تورکیه و آفریقا: بیر برابرلر اورتاقلیغی
کئچن آی ایستانبولدا کئچیریلن دونیا اینسانی ایجلاسیندا 32 آفریقا اؤلکهسیندن گلن لیدرلری قوناق ائدن تورکیه، شرقی آفریقایا شرفلی بیر شکیلده و میننتله دؤندو
تورکیه و آفریقا: بیر برابرلر اورتاقلیغی
تورکیهنین بؤلگهدکی باشارینین سببی سیرر دئییل: یئرلی اورتاقلارا حؤرمت، یئنی فورصتلر یاراتماق و ساحهدکی چالیشقان اینسانلاری یارالایابیلهجک سیاستلردن چکینمک.
تورکیه پرزیدنتی رجب طیب اردوغان 31 میدن 3 ژوئنه قدر داوام ائدن رسمی بیر شرقی آفریقا تورونا چیخدی. تورکیهنین بؤلگهدکی یاخین اورتاقلاریندان اولان اوگاندا، کنیا و سومالینی ایچهرن بو اوچ اؤلکهنی ایچهرن سفر، میللتیمیزین آفریقانین باشاری احوالاتینین بیر پارچاسی اولماق نیتینی تکرار تصدیقلهدی.
آچیق اولماق لازیم اولسا، تورکیهنین آفریقا ایله اولان علاقهسی گونکی حالینا بیر گونده گلمهدی. قارّهیا چاتماق اوچون 1990-جی ایللرین سونوندا آتیلان ایلک تمل آددیملار، عدالت و قالخینما پارتیاسی (آک پارتی) دؤوروندکی تورکیهنین خاریجی سیاست تلاشلاری ایله داها سیستماتیک و قرارلی حالا گلدی. 2005-جی ایلده باش ناظیر اردوغان حکومتی بؤلگهسل موتتفیقلریمیزله داها یاخین بیر امکداشلیغا گیرمک، یئنی دوستلار الده ائتمک و قارّهنین اؤز پوتانسیلینی اورتایا چیخارماسینا کؤمک ائتمک اوچون آفریقا آچیلیمینی باشلاتدی. بو دیپلوماتیک تلاش ایستانبول و مالابو-دا ائدیلن تورکیه-آفریقا اورتاقلیق ایجلاسلاریلا داوام ائتدی.
تورکیه خالقی اوچون، اؤلکهنین شرقی آفریقا اؤلکلریله علاقهلرینده دؤنونوم نقطهسی، اردوغانین 2011 قوراقلیغی و قیتلیغینین تپه نقطهسینه چاتدیغی زاماندا ائتدیگی تاریخی زیارت ایدی. بحرانین 250 مین حیاتا مال اولدوغو بیر زاماندا اردوغان اینسانلارا تک اولمادیقلارینی سؤیلهدی و تکرار آیاقلاری اوزرینده دایانمالاری اوچون اونلارا کؤمک ائتمه سؤزو وئردی.
کئچن آی ایستانبولدا کئچیریلن دونیا اینسانی ایجلاسیندا 32 آفریقا اؤلکهسیندن گلن لیدرلری قوناق ائدن تورکیه، شرقی آفریقایا شرفلی بیر شکیلده و میننتله دؤندو.
سون ایللرده، تورک امکداشلیق و کووردیناسیون آژانسی (TİKA) اوتوزدان چوخ اؤلکهده قالخینما پروژهلرینی ایداره ائتمک اوچون 15 اوفیس آچدی. تورکیه، یالنیز 2012 و 2013، آفریقاداکی مختلیف یاردیم پروقراملارینا 800 میلیون دولار دگرینده قاتقیسی اولدو. تورک کؤنوللولرینین و پروژهلرینین محکم و آغیر ایشلری، طیبی، ارزاق و دیگر ایمکانلارا محدود چیخیشی اولان میلیونلارلا اینسانین حیاتیندا فرق یاراتدی.
کئچن ایل، تورکیه طیب پروفسیونللرینه اگیتیم وئرمک و خستهلری معالیجه ائتمک اوچون، تورک-سومالی تحصیل و آراشدیرما خستهخاناسی آچدی. بو خستهخانا شرقی آفریقاداکی ان بؤیوک طیب مرکزی اولماغا داوام ائدیر.
تلاشلاریمیز یالنیز شرقی آفریقا ایله محدود دئییل. 2014 غربی آفریقا ائبولا اپیدمیسی آردیندان، تورکیه آفت و عاجیل یاردیم رهبرلیگی باشقانلیغی (AFAD) سرا لئون، لیبریا و گینهده طیبی وسایل و اینسانی یاردیم گؤندردی. تورکیه آفت و عاجیل یاردیم رهبرلیگی باشقانلیغی آیریجا موزامبیک و جنوب-شرق آفریقانین گئری قالانینا میدانا گلن سئل فلاکتینده ده کمکه قوشانلار آراسیندا ایلک سیرادا ایدی.
تورک سیویل تشکیلاتلاری و پرزیدنت یورددیشی تورکلر و قوهوم توپلولوقلار باشقانلیغی (YTB) تلاشلاری سایهسینده 4.500 چوخ گنج آفریقالی تورکیهنین مشهور اونیورسیتهلرینده و کولژلرینده تحصیل آلیرلار.
تورکیهنین باشاریسینین سیرری، یئرلی جماعته و حکومتلره، پایلاشماق ایستدیکلریمیزه پاسیو بیر آلیجیسی دئییل برابر طرفداشلار اولاراق داورانماقداکی قرالیلیغیدیر. برابرلیک و قارشیلیقلی گوونه ائتدیگیمیز وورغو تورکیه-آفریقا اورتاقلیغینی تاریخی بیر باشاری حالینا گتیرن سببدیر.
تورکیه، بو گون آفریقانین اصل بیر پارچاسی حالینا گلمیشدیر. هر ایل مینلرله ایش اینسانی، طلبه و عائله، اوچوش شبکهسینی 32 اؤلکهده 48 نقطهیه گئنیشلهدن تورک هاوا یوللاری ایله دونیادا سیاحت ائدیر. تورک شیرکتلری، 2000-دن بو یانا قارشیلیقلی ایش حجمینین 8 قات آرتاراق 6 میلیارد دولارا چاتدیغی صحرا-آشاغیسی آفریقا خالقلاری اوچون ایستیخدام یارادیرلار.
سون اولاراق، اون ایل اوّلینه نظرن تورکیه بو گون آفریقاداکی سفیرلیک سایسینی بئش قات آرتیراراق توپلام 34ه چیخاردی.
تورکیه، چوخ یول گئتمهمیزه باخمایاراق، آفریقا خالقلاری اوچون و اونلارلا بیرلیکده داها چوخونو ائتمهیه اولان قرارلیغینی داوام ائتدیریر.
اوقاندا، کنیا و سومالی داخیل اولماقلا شرقی آفریقاداکی دوستلاریمیز بین الخالق توپلومون چوخ آز بیر دستگی قارشیلاشدیقلاری اینسانی چتینلیکلرله باش ائتمهیه چالیشیرلار. دونیانین ان چوخ سایدا قاچقینلار ائو صاحبلیگی ائدن اؤلکهسی اولاراق تورکیه آفریقا خالقلارینین تلاشینا دقتلری چکمهیه داوام ائدهجک.
بنزر بیر شکیلده، اوگاندا، کنیا و سومالی تروریزمله علاقهلی میللی امنیت پروبلملری یاشاییر. بؤلگهنی داها اعتبارلی ائتمک اوچون اونلارلا اولان علاقهلریمیزی درینلشدیررک داوام ائدجگیک.
سون اولاراق، تورکیهنین قارّه بویونجا اقتصادی بؤیومگی دستکلمه تلاشلاری، خصوصیله شرقی آفریقادا، گلهجکده ده داوام ائدهجک. تیجارتی دستکلهیهرک، یئنی ایش ایمکانلاری یاراداراق و یئرلی بیرلیکلره اؤز آیاقلاری اوستونده دایانا بیلمهلری اوچون گرک واسطهلری تامین ائدهرک، تورکیه یاخین بیر اورتاق اولاراق قالماغا داوام ائدهجک.
اردوغانین شرقی آفریقا تاریخی زیارتی وسیلهسیله، دونیانین سرمایهدار و مقتدرلرینی اوگاندا، کنیا و سومالییه، قونشولارییلا بیرلیکده، یاشادیقلاری امنیت، اقتصادی و سیاسی پروبلملری اوسته لنمکده کؤمک ائتمهلری اوچون خبردار ائتمک اهمیتلیدیر.
تورکیهنین بؤلگهدکی باشاریسینین سببی سیرر دئییل: یئرلی اورتاقلارا حؤرمت، یئنی فورصتلر یاراتماق و ساحهدکی چالیشقان اینسانلاری یارالایابیلهجک سیاستلردن چکینمک.