زیتون دالی عملیاتی و میلّی ساوونما سیستملری
تورکیه جمهوریتی زیتون دالی عملیاتی ایله ترورلا موباریزهسینی داوام ائتدیریر. تورکیه بو موباریزهسینی بؤیوک نیسبتده میلّی ساوونما سیستملری ایله حیاتا کئچیریر
![زیتون دالی عملیاتی و میلّی ساوونما سیستملری](http://cdn.trt.net.tr/images/xlarge/rectangle/9f28/9c94/be4e/5a6ed20ece8d6.jpg?time=1718580778)
تورک دیش پولیتیکاسینا باخیشلار(5)
زیتون دالی عملیاتی و میلّی ساوونما سیستملری
تورکیه جمهوریتی زیتون دالی عملیاتی ایله ترورلا موباریزهسینی داوام ائتدیریر. تورکیه بو موباریزهسینی بؤیوک نیسبتده میلّی ساوونما سیستملری ایله حیاتا کئچیریر. بیز ده بو هفته پروقرامیمیزدا زیتون دالی عملیاتی چرچیوهسینده تورکیهنین میلّی ساوونما سیستملرینی تحلیل ائدجگیک.
آتاتورک اونیورسیتهسی اولوسلار آراسی ایلیشکیلر بؤلومونون آراشدیرماجیسی دوکتور جمیل دوغاچ ایپکین مسئله ایله باغلی قیمتلندیرمهسینی تقدیم ائدیریک.
--------
تورک ساوونما صنایعسی مرز اؤتهسی عفرین عملیاتیندا اولدوقجا اوغورلو بیر ایمتحان وئریر. سون ایللرده اطراف اؤلکهلردکی ثابتسیزلیکلر و تورک اوردوسونون فاکتیکی موداخیله ساحهلری او جملهدن ساوونما ساحهسینده یئنیلیک احتیاجی اؤزونو گؤستریر. اؤلکهنین قارشی-قارشییا قالدیغی تهدیدلرین موختلیفلیگی، حیاتا کئچیریلن پروژهلرین ساییسینی و کیفیتینی زنگینلشدیریر. آرتان تهدیدلرین اؤلچوسو، تورک اوردوسونون جایدیریجیلیق گوجونون آرتماسی ضرورتینی ده برابرینده گتیریر.
سون 15 ایلده تورک منشعلی ساوونما واسطه و نیظامی مهماتین ایخراجی تخمینن 15 دفعه آرتیب، تورک سیلاحلی گوجلرینین تجهیزاتیندا دا یئرلی اورهتیمی اوستونلوک وئرمهسی، سکتورون گوجلنمهسینده ان بؤیوک عامل اولدو. 2013دن بو یانا ساوونما صنایعسی ایخراج اولونان 450 تورک فیرماسی 177 اؤلکهیه ساتیش حیاتا کئچیریب. اؤتن ایل اعتباریله تورکیهنین ساوونما ایخراجی 2 میلیارد دولاری اولورکن، سکتورون هاواجیلیق ایله بیرلیکده توپلام دؤوریهسی 6 میلیارد دولارلیق حجمه چاتیب. 2002-جی ایلده یوزده 80ین اوزرینده اولان خاریجه باغیملیک نیسبتی، بو گون اوزده 35لره قدر گئریلمیش دورومدا.
زیرئهلی قورو واسطهلری، قیسا و اورتا ائولی موشک سیستملری، سیلاحلی اینسانسیز هاوا واسطهلری، ساواشان دنیز واسطهلری و بونلارا اویغون نیظامی تکنیک داواملی اورهتیمی، خاریجه آسیلیلیغین آزالدیلماسی بیر یانا میلّی ساوونما کونسئپتینده احتیاجین بیلاواسیطه آرادان قالدیریلماسی باخیمیندان اولدوقجا اؤنملی. بو مثبت پروسهلره تأثیر ائدن دیگر بیر عامل ایسه خاریجی تداروکچو اؤلکهلرین سیاسی سببلرله تورکیهیه سیلاح و تکنیک تأمیناتیندا مسئولیتلرینی یئرینه یئتیرممهلری و یا بو مسئلهده ایستکسیز داورانمالاری اولدو.
تورکیه پرزیدنتی اردوغانین "پیس قونشو بیزی ائو صاحبی ائتدی" سؤزلری ایله خاراکتریزه ائتدیگی پروسئهده تورکیه، دونیانین مشعور سیلاح و ساوونما تکنولوژیسی اورهتیم ائدن آکتورلاری آراسینا گیردی. خصوصیله عراق و سوریه منشألی امنیت حدهلرینده ناتو و بمت-نین اتفاق قانونلاری لازیمی تورکیهیه یئرینه یئتیرمهسی لازیم اولان امنیتی و سرحد ساوونماسی مسئولیتلرینی یئرینه یئتیرممهسی، هاوا ساوونما سیستملرینین تورکیه لئهینه ایستیفادهسینین انگللنمهسی، عاجیلی احتیاج دویولان قارا و هاوا واسطهلرینین مودرنلشمهسینده پروژهلرینین لنگیدیلمهسی کیمی نومونهلر، اؤلکهنین اتفاق علاقهسی ایچینده اولدوغو طرفداشلاری ایله درین بیر اعتیماد پروبلمی یاشاماسینا یول آچدی.
بو گون گلینن نقطهده، دونیانین ان نفوذلو ساوونما صنایعسی سیاهیسی کیمی قبول ائدیلن " Defense News Top 100" ایچینده اوچ تورک فیرماسی یئر آلیر. موختلیف پروژهلرینین قلوبال گؤرونوشو آرتدیقجا، بو فیرمالارا قارشی سیفاریش ساییسی دا آرتیم گؤستریر. ان سون، میلّی ایمکانلارلا اورهتیم اولونان تعروض و کشفیات هلیکوپتری سالدیری ساتیشی اوچون پاکیستان ایله راضیلیغا گلینیب و اینسانسیز هاوا واسطهسی ساتیشی اوچون مالزی ایله موقاویله نقطهسینه گلدی.
اؤتن ایل فیرات قالخانی عملیاتیندا جیدی خیدمت گؤسترن آلتای تانکلارینین سری اورهتیمی باشلاییب و بونلار اوچون یئرلی موتور تکنولوژیسی ایشلری چوخلو شکیلده داوام ائدیر. قیسا ائولی هاوا ساوونما سیستملری جسور و اوچاقسوار، آلچاق یوکسکلیکده ایستیفاده ائتمک و اورتا یوکسکلیک حیصار-آ پروژهسینین، 2020ده سری اورهتیمه کئچمهسی گؤزلنیلیر.
هلیکوپتر و سیلاحلی اینسانسیز هاوا واسطهلرینه مونتاژ ائدیلهبیلن نیزه موشکلری، ان سون عفریندکی زیتون دالی عملیاتیندا تورک سسلاخلی گوجلرینه جیدی اوستونلوکلر قازاندیردی. آنجاق یئرلی و میلّی ساوونما سیستمینین، دیله گتیریلدیگی حالدا یوز فایز میلّی تکنولوژی احاطه ائتمهسی قیسا بادهدن داها چوخ اوزون مدتلی بیر پلان کیمی گؤرونور. چونکی مالیه و تکنولوژی ساحهلرده بعضی محدودیتلری اولان تورکیهنین قارشیسیندا داها یئریمهسی لازیم اولان اوزون بیر یول وار. همچینین اونو دا وورغولامالیییق کی دونیانین اؤنده گلن گوجلری ده داخیل اولماقلا آز قالا هر بیر اؤلکه، دیگرلری قارشیلیقلی آسیلیلیق علاقهسی ایچینده. ساوونماده کنارا باغیملیغی صیفیر نقطهسینده اولان دونیادا یالنیز آمریکا و روسیا نومونهلری وار و ایقتیصادی بؤیوکلوک و تکنولوژی آلت یاپی باخیمیندان تورکیهنین یاخین گلهجکده بو ایکی اؤلکهیه رقیب اولماسی آسان دئییل. بو سببله تورکیهنین ده اوزون مسافهلی هاوا ساوونما سیستملرینین اینکیشاف ائتدیریلمهسی داخیل اولماقلا بوتؤولوکده توپلوم طرفیندن یئرلی تکنولوژی اورهتیم اولونماسی گؤزلنتیسی یاخین پرسپکتیو اوچون دئییل، اورتا و اوزون مدت اوچون اولمالیدیر. چونکی قیسا مدتلی بیر گؤزلنتی رئال اولماز همچینین بونون یانیندا اؤلکهیه جیدی مالیه یوک ده گتیریر. دیگر طرفدن، اورتا و اوزون پرسپکتیوده تورکیهنین میلّی ساوونما سیستملری تورکیهنین بؤلگهسل و قلوبال هدفلرینه چاتماسیندا ان اهمیتلی قاتقی بخش ائدن ساحهلردن بیری اولا بیلر.
آتاتورک اونیورسیتهسی اولوسلار آراسی ایلیشکیلر بؤلومونون آراشدیرماجیسی دوکتور جمیل دوغاچ ایپکین مسئله ایله باغلی قیمتلندیرمهسینی تقدیم ائیدیک
ایلگیلیلی خبرلر
![تۆرک جمهوریتلرینین گوندمیندهکی گلیشمهلر](http://cdn.trt.net.tr/images/medium/rectangle/69b8/6ea7/ff13/6475fe34ae948.jpeg?time=1718580778)
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی