تورک مطبخی( 08)
حونکار بئیندی
تورک مطبخی - 08
------
سلام. تورک مطبخینده بادیمجانلا ائدیلن ان آز یوز نوع یئمک اولدوغونو داها اوّلکی پروقرام‌لاریمیزدا دانیشمیشدیق. آنادولو تورپاق‌لارینا اولدوقجا گئج گیرمیش بیر تروز اولسا دا، بادیمجان تورک مطبخینده همیشه یوخاری باشدا یئر آلیب. بو گون سیزلره تعریفینی وئرجگیمیز "حونکار بئیندی " ده بادیمجانلا قوزو اتی‌نین موکممل هارمونی گؤستردیگی تورک مطبخینه کاس بیر لذت. دیل‌دکی معناسینی "حونکارین بئیندیگی یئمک" کیمی ترجومه ائده "حونکار بئیندی"، یئمگی‌نین اورتایا چیخیشییلا باغلی اولدوقجا ماراق‌لی بیر حکایه‌سی وار.
-------
نه قدر دوزگون‌دور، بیلینمز اما حونکار بئیندی، یئمگی‌نین قولاق‌دان قولاغا ائدیله‌رک گونوموزه قدر گلیب چاتمیش حکایه‌سی بئله؛ 1867-جی ایلده حونکار عبدالعزیز، ایمپراتور III. ناپولئونون قوناغی اولا‌راق فرانسانی زیارت ائدیر. بو دعوت زامانی ناپولئونو دا اؤز سارایینا دعوت ائدیر. ناپولئون ایشینین چوخلوغونا گؤره ایستانبولا گئده‌بیلمز. اونون یئرینه فرانسا کرالینی تمثیل ائدن ایمپراتوریچه ائوگئنیه گلیر عثمانلی پایتختینه. کرالیچا ایستانبولا گلرکن یانیندا آشینی دا گتیریر. سارایین مطبخینده تورک آشپزلرله بیرلیکده یئمک آپاران فران‌سیز آشپز بیر گون "بشامل" سوسو حاضیرلاییر. بو یئنی سوس، او زامان درحال یانیندا بادیمجانی کؤزله‌ییب، ازه‌رک بادیمجان سالاتی حاضیرلایان تورک آشپزی‌نین دقتینی چکیر. تورک آشپز حاضیرلادیغی بشامل سووسا کؤزله‌ییب ازدیگی بادیمجان‌لاری علاوه ائدیر. دادینا باخیر، بینیر، و بو یئمگی قوزو اتی‌نین یانیندا حونکارا تقدیم ائتمه‌یه قرار وئریر. حونکار عبدالعزیز بو یئنی یئمگی چوخ سئویر. او گون‌دن سونرا بو یئمک "حونکار بئیندی" اولا‌راق آنیلیر.
-------
ایندی گلک عثمانلی حونکاری عبدالعزیزین چوخ بئیندیگی روایت ائدیلن، تورک مطبخی ایله غرب مطبخی‌نین بیر سینتزی اولا‌راق ایستیفاده ائدجگیمیز " حونکار بئیندی"، یئمگی‌نین تعریفینه. اوّل ماتریال‌لاریمیزی سایاق؛
* 500 قرام قویون اتی
* 2 خؤرک قاشیغی کره
* 2 عدد خیردا دوغرانمیش سوغان
* 1 خؤرک قاشیغی سیرکه
* 2 عدد بامادور
* 2.5 سو ایستکانی قاینار سو
* 5 عدد بادیمجان
1.5 خؤرک قاشیغی اون
1.5 سو ایستکانی سود
2 خؤرک قاشیغی رندلنمیش کاشار پئندیری
دوز و ککلیک وتو
------
یئمگیمیزین بیشیریلمه‌سی ایسه بئله؛
قازانا اتلری آلیب، اتلر بوراخدیغی سویو چکنه قدر قووورون. سونرا کره یاغینی، کیچیک کسیلمیش سوغان‌لاری علاوه ائدین. 3 دقیقه داها قووورون. 1 خؤرک قاشیغی سیرکه علاوه ائدین. رندلنمیش بامادورلاری، ککلیک اوتو ایستی سویون و ان سون دوزو علاوه ائده‌رک ائتلر یوموشانا قدر بیشیرین. بو آرادا بادیمجان‌لاری آتشده کؤزله‌یین. قابیغینی سویان‌دان سونرا لیمون‌لو سودا 5 دقیقه گؤزلدین. سویونو یاخشیجا سوزون. ایتی بیر بیچاق کؤمییله چوخ اینجه دوغران. کره یاغینی بیر تاوادا اریدین، 1.5 خؤرک قاشیغی اونو علاوه ائدین سارارانا قدر قووورون. داوام‌لی قاریش‌دیرا‌راق سویوق سودو علاوه ائدین. قاریشیق کویولاش-آندا اوددان گؤتورون. اینجه قیییلمیش بادیمجان‌لاری، دوزو و رندلنمیش کاشار پئندیرینی علاوه ائدین، سرعتله قاریشدیریب بوشقابا آلین. اوزرینه اتلری علاوه ائده‌رک خیدمت ائدین.
عافیت اولسون.
---------
تورک مطبخی پروقرامیندا بو گون "حونکار بئیندی" یئمگینینی تعریفینی وئردیک سیزلره. بیر باشقا پروقرامدا بیر باشقا تورک لذتی ایله گؤروشمک دیلگی ایله خوش قالین.
