تورکیه‌ده بو هفته
بیر گون هر کس ۱٥ دقیقه لیگینه اونلو اولاجاق.
بیر گون هر کس ۱٥ دقیقه لیگینه اونلو اولاجاق
آندی وارول، آمریکا‌لی سینماچی
تورکیه‌ده، تلویزیون‌لارین سون ۱۰ ایلدیر سرعتله اوره‌تدیگی و عینی سرعتله توکه‌تدیگی بیر ساحه وار. تاماشاچینی ائکرانا کیلیدله‌ین، گونده‌لیک ایشلرین اونون ساعاتینا گؤره عیارلاماسینا سبب اولان، فصل فیناللاریندا بئله کوچه‌ده هاراداسا حیاتین دایاندیغی، گئجه‌لرین یوخوسوزلوق، صاباح‌لارین اویانابیلممه سببی، ائکران‌لارین باش تاجی: دیزیلر.
عمومیتله عینی جور بیر نئچه قونو اوزرینه قورقولانماسینا و سونونو اؤن گؤرمک چوخ چتین اولماماسینا قارشی ریتینگلر ان اوستده اولان دیزیلر! بیر بیرین‌دن گؤزل قیزلارین خیال قیریق‌لیغی یوک‌لو کؤنول ماجرالاریندان توتون، چوخ یاراشیق‌لی کیشی‌لرین سونو قم‌لی بیتن عشق حکایه‌لرین‌دن چیخین، چیله چئکن قادین‌لارین هئچ اولان حیات‌لاری و فداکار آدام‌لارین قارشی‌لیق‌سیز قالان امک‌لری اوزرینه حکایه‌لرین ایضاح ائدیلدیگی دیزیلر.
تورک تلویزیون تاماشاچیسیندا بو سئریال‌لارین آسیلی‌لیق یارادار حالا گلمه‌سینه، اؤنجه‌لر، اولاشیلابیلیرلیکلریندکی آسان‌لیق سبب اولدو: ایزلمک اوچون پول خرجلمک، ترافیکه چیخماق، سیرایا گیرمک گرکمیردی؛ تلویزیونون دویمه‌سینی چئویرمک یئترلی ایدی. آردین‌دان سیرا کاراکترلری‌نین گؤزل‌لیک/یاخیشیقلیلیق‌لارینا، قورغونون ایچین‌دن بیر عایدیت تاپیلابیلیر اولماسی علاوه اولوندو. حکایه‌ده هر کس، مؤوجود و یا خیالینی قوردوغو اؤز دونیاسیندان ایپ اوچ‌لاری یاخالیردی: سؤیله‌نه‌ممه‌ین سؤزلر دئییلیر، اسکیمیش سیرلر اؤیرنیلیر، آلینابیلمه‌ین اؤجلر آلینیر، یاشانامایان سئودا‌لار جان تاپیر، آیریلان‌لار قوووشور، یاخشی‌لار همیشه قازانیر و پیس‌لر عمومیتله اؤلوردو ...
بئله‌جه فیلیز پؤهره وئرن دیزیلر سئکتورلشرک، اؤنجه ایچ بازاردا، آردین‌دان اولوسلارآراسی سویه‌ده بیر گلیر قاپی‌سی اولدو. آرتیق دیزی بازارینا، سانیلانین عکسینه، آمریکا‌لی‌لارین دئییل، تورک‌لرین سریال‌لاری دامغا وورور. بعضا بیر سریالین تورک یاپیمی، اورتادوغو اؤلکه‌لرینه، اوریژینالین‌دان ٤-٥ قات داها باها ساتیلابیلیر. اوسته‌لیک بو دیزیلر، یالنیز اورتادوغودا ماراق گؤرمور. یا دا یالنیز بالکان اؤلکه‌لرینه خیطاب ائتمیر. مثلا گونئی آمریکادا، مشهور برزیلیا سریال‌لاری‌نین تاختینی ساللاییر.
۲۰۱۳.جو ایلده مکزیکدن چینه خالق ٥۰ اؤلکه‌ده ٤۰۰ میلیون تاماشاچییا چاتان ۷۰ تورک سریالین‌دان، ۱٥۰ میلیون دو‌لارلیق گلیر الده ائدیلدیگی بیلینیر.
بو دا یعنی:
"بیر گون هر کس بیر تورک سریا‌لی ایزله یه جک".
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمه‌لر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی
