هفته‌نین آنالیزی : 2
یمن-لی مروه
بعضا یاشادیغیمیز کیچیک پروبلئملری گؤزوموزده چوخ بؤیودوروک. بو پروبلئملر سببیندن اؤزوموزون و اطرافیمیزداکی‌لارین حیاتینی چتینلشدیریریک. بئله حال‌لاردا پروبلئملردن اوزاقلاشیب یاشادیغیمیز اؤلکه یه بیر خاریجی گؤزو ایله باخماق یاشادیغیمیز پروبلئملری داها یاخشی قیمتلندیرممیزه تحفه وئرر.
بو چرچیوه‌ده آشاغی‌داکی گئرچک حکاینی تورکیه-نین ایفاده ائتدیگی معنانی آنلاماق باخیمیندان سیزینله بؤلوشمک ایستییریک.
تورکیه یاشانان فوق العاده وضعیت رژیملرینه باخمایا‌راق تحصیل بازاسینا چئوریلیر. کئچمیش ایللرده تورکیه-ده خاریجی طلبلره کیفاییت قدر ایمکان تقدیم اولونموردو. حاضردا تورکیه-ده تخمینا 150 مین خاریجی طلبه تحصیل آلیر و گلجکلرینه اومیدله باخیرلار. هر بیر طلبه‌نین حیاتی آیری بیر کدر، هیجران، دستان و اومیددیر. تورکیه-نین بو گنجلر اوچون هیجان و یئنی اومیدین ایفادسی اولدوغونو دئیه بیلریک. بو گونکو بؤلومده سیزینله یمن‌لی طلبه‌لردن مروه نین حکایه سینی تقدیم ائدجییک.
یمن قیرمیزی دنیزه، عدن کؤرفزینه، عمان دنیزینه ساحلی اولان، ایستراتژیک موضعینه گؤره دئییله بیلر تاریخین هر دؤورونده آجی لار چکمیش بیر اؤلکه‌دیر. بیزیم اوچون ایسه مکه و مدینه‌نین مودافعه‌سی اورا‌دان باشلادیغینا گؤره اوغرونا ان چوخ شهید وئردیگیمیز جوغرافیا‌لاردان بیری‌دیر. چاناققالا ایله بیرلیکده بلکه ده باغری یانیق میللتیمیزین آدینا ان چوخ آغی دئدیگی، اوره ینی ان چوخ اسدیردیگی یئردیر. هله 15 یاشیندا گنج قیزلاریمیزین یولوندا گؤز یاشی آخیتدیغی بیر اؤلکه‌دیر. داستان‌لاریمیزین، آغی‌لاریمیزین، کدرلریمیزین گله‌جه نسیل‌لرین اورک‌لرینه یول تاپماسی هر حالدا وئردیگیمیز شهید سایی ایله علاقه‌لی‌دیر کی، چاناققالا و یمن اورییمیزی باشقا یاندیریر.
مروه یمن-ین پایتاختی صعنادان دیر. هر گنج کیمی گله جگینه ایستیقامت قازاندیرماغین یول‌لارینی آختارارکن 2014-جو ایلده باشلایان ایچ ساواش اؤلکه‌سی‌نین گله جگیی بیر داها قاراریر. چئوریلیش دؤورلرینده سسینی اوجال‌دان‌لار ساده‌جه سلاح‌لار اولور، اینسان‌لیق اونودولور. نه گنجلر خاطیرلانیر، نه ده اونلارین گلجیی.
اؤلکه‌سی بو وضعیتله قارشی-قارشییا اولدوغو دؤورده مروه‌یه تورکیه‌ده تحصیل آلماق اوچون ایمکان یارانیر. امریکانین آبش-این Fulbright آلمان‌لارین Daad ، اینگیلیس‌لرین Chevening بورس لاری یمن‌دکی ایچ ساواش سببی ایله دایاندیریلدیغی اوچون تورکیه بورس لاری مروه ایله بیرلیکده 150 یمن‌لی طلبه اوچون اومیده، گله‌جه‌یه آچیلان یگانه چیخیش یولو اولور. تورکیه خیا‌لی ایله گلیب، سونرا قاییدیب خارابایا چئوریلمیش اؤلکه‌لرینی برپا ائتمک اوچون بؤیوک هیجان دویورلار.
بیر طرفده اومیدلری واردیر، اما دیگر طرفده حیاتین آجی حقیقت‌لری. اؤلکه‌لرینده کی ایچ ساواش سببیندن صنعا-داکی سفیرلیک‌لر باغلانمیش، عمومی لیکده جده-یه کؤچورولموش‌دور. گوونلیک سببیندن اوچاق سفرلری ده یوخ‌دور. تورکیه-یه گله بیلمک اوچون ویزا آلماق مجبوریتینده‌دیرلر. بونون اوچون تک یول جده-یه کؤچورولن تورکیه-نین سفیرلیگینه قورو یول‌دان گئتمک‌دیر. لاکین توققوشان موختلیف قروپ‌لارین نظارتینده اولان بو یول‌لاردان بومبا‌لار، ووروشما‌لار، هوجوم‌لار، نظارت نقطه‌لری آراسیندان جده-یه چاتماق غیری-مومکون‌دور. سرحده چاتیلسا دا سعودیه عربیستانینا داخیل اولماغین دا هئچ بیر قارانتیاسی یوخ‌دور.
چاره‌سیز قالان گنجلر حل یول‌لاری آختارارکن سیخ‌لیقلا صنعا-دا بیر آرایا گلیرلر. جده-ده کی تورکیه سفیرلیگیله علاقه ساخلاماق ایمکانی الده ائدیرلر. ویزا اوچون پاسپورت‌لارینی جده-یه آپارماق‌دان باشقا چاره‌لری یوخ‌دور. نتیجه‌ده طلبه‌لردن بیر اوغلان بوتون پاسپورت‌لاری جده-یه آپارماغی کؤنول‌لو قبول ائدیر. گنجلر بؤیوک بیر اومیدله یمن‌دکی طلبه‌لرین پاسپورت‌لارینی بیر آرایا گتیرمه‌یه جهد ائدیرلر. لاکین اومیدلری ائله چوخ چکمیر. کؤنول‌لو اولان طلبه گوج‌لو بومباردمان آلتینداکی یمن شهرلریندن کئچرکن پاسپورت‌لاری جده-یه آپارماغا جسارت ائده بیلمیر و واز کئچیر.
سونرا مروه بو ایشی یئرینه یتیرمک ایسته دیینی سؤیلییر و یولا دوشور. عائله‌سی بوندان چوخ ناراحات اولور، ساده‌جه اؤز پاسپورتونو آپارماسینی ایستییر. لاکین مروه بورس قازانان طلبه‌لرین گله‌جک‌لری‌نین تامامیله اوندان آسیلی اولدوغونو بیلدیگی اوچون قرارین‌دان یایینمیر. 90 پاسپورتلا مروه یولو دوشور. بعضی‌لری مروه‌نین بونو باجارا بیلمه‌یه‌جگینی دوشونه‌رک پاسپورتونو وئرمیر.
آنکارا ییلدیریم بایزید اونیورسیته‌سی سوسیال بیلگی لر فاکولته‌سی‌نین دئکانی، پروفسور دوقتور قدرت بولبولون آنالیز-یازی‌سینی تقدیم ائدیریک.
