تورکیه نین کولتورخزانه‌سی(25)
هیتیتلرین پایتختی اولان هاتوشاش-بوغازکؤی میلادادان اؤنجه 17 و 13.یوز ایل‌لر آراسیندا هیتیت ایمپراتورلوغونا پایتخت‌لیق ائتدی
تورکیه نین کولتورخزانه‌سی(25)
تورکیه‌نین مدنیت خزینه‌لرینی بو هفته، مین‌لرله ایل اوّل دونیانین ایکی سوپر گوجون‌دن بیری اولان هیتیت ایمپراطورلوغونون پایتختی اولان هاتوشاش - بوغازکؤیو تانیداجاغیق. هاتوشاش 1986-جی ایلدن بری یونسکو دونیا مدنی ارث لیسته‌سینه وار.
----------
گونوموزدن 3500 ایل اوّل دونیا اوزرینده ایکی سوپر گوج وار ایدی. بون‌لاردان بیری فیرعون‌لارین میصری دیگری هیتیت ایمپراتورلوغویدو. بو ایکی بؤیوک دولت او زامان‌لار بیلینن دونیانین اهمیت‌لی بیر بؤلومونه حؤکم ائدیردی. او دؤورون نقلیات، اها‌لی، تکنولوژی ایمکان‌لاری محدود ایدی. یول گوونلیگی، آساییشین تامین ائدیلمه‌سی تیجارت اوچون چوخ اهمیت‌لی ایدی. گئنیش جوغرافیا‌لارین بیر ایمپراتورلوق نیزامی ایچینده ایداره‌سی و ایداره اولونماسی چوخ چتین ایدی. داواملی یاشانان عصیان‌لار و قول‌دورلارین وئردیگی ضررلر بؤیوک دولت‌لری مشغول ائدیردی. هیتیت‌لر ایندیکی واختدا چوروم یاخین‌لاریندا اولان هاتوشاش-بوغازکؤیو پایتخت‌لری ائده‌رک دؤرد بیر ایستیقامته دوغرو اگمن‌لیک‌لرینی اینکیشاف ائتدیردی‌لر. هیند-اوروپا دیل عائله‌سی‌نین بیلینن ان اسکی عضوو اولان هیتیتلرین چوخ تانری‌لی بیر دینه صاحب ایدی‌لر. باش‌لاریندا فیرتینا اللهی و گونش تانریچه‌سی‌نین اولدوغو دین‌لرینده هر فتح ائتدیکلری یئرله بیرلیکده تانری سایسی آرتیردی. ائله بیر حالا گلدی‌لر کی اونلاردان 1000 تانری‌لی اولوس دئیه بحث ائدیلمیه باشلاندی. فته ائتدیکلری بؤلگه‌لردکی یئرلی خالقین اینانجین‌داکی تانری‌لاری دا اؤزلرینه بیر ضرر گلمه‌سین دئیه‌رک دین‌لرینه قاتیردی‌لار.
---------
هیتیتلرین پایتختی اولان هاتوشاش-بوغازکؤی میلادادان اؤنجه 17 و 13.یوز ایل‌لر آراسیندا هیتیت ایمپراتورلوغونا پایتخت‌لیق ائتدی. آشاغی شهر و یوخاری شهر بؤلوملریله چوخ یاخی‌نین‌داکی دینی مرکزلری اولان یازیلیکایا شهرین ان اهمیت‌لی توریستیک یئرلری‌دیر. هیتیتلرین تورات‌دا آدلاری‌نین کئچدیگین‌دن آز چوخ بیلینیردی. 1890لاردا آرکولوق‌لارین بورانی کشف ائتمسیله آچیق معلومات‌لارلا دا وارلیق‌لاری ثبوت اولدو. هاتوشاشدا ائدیلن قازینتی‌لاردا دولت آرشیوی‌نین ده تاپیلماسی و میسمار یازی‌لی الیفبا‌لاری‌نین اوخونماسی اونلارلا علاقه‌دار معلومات‌لاریمیزی آرتیرمامیزی تامین ائتدی. چیخاردیق‌لاری قانون‌لارلا بیر حقوق دولتی اولماغی باجاردی‌لار. هر شهرین ایدارچی‌سی ایمپراتور آدینا هم بؤلگه‌نی ایداره هم ده عدالتی تامین ائدیردی. تاریخی پایتختین گیریش‌لری اولان آسلان‌لی قاپی، سفنسک‌لی قاپی و کرال قاپی‌لاری هله آیاقدا. تهلوکه آنیندا ایره‌لی گلن‌لرین قاچیشینی تامین ائتمک اوچون ائدیلن گیزلی کئچید ایندیکی واختدا زیارتچی‌لرین ان چوخ دقتینی چکن یئرلردن. غرب یؤنوندکی کرپیج سورلار اصلینه اویغون حالدا تکرار تعمیر ائدیلدی.
---------
میلاددان اؤنجه 13.یوز ایله گلیندیگینده هیتیتلرین و میصیر، سوریه‌نین حاکمیتی اوچون ساواشدیلار. هیتیت سلاح‌لاری و ساواش آرابا‌لاری تکنولوژی اولا‌راق چوخ اوستون ایدی. 37 مین نفرلیک اوردویا 3500 3نفرلیق اینسان داشییان ساواش آراباسی یولداش‌لیق ائدیردی. میصیر اوردوسو 20 مین عسگر و 2000 ساواش آراباسینا صاحب ایدی. میلاددان اؤنجه 1295ده قادئش دوزنلیگینده قارشی‌لاشان ایکی دولت اوردولاری موطلق بیر ظفر کازانمادی‌لار. ساواش گونو یاشانان گونش توتولماسی اوزون‌دن تانری‌لارین ساواش ایستمدیگی شکلینده آچیقلامایا یول آچدی. بونون اوزرینه افسانوی میصیر فیرعونو 2. رامسئس و هیتیت ایمپراتورو 3. هاتوشولی آراسیندا قادش باریش راضیلاشماسی ایمضالاندی. سوریه تورپاق‌لاری‌نین بؤلوشدورولمه‌سی نتیجه‌سینده ساواش سونا چاتمیش و تاریخین بیلینن ایلک باریش موقاویله‌سی ایمضالانمیش‌دیر. سازیشین میصیر و هیتیت نومونه‌لری ایکی اؤلکه پایتختینده هر کسین گؤره‌جگی یئرلره آسیلدی. 1906-جی ایلده هاتوشاشدا ائدیلن قازینتی‌لاردا اولان راضیلاشما نومونه‌سی بو گون ایستانبول آرکولوژی موزه‌سینده سرگی‌لنیر. سازیشین بؤیودولموش بیر نومونه‌سی ده نیویورک‌داکی بیرلشمیش میللت‌لر تشکیلاتی‌نین بیناسیندا تاریخین ایلک باریش موقاویله‌سی اولماسی سببین‌دن وار. قادش راضیلاشماسین‌دان سونرا هیتیت و میصیر آراسیندا قارشی‌لیق‌لی ائلچی‌لر گؤندریلدی. ایکی اؤلکه آراسیندا قارشی‌لیق‌لی آلیش وئریشلر حیاتین هر ساحه‌سینده حتی مودادا بئله حیس ائدیلدی. هیتیت پایتختینده جنوب‌داکی سور دیوارلاری پیرامید شکلینده تیکیلدی. بو پیرامید دیوار ایندیکی واختدا دا زیارتچی‌لرین دقتینی چکیر. بوغازکؤی موزه‌سی و چوروم موزه‌سی هیتیت دؤورونه ایشیق توتان ان اهمیت‌لی مدنیت اثرلری دقت چکیر. گونون بیرینده 3500 ایل اوّل دونیانین سوپر گوجلرین‌دن اولان هیتیت پایتختینه یولونوز دوشسه بورادا اولان مدنی زنگین‌لیک‌لر سیزین سفر گؤزلییر. بورا‌لارا قدر چیخمیش‌دیر چوروم نوخودونون دادینا باخماغی دا اونوتمایین.
