ابراهیم قالین: ایکی یانلیش بیر دوغرو ائتمز
"دابقین ایتیریلمه‌سی، داعشین آزغین ایدئولوژیسینه بؤیوک بیر ضربه‌دیر. چونکو داعش، دابقین، قیامت گونو دؤیوشونون گئچه‌جیی یئر اولدوغونا اینانیر"
جمهورباشقانی باش کاتیبی‌نین یاردیمچیسی و سؤزچوسو ابراهیم قالین، "دابقین ایتیریلمه‌سی، داعشین آزغین ایدئولوژیسینه بؤیوک بیر ضربه‌دیر. چونکو داعش، دابقین، قیامت گونو دؤیوشونون گئچه‌جیی یئر اولدوغونا اینانیر" دگرلندیرمه‌سینی یازدی.
قالین، دیلی صاباح قزئتی اوچون قلمه آلدیغی "داعش، دابق و قیامت ایدئولوژیسینین آپتاللیق‌لاری" باش‌لیق‌لی مقاله‌سینده، تورک اوردوسونون دستک وئردیگی اؤزگور سوریه اوردوسونون 16 اکتبردا دابق قصبه‌سینی داعشدن گئری آلا‌راق 24 آگوستدا باشلایان فیرات قالخانی عملیاتی چرچیو‌سینده داعشه بیر ضربه داها ائندیردیگینی خاطیرلاتدی.
داعشین ایکی آیدان قیسا مدت ایچینده تورکیه-سوریه سرحد بؤلگه‌سین‌دکی اؤنملی بؤلگه‌لری ایتیردیگینی ایفاده ائدن قالین، عینی زاماندا داعشین دابق ایله الاقه‌لی قیامت اؤیکوسو اوزرینده قورولوب آزغین ایدئولوژیسینین ان اؤنملی عنصورلارین‌دان بیری اولان مشروعیت قونوسوندا گئده‌رک آرتان بیر پروبلئمله قارشی قارشییا اولدوغونا ایشاره ائتدی.
قالین، تورکیه‌نین سرحدلرینی تروریست عنصورلاردان تمیزلمک اوچون فیرات قالخانی عملیاتینا باشلادیغینی خاطیرلادا‌راق، مقاله‌سینه بئله داوام ائتدی:
"عملیاتین باشلانغیجین‌دان بو یانا جرابلوسون دا آرا‌لاریندا اولدوغو کیلید اؤنمه صاحیب شهرلر ایله دجله و فرات چای‌لاری آراسیندا، تورکیه-سوریه سرحد بؤلگه‌سینده داعشین ایشغا‌لی آلتین‌داکی چوخ ساییدا کند و قصبه قورتاریلدی. اؤزگور سوریه اوردوسو، وئردیگی ایتکی‌لره قارشی، داعشین ایداره‌سین‌دکی بؤلگه‌لره و تروریست قروپون سوریه‌ده‌کی ایکی قالاسی اولان الباب و رقه‌یه دوغرو دورما‌دان ایرلیله‌ییر. فیرات قالخانی عملیاتی‌نین، سوریه‌ده داعشه قارشی ائتکیلی بیر عملیات اولدوغو اثبات ائدیلدی: عملیات زامانی بؤلگه‌لر تروردان تمیزلندی، اؤزگور سوریه اوردوسونون روحیه‌سی یوکسلدی، ملایم قروپ‌لار اؤزگور سوریه اوردوسونا ایشتیراک اوچون تشویق ائدیلدی و مین‌لرله سوریه‌لی‌نین ائولرینه دؤنمه‌لرینه ایمکان تامین ائدیلدی. داها دا سونراسی، پ‌کاکانین سوریه‌ده‌کی تروریست قول‌لاری اولان دموکراتیک بیرلیک پارتیاسی (پید) و خالق قوروما بیرلیک‌لری‌نین (یپگ) بؤلگه‌ده داعشه قارشی تک ائتکیلی گوج اولدوغونا قارشی افسانه‌نی ییخدی.
قالین، بیر طرف‌دن عراقین 2003.جو ایلده طالعسیزجه ایشغال ائدیلمه‌سی دیگر طرف‌دن مالیکی حؤکومتی‌نین 2010-2013 ایللرین‌دکی مذهبچی سیاستی‌نین نتیجه‌سینده قورولان و سونوندا عراقین ایکینجی بؤیوک شهری موصولو اله گئچیرن داعشین نئجه دوغدوغونون خاطیرلانماسی‌نین کافی اولاجاغینی ایفاده ائتدی.
دوشمن بیر حؤکومت و اونا باغ‌لی آزغین میلیس قروپ‌لار طرفین‌دن یابانجیلاشدیریلان، آلچالدیلان و باسقی اویقولانان سنی طایفا‌لاری و موصولون سیرادان خالقی‌نین، 2014.جو ایلده 65 مین نفرلیک گوج‌لو عراق اوردوسو تک بیر مرمی آتما‌دان شهردن آیریلارکن داعشین شهرلرینه گیرمه‌سینه تاماشاچی قالدیغینی ایفاده ائدن قالین، " بو، داعشه گوونلی بیر لیمان تامین ائتمه‌نین یانیندا سنی-شیه علاقه‌لرینی داها دا زهرله‌دی. قیسا بیر مدت اول باشلایان موصول عملیاتی قونوسوندا دا ایندی بیر چوخو بنزر راحاتسیز‌لیق‌لاری دویور" دئیه یازدی.
قالین، تورکیه‌نین، سرحدلرینی بوتون تروریست عنصورلردن تمیزله‌ینه، وطنداش‌لاری‌نین و سوریه سرحدین‌دکی سوریه‌لی‌لرین تهلوکه‌سیزلیگینی تامین ائدنه قدر فیرات قالخانی عملیاتینی داوام ائتدیرمه‌یه قرارلی اولدوغونو وورغولایا‌راق، حیاتین نورمالا دؤندوگو جرابلوس-اعزاز خطین‌دکی گوونلی کوریدوردا یاشانان‌لارین بو اولدوغونو، سوریه خالقی‌نین، ان آزین‌دان بو بؤلگه‌لرده‌کی‌لرین، معتبر و محفوظ حس ائتدیگینی قید ائتدی. قالین، بونون، دونیانین، نیابتی دؤیوش‌لر و ژئوسیاسی گوج موباریزه‌سی اوچون سوریه خالقینی اوز اوستو بوراخمیش گؤروندوگو بیر دؤورده بیر اومود ایشیغی اولدوغونا ایشاره ائتدی.
دابقین ایتیریلمه‌سینی، "داعش اوچون حربی بیر مغلوبیت" سؤزلریله کاراکتریزه ائدن قالین، "داها اؤنم‌لی‌سی، بو اونون آزغین ایدئولوژیسینه بؤیوک بیر ضربه‌دیر. چونکو داعش، دابقین، قیامت گونو ساواشینین، خریستیان اسکاتولوژیسینده یاخشی‌لارلا پیس‌لر آراسین‌داکی سون دؤیوشون گئچه‌جیی یئر اولدوغونا اینانیر " دئیه یازدی.
بو یایینلارا اؤتری بیر باخیشین هم راحاتسیز ائدیجی شئی‌لر اورتایا چیخاردیغینی هم ده رسمی گؤستردیگینی ایفاده ائدن قالین مقاله‌سینده بو ایفاده‌لره یئر وئردی:
"دابق ژورنا‌لی، ایسلامی آنلاییش‌لارینی قورخونج شکیلده چارپیدیر و عسگر توپلانماسی و اؤزونو تعریفلمه مقصدیله صاف تبلیغات ائدیر. ژورنال، ترور تشکیلاتی‌نین مشروعیت اوچون احتیراص‌لی و ان سونوندا آخماقجا آختاریشینی گؤستریر.
ایلک دفعه جولای 2014.جو ایلده یاییملانان و 15.جی ساییسینی چیخاران ژورنال، تؤوحید، معاد، هیجرت، جیهاد و جماعت‌دن یولا چیخدیغینی ادعا ائدیر. پروفسیونل اولا‌راق خلیفه ادعا‌لارینی قانونی حالا گتیرمک ایستییرلر و مسلمان‌لاری بورایا کؤچ ائتمه‌یه چاغیریرلار. اوجوز تبلیغات تاکتیک‌لری و هوجوم‌لاری قوللانیرلار و یهودی‌لر، خریستیان‌لار، شیعه مسلمان‌لار و مسلمان قارداش‌لار و ان سونوندا بوتون مسلمان‌لار اونلارین آزغین ایدئولوژی‌لرینی آلمیر. "
دینی فتوا اولا‌راق دا کاراکتریزه ائدیله بیلن مکتوبون داعشین ایدئولوژیسینی و دینی مشروعیت ادعا‌لاری‌نین سهوینی ماده ماده اثباتلادیغینا ایشاره ائدن قالین، "مکتوب، داعشین نئجه دینی آنلاییش‌لاری تحریف ائده‌رک معاصیر دؤورون شیطانی آخین‌لارینا بنزر داغیدیجی بیر ایدئولوژی اینشا ائتدیگینی اورتایا قویور. گئچن ایل، دیانت ایشلری باشقان‌لیغی، 'دینی تحریف و ترور حرکتی اولا‌راق داعش باش‌لیق‌لی 40 صحیفه‌لیک بیر ردیه یاییملامیشدی. داعش ایدئولوژیسینین مشروعیتینی یوخ ائتمه سعی‌لری، هم ایسلام دونیاسیندا هم ده غربده یاشایان مسلمان لیدئرلر طرفین‌دن سوردورولمه‌لی. مسلمان‌لار، تحریف و داغیتما مقصدلی دونیوی امل‌لر گودن بیر قروپ باربارین، دین‌لرینی و زنگین مدنیتینی قصب ائتمه‌سینه ایجازه وئرممه‌لی. باتی اؤلکه‌لری داعشین نه اولدوغونو گؤرمه‌لی و اونلارین مهماتی اولان ایسلاموفوبیا و ایسلام قارشیدلیغینی آلوولان‌دیرمانی دوردورما‌لی‌دیر."
بو سوال عینی زاماندا، سوریه محاریبه‌سی‌نین ایکی جاناواری اولان داعش و اسد رژیمی‌نین بیر بیرینی بسلدیگی‌نین و حیاتدا قالما‌لارینا ایجازه وئریلدیگی مدتجه ده سوریه و اؤته‌سینده یاشانان ان پیس اینسان‌لیق بحرانینی بسلمه‌یه داوام ائدجیی گئرچیی‌نین آجی بیر خاطیرلادیجی‌سی‌دیر. داعشی سوریه، عراق و دیگر بؤلگه‌لردن تمیزلمک اؤنم‌لی‌دیر. آنجاق بو ساواش، باشقا ایختیلاف و آیری‌لیق‌لارین توخومونو اکمه‌مه‌لی‌دیر. قلوبال گوج‌لر، بؤلگه‌دکی طرف‌لر و دیگر مستقیل آکتورلاردان عبارت طرف‌لر داعشی کیچیک ایستراتژیک امل‌لرینه آلت ائتمه‌یی دوردورما‌لی. چونکو بو قازانانی اولمایان بیر ساواشا چئوریلیر. ایکی یانلیش بیر دوغرو ائتمز".
