰۲۴" فورومونا شرف قوناغی اولاراق قاتیلدی و "روسیا حلال اکسپو" سرگیسینی گزدی. سؤزو گئدن فوروما ۸۰ده‌ن چوخ اؤلکه‌دن نماینده‌سی قاتیلدی.
***
۱۶ می ۲۰۲۴ تاریخینده قازاقیستاندا اورتا آسیا اؤلکه‌لری میللی گۆونلیک قورولوشلاری باش کاتیبلری بیرینجی ییغینجاغی گئرچکلشدیریلدی. ییغینجاقدا ترورلا موباریزه، سرحدی آشان سولارین ایستیفاده‌سی، نقلیات و انرژی کیمی مؤوضوعلار ماسایا یاتیردیلدی. قازاقیستان جمهورباشقانی قاسم جؤمرد توکایئو ییغینجاغا قاتیلان قوناقلاری قبول ائتدی. جمهورباشقانی توکایئو بؤلگه اؤلکه‌لرینی بیر بیرلرینه یاخینلاشدیراجاق "اورتا آسیا-۲۰۴۰" سندینی بو ایل قبول ائتمه‌یی پلانلادیقلارینی بیلدیردی.
چین خالق جمهوریتی خاریجی ایشلر باخانی وانگ یی ۱۷-۱۸ می ۲۰۲۴ تاریخلرینده تاجیکیستانا رسمی سفر گئرچکلشدیردی. باخان وانگ یی تاجیک قونومداشی سراج‌الدین مهرالدین و جمهورباشقانی امامعلی رحمان ایله گؤروشمه‌لر ائتدی.
گلیشمه‌لردن گؤرولدوگو اوزره، دونیانین اؤنده گلن اؤلکه‌لری اورتا آسیا جمهوریتلرینی بیر بوتون اولاراق گؤرمه‌یه باشلادیلار.
