تورک دیش پولیتیکاسینا باخیشلار (22)
اسلاموفوبی و تورک دیش سیاستی
بو گون ایسلام تأسف کی، بیر قورخو حسی ایله برابر باتی گوندمینده یئر آلیر. ۱۱ سپتامبر سالدیریلاریندان سونرا باشلاییب ترور حادثهلری ایله داوام ائدن حادثهلر، باتی توپلوملارینین اؤزلرینی قایناغی بیلینمهین و سونو گلمز بیر تهدید آلتیندا حس ائتمهسینه یول آچدی. بیز ده بو هفته پروگرامیمیزدا بو پروسهلرین ایشیغیندا ایسلاموفوبی مسئلهسینی و تورکیهنین داورانیشینی تحلیل ائدجییک.
آتاتورک اونیورسیتهسی اولوسلارآراسی ایلیشکیلر بؤلومو خوجاسی دکتر جمیل دوغاچ ایپکین قونو ایله باغلی دگرلندیرمهسینی سونوروق.
...
فوبی؛ یونانجا فوبوس سؤزو کؤکوندن گلیر. فوبوس، یونان میفولوژیسینده قورخو تانریسی اولاراق بیلینیر. گونجل معناسی ایله فوبی؛ بیر شئیه قارشی دویولان قورخونون، فردین گوندهلیک حیاتینی منفی ایستیقامتده ائتکیلمهسی حالی کیمی گؤرونور.
ایسلاموفوبی ان ساده تعریفی ایله ایسلام قورخوسو اولاراق آچیقلانیر. ایسلامدان و مسلمانلاردان قورخما-چئکینمه حسینی ایفاده ائدن ایسلاموفوبینین، تئریم اولاراق تئز تئز ایستیفاده ائدیلمهسینه باخمایاراق، اوزرینده آنلاشیلان بیر تعریفینین اولمادیغینی بیلیریک. آوروپا بیرلیگینین تمل حاقلار آژانسی ایسلاموفوبینی "۱۱ سپتامبر ۲۰۰۱ تاریخینده میدانا گلن حادثهلر سونراسیندا ترور ایله موباریزه چرچیوهسینده آرالاریندا عربلرین، یهودیلرین، مسلمانلارین، بعضی سیغینماچی قروپلارین، کؤچمنلرین و بعضی آزینلیقلارین دا اولدوغو قروپلارا باغلی شخص و یا شخصلر؛ تحصیل، استخدام، بارینما، خیدمت و قامو ساحهلرینه اریشیم، اجتماعی فاتیلیم و حرکت سربستلیگی کیمی بعضی ساحهلرده عیرقچی آیریمچیلیغا معروض قالیرلار. بو چرچیوهده ایسلاموفوبی، ایسلام دونیاسینا منسوب اولان اینسانلارین معروض قالدیقلاری آیریمچی رفتارلارا وئریلن عمومی آددیر" شکلینده تانیملاییر.
ایسلام، سون ایللرده بیر قورخو حسی ایله بیرلیکده باتی دونیاسینین گوندمینده یئر آلیر. ۱۱ سپتامبر ایله باشلاییب آیری آیری ترور حادثهلری داوام ائدن حادثهلر زنجیری وار. بو وضعیت؛ باتی توپلوملارینین اؤزلرینی تهدید آلتیندا حس ائتمهلرینه یول آچیر. باش وئرهن منفی حادثهلر سونراسیندا ایسلامی ترورون ایلهام منبعی کیمی گؤسترهن اولوسلارآراسی مئدیا سونوملاری دا ایسلام قورخوسونو گئنیشلندیریر.
باتی توپلومو ایچینده بعضی کوتلهلری ایسلام علیهینه حرکته کئچیرمک مسئلهسینده تک سوچلو مئدیا دئییل. ۲۰۰۰دن بری آوروپادا آشیری ساغ سیاسی کادرلار گوجلنیر. بو کادرلار پارتیلشهرک اولوسال پارلمانلاردا یئر آلماغا باشلادی. فرانسادا اولوسال جبهه، یونانیستاندا قیزیل شفق، هلندده اؤزگورلوک پارتیسی و اتریشده اتریش اؤزگورلوک پارتیسی کیمی سیاسی پارتیلر، اؤلکهلرینده اولان خارجیلره و کؤچمنلره قارشی منفی توتوم گلیشدیردیلر. بو شکیلده اویلارینی آرتیردیلار.
آوروپاداکی مسلمان توپلوما قارشی منفی توتوملاردا ایلک نومونه اولاراق آلمانیاداکی تورکلرین یاشادیغی آجیلار آغلا گلیر. سون ایللرده سیخلیق قازانان، اؤلوملرله نتیجهلنن یاندیرما حادثهلرینی بو باغلامدا خاطیرلاییریق. حادثهلرین آلمانیا ایله محدود اولمادیغینی بیلیریک. حادثهلر؛ آوروپا میقیاسیندا مسجیدلر، مدنیت مرکزلری و تیجاری موسسهلره قدر اوزانان بیر "عادی سوچ" بیچیمینی آلماغا باشلادی. سالدیریلارین قورخودوجو طرفی ایسه، هؤرگوتلو اولان بو نیفرت ائیلمینین گئتدیکجه خالق، مئدیا و سیاسیلرین بیر قیسمیندا اؤرتولو شکیلده قبول گؤرمهسی اولدو.
آوروپادا حکومتلرین، توپلومون ایسلامی رنگلرینه قارشی ائیلملره سسسیز قالیشلاری ایچ و دیش سیاسی قایغیلاریلا دا ایلگیلی. ۲۰۰۱.جی ایلده سرعت قازانان و ان سون شارلی ابدو سالدیریلاری ایله آوروپادا ذیروهیه چیخان بیر هیستری حالی مؤوجود. بو وضعیت آوروپا دؤولتلرینین عرب باهاریندان بری یاراتدیقلاری اورتادوغو سیاستلرینین ایچ قامواویونداکی مطبخینی تشکیل ائدیر. ۲۰۱۱.جی ایلده تونسده باشلایان خالق حرکتلرینده آوروپا و آمریکانین داورانیشی ریتوریک تملینده اؤزگورلوکچو ایدی. بونا باخمایاراق اسکی رژیملرین یئرینه گلن کادرلارین ایسلامی اولوب اولمامالاری باتی اوچون اؤنملی بیر معیار اولدو. النهضه، مسلمان قارداشلار و سوریه موخالیفتینین مقبول قروپلارینی ترور آنلاییشی ایله عینیلشدیرمک میلی بونا بیر اؤرنکدیر.
تام دا بو نقطهده تورکیهنین اورتادوغودا اویناماغا باشلادیغی گؤرونورلوگو یوکسک و بیرلشدیریجی رولو وورغولامالیییق. تورکیهنین بؤلگه سیاستی ایسلاموفوبی سیاستلرینین عکس ایستیقامتینده یئرلشیر. تورکیهنین اورتادوغویا یؤنهلیک اوزلاشدیریجی و اینسان حاقلاری اساسلی سیاستی، باتی ایله تورکیهنین بؤلگهیه موناسیبتلرینین نه درجهده فرقلندیگینی گؤستریر. عینی زاماندا تورکیه باتی اؤلکهلرینده یاشایان مسلمان توپلوملارین قایناشماسینا و ایسلام اؤلکهلرینده دموکراسینین گئنیشلهنمهسینه دستک وئریر. آنجاق بو مثبت داورانیش تأسف کی، باتی مئدیاسینین بؤیوک بیر بؤلومونده مثبت قارشیلیق تاپمیر.
بؤلگهدهکی آغیر پسیکولوژیک آتموسفر ندنی ایله تورکیه چوخ معادلهلی بیر ساحهده تک باشینا دیپلوماسی اینشا ائدیر و بونو بوتون خرجلری ایله داوام ائتدیریر. تورکیه بؤلگهدهکی انسانی پروبلئملره اؤنملی نتیجهلر اورتیر. دیگر طرفدن ده اورتادوغونون دموکراتیکلشمه مباریزهسینده دوغرو نقطهده یئرلشیر. آنجاق تورکیه بو مباریزهده؛ باتی و ایسلام دونیاسیندان کیفایت درجهده دستک آلاممیر.
قلوبال میقیاسدا بیر مدنیت بحرانینین گوندهلیک سیاسی نگرانلیقلارلا گؤرمزدن گلینمهسی، تورکیهنین یئریتدیگی گونوموزده آز راستلانان تمکینلی و انسانی دیپلوماسینین سسینین ائشیدیلمهسینه ده مانع اولور.
...
آتاتورک اونیورسیتهسی اولوسلارآراسی ایلیشکیلر بؤلومو خوجاسی دکتر جمیل دوغاچ ایپکین قونو ایله باغلی دگرلندیرمهسینی سوندوق.