تورکیه‌ده بو هفته (3)
مصطفی کمال آتاتورک آنکارادا
‘آنکارا و آنکارا‌لی‌لارین، منیم گؤزومده تام فرق‌لی بیر یئری واردیر.’
مصطفی کمال آتاتورک
تورکیه‌ده، آنکارانین باشکند اعلان ائدیلیشینین ۹۱.جی ایل‌دؤنومو هفته‌سی قوتلاندی.
قورتولوش ساواتشینین سوردوگو ایللرده، وطنی قورتارماق اوچون آپاریلان مباریزه‌نین اؤندری آتاتورک، داها آماسیا گئنه‌لگه‌سی/بخشنامه‌سی یاییملاندیغیندا (ژوئن ۱۹۱۹)، گئرچک میلی گوجون آنادولودا اولدوغو وورغوسونو ائتمیش، قرار اورگانی اولاراق آنادولویا ایشاره ائتمیشدی. نئجه کی سیواس کنگره‌سینی گرچکلشدیردیک‌دن سونرا، مباریزنی بورا‌دان یؤنه‌تدی.
حقیقتا ده آتاتورکون اؤن گؤردویو کیمی ایستانبول، ایشغالچی گوج‌لر طرفین‌دن ایشغال ائدیلمیش، مجلیسی مبعوثان باسیلمیش، (مارس ۱۹۲۰)، اوردو داغیلمیش، امپراتورلوغون چوخ ساییدا ایره‌لی گله‌نی سورگونه یوللانمیشدی.
۲۳ آوریل ۱۹۲۰.جی ایلده، آنکارادا تورکیه بؤیوک میلت مجلیسینی آچان اولو اؤندر ایسه، هم حربی مباریزنی داوام ائتدیرمیش، هم ده سیاسی زمینی میدانا گتیرمه چابا‌لارینی باشلاتمیش‌دیر.
قورتولوش ساواشینین اؤندری مصطفی کمال پاشا، داها ۲۷ دسامبر ۱۹۱۹.جو ایل، ایشغالین یوردون دؤرد بیر یانینی قوشاتدیغی گون‌لرده گلدیگی آنکارادا بؤیوک سئوگی ایله قارشیلانمیشدی.
داها او زامان‌دان بو شهره کؤنول‌دن باغلانان مصطفی کمال آتاتورک، آنکارانین، سرحدلردن اوزاق و اؤلکه‌نین مرکزینده اولان ژئوسیاسی قونومو، جغرافی مؤوقعیتی و وضعیتی، آنکارا خالقی‌نین میلی مباریزه‌یه اولان تام اینانجی کیمی خصوصیت‌لرین‌دن ائتکیلنمیش، بورانی "باشکند" اعلان ائتمه‌نین دوغرو بیر آددیم اولاجاغینا قرار وئرمیشدی.
نئجه کی ۱۳ اکتبر ۱۹۲۳ گونو عصمت پاشا و دؤرد میلت وکیلی داها، آنکارانین باشکند اولماسی اوچون تورکیه بؤیوک میلت مجلیسینه قانون تکلیفی وئردی‌لر. بئله‌جه آنکارا یئنی تورکیه دؤولتی‌نین باشکندی اولدو.
او زامان‌لار، قورولوشو ۳ مین ایل اؤنجه‌سینه دایانان بو شهر خالقی، قیسما تیجارتله مشغول اولور و یا باغچی‌لیق ائده‌رک گئچیمینی تامین ائدیردی. شهرین باشکند اولماسییلا، آتاتورک، آنکارانین، گنج جمهوریتین باشقا بوتون شهرلرینه اؤرنک اولماسی اوچون لازیم اولان بوتون ایشی شخصاً یؤنلندیردی. بلدیه یئنی‌دن تشکیلاتلاندی، بیر شهر پلانی حاضرلاندی، آلت یاپی، سو، ایشیقلانما، قونود، یول پروبلئم‌لری، خاریج‌دن گلن متخصص‌لرین ده قاتقیسییلا، قیسا مدتده آرا‌دان قالدیریلدی. ٥۰.جی ایللرین اول‌لرینده "بیر پارک و باغ‌لار جنتی" اولدوغو سندلرده اولان آنکارا، عینی زاماندا مدنیت مرکزی حالینا دا گتیریلدی. ریاست جمهور موسیقی هیاتی‌نین کنسرت‌لری، موسیقییه ماراغی او جور آرتیردی کی، موسیقی معلم جمعیتی قورولدو. بونو، آنکارا دؤولت کونسرواتورو ایزله‌دی. خالق ائولرینده گؤزل صنعت‌لرین هر قولوندا ایشلر باشلادیلدی. ایستانبول‌دان گلن شهر تاترچی‌لاری، اویون‌لارینی بورا‌لاردا سرگیلییردی‌لر. شکیل و هیکل موزه‌سی ده ۱۹۳۷.جی ایلده، شخصاً آتاتورک طرفین‌دن آچیلدی.
آنکارا، "باشکند" صیفتینه یاراشیر شکیلده، هم سیاستین، هم اقتصادین، هم ده مدنیت-صنعت مرکزی اولمانین حاق‌لی قورورونو ۹۱.جی دفعه یاشاماقدا‌دیر.
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمه‌لر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی
