قالین: ی.پ.گ-نین داعشه قارشی ساواشان تک تأثیرلی گوج اولدوغو دوشونجه‌سی یوخ اولدو
قالین، "تورکیه، پ.ک.ک تبلیغاتینا و اونون غرب‌دکی دستکچی‌لرینه قارشی سوریه‌نین اراضی بوتؤو‌لوگونو ساوونور و مرزی بویونجا پ.ک.ک-نین ایداره ائتدیگی بیر دولتچیغه ایجازه وئرمه‌یه‌جک." ایفاده‌سینی ایستیفاده ائتدی
پرزیدنت سؤزچوسو قالین، اؤزگور سوریه اوردوسو'نون جرابلوسا باشاریلی شکیلده گیرمه‌سی و شهرین ترور تشکیلاتی داعشدن تمیزلنمسیله ی.پ.گ-نین داعشه قارشی ساواشان تک تأثیرلی گوج اولدوغو دوشونجه‌سی‌نین یوخ اولدوغونو سؤیله‌دی.
قالین، فتح الله‌چی ترور تشکیلاتی 'پارالل دولت یاپیلانماسی (فتو / پ.د.ی)نین 15 ژوئیه‌ده قان‌لی کودتا گیریشیمی‌نین تورکیه‌نی ضعیفلدمک یئرینه گوجلندیردیگینی ایفاده ائتدی.
قالین، دیلی صاباح قزئتی اوچون قلمه آلدیغی "تورکیه‌ه‌نین کودتا سونراسی مقاومتی" باش‌لیق‌لی مقاله‌سینده، کودتا گیریشیمی‌نین قارشی‌سینی 6 هفته کئچمه‌دن تورکیهنین، سوریه‌نین جرابلوس شهرینی ترور تشکیلاتی داعشدن تمیزلمک اوچون "فیرات قالخانی حرکاتی"نی باشلاددیغینا ایشاره ائتدی .
حرکاتین، تورکیه‌ه مرزینی داعش و پ.ک.ک-نین سوریه داوامی پ.ی.د-نین سیلاح‌لی قانادی ی.پ.گ-نین ده آرا‌لاریندا اولدوغو بوتون ترور عضولرین‌دن تمیزلمگی مقصد قویدوغونو یازان قالین، ی.پ.گ-نین مونبیچ شهرینی ترک ائده‌رک فیرات چایی‌نین شرقینه چکیلجگینه دایر راضیلاشما اولدوغونو خاطیرلاددی.
ترور تشکیلاتی پ.ی.د-نین و سیلاح‌لی قانادی ی.پ.گ-نین، داعشین بوشالددیغی ساحه‌لره یئرلشمک و داها چوخ تورپاق اله کئچیرمک اوچون شرط‌لر میدانا گتیردیگینی وورغولایان قالین،
"تورکیه، پ.ک.ک تبلیغاتینا و اونون غرب‌دکی دستکچی‌لرینه قارشی سوریه‌نین اراضی بوتؤو‌لوگونو ساوونور و مرزی بویونجا پ.ک.ک-نین ایداره ائتدیگی بیر دولتچیغه ایجازه وئرمه‌یه‌جک." ایفاده‌سینی ایستیفاده ائتدی.
تورکیهنین، اؤز کورد وطنداشلارییلا، عراق‌داکی کوردلرله بیر پروبلمی اولمادیغی کیمی سوریه‌لی کوردلرله ده بیر پروبلمی اولمادیغی‌نین وورغولایان پرزیدنت سؤزچوسو قالین، مقاله‌سینه بئله داوام ائتدی:
"آنجاق هامیمیزین، تورک وطنداش‌لاری و گوون گوجلرینه سالدیری قدر کوردلره ده ظلم ائدن و اونلاری دا اؤلدورن پ.ک.ک. ایله پروبلمی وار. پ.ک.ک و پ.ی.د سوریه‌ده حرکتی بیر تروریست دولت یاراتماق اوچون سوریه‌دکی ساواشی اوتانما‌دان ایستیفاده ائدیر. تورکیه‌ه بونا ایجازه وئرمه‌یه‌جک.
اؤزگور سوریه اوردوسونون جرابلوسا باشاریلی شکیلده گیرمه‌سی و شهرین ترور تشکیلاتی داعش میلیتانلاریندان تمیزلنمسیله ی.پ.گ-نین داعشه قارشی ساواشان تک تأثیرلی گوج اولدوغو دوشونجه تامامیله چؤکدو. فیرات قالخانی حرکاتی، دیگر شئی‌لرین یانیندا اؤزگور سوریه اوردوسو گیمی مولاییم سوریه‌لی مخالیف قروپ‌لارین دوغرو شکیلده دستکلندیگی تقدیرده اسد رژیمی‌نین یانیندا داعشه قارشی دا ساواشابیله‌جکلرینی و سوریه تورپاق‌لارینی تروردان قورتارا‌جاق‌لارینی گؤستردی. "
پرزیدنت سؤزچوسو قالین، آمریکانی، جرابلوس عملیاتین‌دان سونرا پ.ی.د / ی.پ.گ-نی نه باهاسینا اولورسا اولسون دستکلمه سیاستین‌دن ایمتیناع ائتمه‌یه چاغیرا‌راق، "آمریکا، ی.پ.گ-یه دستگی‌نین سوریه‌نین اجتماعی و اتنیک اویومونا وئردیگی ضرری گؤرمه‌لی‌دیر." ایفاده‌سینه یئر وئردی.
تورکیهنین آرتیق کودتا گیریشیمی اوّلین‌دن داها گوجلو اولدوغونا و تورک خالقی‌نین گولنجی کودتاچی‌لرین اینتیقام آلماق ایستمدیگینه، یالنیز عدالت طلب ائتدیگینه دقتی چکن قالین، بونلاری قید ائتدی:
"خالق، گولنجیلرین دولتی اله کئچیرمک اوچون سوی-ایستیفاده ائتدیگی دگرلر اولان رهبرلیک و دولت-وطنداش موناسیبت‌لرینده لیاقت، حساب وئریله‌بیلیرلیک، شفاف‌لیق و گوو‌نین تکرار قورولما‌سینی ایستییر. بو تدبیرلر گله‌جک‌دکی اولابیله‌جک کودتا گیریشیملرینی ده قارشی‌سینی آلماق اوچون لازیم‌دیر. هر هانسی بیر کودتا گیریشیمی هر هانسی بیر اؤلکه‌نی ثابت‌لیک‌سیزلشدیره‌بیلیر، ایقتیصادینی چؤک‌دوره بیلر و جمعیتی بؤله‌بیلیردی. تورکیه‌ه‌ده ایسه بونون تام ترسی اولدو و تورکیه‌ه بیر بوتون اولا‌راق مقاومتینی گؤستردی. تورک خالقی بونو بیر گوج و جان‌لی‌لیق قایناغی اولا‌راق قید ائتدی و بونا تورکیهنین هر یئردکی دوست‌لاری قاتیلما‌لی‌دیر. "
