تورکیه پنجره سیندن اورتادوغو(3)
تورکیه جمهوریتی ایله عراق مرکزی رهبرلیگی آراسیندا تخمینن بیر ایلدن بو یانا (موصول یاخینلیغیندا عراقین طلبی ایله ائدیلن تورکیهنین بعشیقه پایگاهی سببی ایله باشلایان) گرگین موناسیبتلر وار ایدی
تورکیه پنجره سیندن اورتادوغو(3)
تورکیه جمهوریتی ایله عراق مرکزی رهبرلیگی آراسیندا بیر ایلدن بو یانا داوام ائدن گرگینلیکدن سونرا تورکیه جمهوریتینین باش ناظیری بینالی ییلدیریم عراقی زیارت ائتدی. بیز ده بو هفته پروقرامیمیزدا بو سفری و بؤلگهیه تأثیرلرینی آنالیز ائدجگیک.
آتاتورک اونیورسیتهسی اولوسلار آراسی ایلیشکیلر لابورانت جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...
------------
تورکیه جمهوریتی ایله عراق مرکزی رهبرلیگی آراسیندا تخمینن بیر ایلدن بو یانا (موصول یاخینلیغیندا عراقین طلبی ایله ائدیلن تورکیهنین بعشیقه پایگاهی سببی ایله باشلایان) گرگین موناسیبتلر وار ایدی. تورکیه جمهوریتینین باش ناظیری بینالی ییلدیریم 2017-جی ایلین ایلک خاریجی دیپلوماتیک سفرینی عراقا ائتمهسی ایکیطرفلی علاقهلرده یئنی بیر صحیفه آچیلماسی احتیمالینی گوندمه گتیریر.
ایلدیریمین هم عراق باش ناظری حیدر ایبادی، هم عراق تورکمن جبههسی لیدئری کرکوک میللت وکیلی ارشاد صالحی هم ده شیمالی عراق رئگیونال رهبرلیگی باشقانی مسعود برزانی ایله گؤروشمهسی، تورکیه اوچون روسیا و ایسرایل ایله نورماللاشما پروسهنین باشلادیلماسیندان سونراکی ان اهمیتلی دیپلوماتیک آددیم.
2003 آمریکا ایشغالی سونراسی تورکیه-عراق علاقهلری ائنیشلی-یوخوشلو بیر قرافیک ایزلهدی. بیلیندیگی کیمی تورکیه ایله عراق آراسیندا 2014-جو ایلده الده اولونان موقاویله ایستیقامتینده تورک نیظامی موصول شهری یاخینلیغینداکی بعشیقه دوشرگهسینده داعش ترورونا قارشی موباریزه اوچون یئرلی عنصورلاری اؤیرهدیر. 2015-جی ایلین سونلاریندا تورکیهنین بعشیقهده یئرلشن عسگر سایینی آرتیرماسی ایکی اؤلکه آراسیندا بحرانا سبب اولدو.
بو اوست سویه زیارت موصول-بعشیقه بخرانیندان سونرا گرگینلیگین اوست سویهیه دیرماشدیغی، حتی عراقین، تورکیهنین بعشیقهدکی نیظامی وارلیغینی "ساواش جینایتی" سایاجاغینا ایستیقامتلی آچیقلامالار بئله ائتدیگی بیر موحیطدن؛ قیسا مدت ایچریسینده علاقهلرین یومشالدیغی بیر دؤوره کئچید اوچون سون درجه کریتیک اهمیت داشیییر.
ایلدیریمین عراق سفرینین ان اهمیتلی گوندم ماددهسی بغداد حکومتی ایله الده اولونان راضیلاشما. بونا گؤره بعشیقه دوشرگهسینه ایستیقامتلی بعضی دوزنلمهلر گلرکن قارشیلیغیندا بغداد؛ ترور تشکیلاتی پ.ک.ک اوزرینده تضییقی آرتیراراق سینجاردان چکیلمهسینی تامین ائدهجک. سینجار، شمالی عراق ایله سوریه آراسیندا، تورکیهیه چوخ یاخین، داغلیق، اهمیتلی بیر ساحه. پ.ک.ک-نین مقصدی سینجاری ایکینجی شام ائتمک. سینجار، ایرانین بؤلگهده قورماغا چالیشدیغی لوجیستیک خط باخیمیندان دا چوخ اهمیتلی. ایرانین مقصدی ایراندان آغ دنیزینه چاتان، عراق و سوریهدن کئچن کسیلمز بیر قارا خطینده اگمن اولماق.
پ.ک.ک-نین سینجاردان چکیلجگینه دایر آمریکا و شمالی عراق بؤلگهسل رهبرلیگیندن آچیقلامالار گلسه ده تورکیهنین مداخیلهسی اولمادان بونون رئاللاشماسی مومکون دئییل. عراق اوردوسونون بو ایشی باجارا بیلهجگی شوبههلی. 2014-جی ایلین ژوئن آییندا ترور تشکیلاتی داعش 5 گون ایچریسینده 1500 میلیتانییلا موصولو ایشغال ائتدی. عراق مرکزی حکومتینه باغلی 50 مینه یاخین عسگر ساواشمادان (آمریکان اوردوسوندان قالان آغیر سیلاحلارینی دا بوراخاراق) موصولو ترک ائتدی. داعش بو سالدیری ایله هم موصولو هم ده مرکز بانکینداکی 430 میلیون دولاری اله کئچیردی. بو سببدن عراق اوردوسونون پ.ک.ک.نی سینجاردان تک باشینا چیخارتماسی موجود پوتانسیلی ایله چوخ چتین.
عراق ایچریسیندکی اینکیشافلار ده عراقین داعش سونراسی مدتده تورکیهنین دستگینه احتیاجی اولاجاغینی اورتایا قویور. بو نقطهده داعشا و تروریزمه قارشی بیرگه موباریزه ائدیلمهسی بیر لازیملیلیق. داعش سونراسی مدتده عراقدا اجتماعی و سیاسی تارازلیغین تامین ائدیلمهسی، سوننیلرین، کوردلرین و تورکمنلرین سیاسی سورهجه اینتقراسیون ائدیلمهسی، داعشدن آلینان بؤلگهلرین رابیلیتاسیون، گؤچمن پروبلمی کیمی موضوعلاردا تورکیهنین اهمیتلی رول اوینایاجاغی دا عراق طرفیندن قبول ائدیلمیش گؤرونور.
تورکیهنین بو آندا اربیل و بغدادی بیر-بیرینین آلترناتیوی دئییل، تاماملاییجیسی اولاراق گؤرور. ییلدیریمین بغداد مرکزی رهبرلیگی و عراق تورکمن جبههسی ایله گؤروشمهسی آیریجا اربیلی ده زیارت ائتمهسی، بونون ان اهمیتلی گؤستریجیسی.
تورکیه و عراق ترورلا موباریزهده بیرلیکده ایشه قرارلی. عراقین ترور تشکیلاتی پ.ک.ک-یا قارشی بئله بیر رفتار آلمیش اولماسی اهمیتلی. تورکیهنین سوریه موضوعسوندا روسیا و ایرانلا اوزلاشماسینین دا عراقا عکس اولوندوغونو سؤیلهیه بیلریک. بو زیارتله بعشیقه بحرانیندا حل یاخینلاشیلدی. آیریجا موصول عملیاتیندا یاشانانلار عراقین دا تورکیهنین حساسلیقلارینی نظره آلدیغینی گؤستریر. آنجاق بو سفرین تک باشینا تورکیه-عراق موناسیبتلرینده یومشالماسینی تامین ائتدیگینی سؤیلهیه بیلمریک.
بو گون تورکیه عراقلا یاخشی علاقهلر قورماق ایستییر. تورکیه، باشدا داعش ایله موباریزه اولماق عذره هر موضوعدا عراق خالقینین یانیندا یئر آلمیش وضعیتده. تورکیهنین هم شمالی عراقداکی هم ده موصولداکی وارلیغی بؤلگهدکی بوتون عنصورلار و ثابتلیک اوچون بیر گووئنجهدیر.
-------
آتاتورک اونیورسیتهسی اولوسلار آراسی ایلیشکیلر بؤلومو جمیل دوغاچ ایپکین موضوعیلا باغلی قیمتلندیرمهسینی تقدیم ائتدیک ...
ایلگیلیلی خبرلر
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی