تورکیهده بو هفته (4)
آنتالیا آلتین پرتقال فیلم فستیوالی
آنتالیا آلتین پرتقال فیلم فستیوالی، آوروپا آسیانین ان کؤکلو فیلم فستیواللاریندان بیری و تورکیهنین ایسه ان اسکیسولوکلو اوزون فیلم فستیوالیدیر. بو فستیوال، 1964-جی ایلدن بو یانا "آنتالیا بؤیوک شهیر بلدیهسی" طرفیندن" آنتالیا کولتور صنعت وقفی" طرفیندن هر ایلین سون باهار موسیمینده آنتالیادا گرچکلشدریلمکدهدیر.
فستیوال، 2005-جی ایلدن بو یانا اولوسلارآراسی یاریشما بؤلومونو ده پروقرامی ایچینه آلاراق، اولوسلاراراسی آنتالیا آلتین پرتقال فیلم فستیوالی آدییلا گرچکلشمکده. 51.جی اولوسلارآراسی آنتالیا آلتین پرتقال فیلم فستیوالی ایسه بو ایل اکتبر آینین 10و ایله 18ی آراسی گرچکلشدی.
بو ایل اولوسلارآراسی آنتالیا آلتین پرتقال فیلم فستیوالیندا بیر ایلک ده یاشاندی. فستیوال قابسامیندا 1.جی آنتالیا فیلم فورومو 14- 17 اکتبر تاریخلری آراسیندا دوزنلندی. تورکیه دونیا سینما پروفسیونللرینین آنتالیادا بولوشماسینی ساغلایاجاق اورتاق یاپیم پروژه اینکیشاف پلاتفورم اؤزللگیندهکی 1.جی آنتالیا فیلم فورومونون آچیلیشینا، بؤیوک شهیر بلدیه باشقانی مندرس تورال ایله سینما باش مودورو جم ارکول دا قاتیلدی.
بو فوروم، آلتین پالمیه اؤدوللو لورن کانت و یؤنتدیگی سون فیلمی "ایتهاکایا دؤنوشون یاپیمچیسی دیدار دومهرینین قاتیلدیغی ماستر کلاس توپلانتیسییلا باشلادی. فوروم قاپسامیندا دونیاجا اونلو ایرانلی یؤنتمن عباس کیارستمینین "گیلاسین دادی" آدلی فیلمی گؤستریلدی و اوستالیق صینیفی دوزنلندی.
بیر هفتهلیک فیلم گؤستریمی، فوروم، دارتیشما، اوستالیق صینیفلری و دانیشیقدان سونرا، سونوندا 51.جی اولوسلارآراسی آنتالیا قیزیل پرتقال فیلم فستیوالی 18 اکتبر ساعات 10.00-دا آنتالیا اکسپو سنترده تشکیل ائدیلن محتشم و گؤرکملی بیر گالا و اؤول مراسیمی ایله سونا چاتدی. یئرلی و خاریجی بیر چوخ فیلم اولدوزو، یؤنهتمن و یاپیمچی قیرمیزی خالچادا یئرییهرک سالونا گیریب هیجانلا اؤدوللرین آچیقلانماسینی گؤزلهدیلر.
سونوندا ان یاخشی فیلم، ان یاخشی یؤنهتمن، ان یاخشی قادین اویونچو، ان یاخشی کیشی اویونچو کاتگوریلری باشدا اولماق اوزره اؤدوللر صاحبلرینی تاپدی.
فستیوالدا قوتلوق آتامانین یؤنهتدیگی "قوزو" بئش اؤدولون صاحبی اولدو. "قوزو"نون آردیندان ان چوخ اؤدول دؤرد داللا اراول مینتاشین یؤنهتمنلیگینی ائتدیگی "آنامین شارقیسی" آدلی فیلمه گئتدی. 71.جی ونیز فیلم فستیوالیندا ژوری اؤزل اؤدولونه لاییق گؤرولن قاان موژدهجینین "سیواس" فیلمی ایسه قیزیل پرتقالدا اوچ اؤدولهت دؤندو.
51.جی قیزیل پرتقال فیلم فستیوالی اؤدوللری آشاغیداکی شکیلده صاحبلرینه چاتدی.
- ان یاخشی قیسا فیلم اؤدولونو گلهجک اوچون بیزلره اومود وئرن جملهسی ایله اؤوولن "بیر فینجان تورک قهوهسی" فیلمی قازاندی.
- سینما یازارلاری درنگینین ان یاخشی اولوسلارآراسی فیلم اؤدولونو چایتانیا تامهانئچنین یؤنهتدیگی محکمه / تریبونال فیلمی قازاندی.
- سینما یازارلاری درنگینین ان یاخشی اولوسال فیلم اؤدولونو قوتلوق آتامانین یؤنهتدیگی قوزو فیلمی قازاندی.
- اولوسلارآراسی ایزلهییجی اؤدولونو، کورنل موندروزونون آغ تانری / وایت گاد فیلمی قازاندی.
- اولوسال ایزلهییجی اؤدولونو، آیحان سونیورکین یؤنهتدیگی "یاخشی بیری" فیلمی قازاندی.
- اولوسال اوزون متراژ فیلم یؤنهتمنلر درنگینین ان یاخشی یؤنهتمن اؤدولونو قورورلاندیران قلبلر فیلمیله عمر اوغور قازاندی.
- هر ایل گنج بیر یئتهنگه وئریلن بهلول دال اؤزل اؤدولونو ایسه بو ایل دوغان ایزجی (سیواس)، سیلا لارا جانتورک (قوزو) و مرت تاشدان (قوزو) پایلاشدی.
- اولوسلارآراسی ان یاخشی فیلم اؤدولونو آلکساندر کوتون یؤنهتدیگی تست فیلمی قازاندی.
- آنامین شارقیسی فیلمیندکی پرفورمانسییلا عزیز چاپکورت، ان یاخشی کؤمکچی کیشی و قوزو فیلمیندکی پرفورمانسییلا نورسل کؤسه، ان یاخشی کؤمکچی قادین اویونچو اؤدولونه لاییق گؤرولدو.
- ان یاخشی قورغو اؤدولونو، سیواس فیلمیله یورگوس ماوروپساریدیس قازاندی.
- ان یاخشی صنعت یؤنهتمنی اؤدولو ندن تارکووسکی اولاممیرام فیلمیله عثمان اؤزجانا گئتدی.
- اعتراضیم وار فیلمیندکی پرفورمانسییلا سرکان کسکین و آنامین شارقیسی فیلمیندکی پرفورمانسییلا فیاض دومان ان یاخشی کیشی اویونچو اؤدولونو پایلاشدیلار.
- نسرین جوادزاده ایسه قوزو فیلمیله ان یاخشی قادین اویونچو اؤدولونون صاحبی اولدو.
- ان یاخشی موسیقی اؤدولو آنامین شارقیسی فیلمیله باشار اوندره گئتدی.
- ان یاخشی سناریو اؤدولونو یؤنهتمن اونور اونکو قازاندی.
- ان یاخشی ایلک فیلم اؤدولونون صاحبی آنامین شارقیسی فیلمی ایله آصلی اردم اولدو.
- اولوسال اوزون متراژ ژوری اؤدولونو اوفلو خوجانی آختارماق و سیواس فیلملری پایلاشدی.
- اولوسال اوزون متراژ فیلم یاریشماسی ان یاخشی یؤنهتمن اؤدولونو اونور اونلو قازاندی.
- اولوسال یاریشمادا ان یاخشی فیلم اؤدولونه قوزو فیلمی صاحب اولدو. قوزو فیلمینین یؤنهتمنی قوتلوق آتامان اؤدولو ایرانلی یؤنهتمن عباس کیارستمیدن آلدی.
- اولوسلارآراسی قیزیل پرتقال فیلم فستیوالینین حیات بویو باشاری اؤدولو ایسه ایرانلی یؤنهتمن عباس کیارستمی و اسکار اؤدوللو آمریکالی اویونچو الن بورستینه وئریلدی.
"بالیق"، "چئکمهکؤی آندرگراوند"، "قومون دادی" فیلملری ایسه فستیوالدان الی بوش دؤندو.
یاریشمادا "ان یاخشی فیلم" اؤدولونو آلان "قوزو" فیلمینه 350 مین لیرا، "ان یاخشی ایلک فیلم" اؤدولونو آلان "آنامین شارقیسی" فیلمینه 125 مین لیرا، "ان یاخشی یؤنهتمن" سئچیلن اونور اونلویه 75 مین لیرا وئریلدی. "ان یاخشی سناریو"، "ان یاخشی گؤرونتو یؤنهتمنی" و "ان یاخشی موسیقی" اؤدوللرینین صاحبلری ایسه 30 مین لیرا اؤدولون صاحبی اولدو.
بو ایل 51.جیسی تشکیل ائدیلن اولوسلارآراسی آنتالیا قیزیل پرتقال فیلم فستیوالینین آنتالیا اکسپو سنترده گئچیریلن گالاسینا، عمر فاروق سوراکین یؤنهتدیگی سیناو فیلمینده ده رول آلان مشهور آکسیون اویونچوسو ژان کلود وان دام دا قاتیلدی. قیرمیزی خالچا دا سئونلرینه پوزلار وئرن آکتورون حیرانلاری دا شکیل چئکدیردی.
ایلگیلیلی خبرلر
![تۆرک جمهوریتلرینین گوندمیندهکی گلیشمهلر](http://cdn.trt.net.tr/images/medium/rectangle/69b8/6ea7/ff13/6475fe34ae948.jpeg?time=1718827486)
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی