آژانس آوراسیا (36)
مقدونیهنین کالکاندلن شهریندکی تاریخی آلاجا مسجید، سوسلمهلریله گؤرنلری اؤزونه حیران بوراخیر
سلام حؤرمتلی اوخویوجولار،
بو هفتکی پروقرامدا دوراغلاریمیز، تاریخی آلاجا مسجیدین اولدوغو مقدونیه، باشکندی تاشکند مرکزینده یئر آلان و مستقیللیگینین 23. ایلدؤنومونو قید ائدن اؤزبکیستان اولاجاق!
مقدونیهنین کالکاندلن شهریندکی تاریخی آلاجا مسجید، سوسلمهلریله گؤرنلری اؤزونه حیران بوراخیر.
قوروما آلتینداکی عثمانلی اثرینین تاوان رنگلمهلری، دؤورون ایستانبولونا و آنادولویا اولان حسرتی تصویر ائدیر.
عثمانلی-باروک طرزیندکی آلاجا مسجید، داها ایلک باخیشدا فرقینی حیس ائتدیریر.
مسجیدین خاریجی جبههسی دؤردبوجاقلی شکلینده رنگلی قلم ایشلریله بزکلی.
مسجید، منصور و خورشیده آدلی خیریچی باجیلار طرفیندن 1438-جی ایلده تیکدیریلمیش.
داخیلی دکوراسیادا چیچک بزمهلرینین یانیندا عثمانلی دؤورونون آنادولو شهرلری یئر آلیر.
شکیللر، نقشلر سون درجه آیرینتیلی.
مسجیدین تیکیمینده 40 مین یومورتا آغی و 1 میلیونا یاخین یومورتا ساریسی ایستیفاده ائدیلمیش و بو سایهده شکیللر بو گونه قدر محکم قالمیش.
مسجیدده 2 عصر اوّلکی مکه ده تصویر ائدیلمیش.
کالکاندلن آلاجا مسجیدین اؤزو قدر باغچاسی ده اولدوقجا گؤزل و باخیملی. مسجیدی ائتدیرن خیریچی باجیلار بورادا دفن ائدیلمیش، توربهلری ده یئنه مسجیدین حیئتینده.
آلاجا مسجید، یونسکو دونیا میراثی قوروما لیستینده یئر آلیر.
و سیراداکی دایاناجاغیمیز اؤزبکیستان!
کؤکو تاریخین درینلیکلرینه دایانان دوست و قارداش اؤلکه اؤزبکیستان، مستقیللیگینین 23. ایلدؤنومونو قید ائدیر.
تورکیستان جوغرافیاسینین اورتاسیندا یئر آلان اؤزبکیستان بو گون؛ گنج و دینامیک اهالیسیله گلهجهیه داها امین آددیملارلا گئدیر.
تاریخی ایپک یولو اوستونده اؤلکهده، داشکند، سمرقند و بخارا تورک ایسلام مدنیتینین ایزلرینی داشیییر.
سووئتلر بیرلیگینین داغیلماسییلا 1 سپتامبر 1991-جی ایلده مستقیللیگینی اعلان ائدن و بو گون 23 یاشیندا اولان گنج تورک جمهوریتسی اؤزبکیستان!
دوست و قارداش اؤلکه اؤزبکیستان، اورتا آسیاداکی تورکیستان جوغرافیاسینین اورتاسیندا، آمودریا و سیری دریا چایلاری آراسیندا اوزانان و ماورالنهر اولاراق آدلاندیریلان بؤلگهده یئر آلیر
مینلرله ایللیک تجروبه، زنگین و تاریخی بیر مدنیته صاحب اولان اؤزبکیستان، یوزده 99لوک اوخوجو-یازیچیلیق نیسبتی ایله دونیانین ان یوکسک تحصیل سویهسینه صاحب اؤلکهلریندن بیری.
30 میلیونو آشان گنج بیر اهالییه صاحب اؤلکه، میللی گلیرینین 12 فایزینی تحصیله خرجلییر.
اؤزبکیستان، مستقیللیگینین 23. ایلدؤنومونده اؤز اصلاحاتلارینی حیاتا قویاراق، اینکیشاف ائتدیردیگی اؤزونه خاص ایقتیصاد مودئلیله نومونه گؤستریلن بیر اؤلکه اولما یولوندا سرعتله ایرلیلییر.
بئله کی دونیادا یاشانان اقتصادی بحرانا و آرتان اهالییه باخمایاراق، اؤزبکیستان، 2013-جی ایلده ایقتیصاددا تخمینن یوزده 7 بؤیومه نیسبتینی توتدو.
سووئتلر بیرلیگینین داغیلماسیندان سونرا هر شئیه صیفیردان باشلایان اؤزبکیستان؛ بو گون 180 اؤلکه ایله تیجارت علاقهلری اولان بیر اؤلکه.
وارلی یئرآلتی قایناقلارینا و نقلیات آلت قورولوشونا صاحب اؤزبکیستان، خاریجی سرمایهچیلره وئردیگی اؤنجهلیک و تامین ائتدیگی ایمکانلارلا اقتصادی علاقهلرده اعتبارلی بیر اورتاق.
اؤزبکیستان غنی طبیعی گاز رززولری ایله خزر حوزهسی انرژی سیاستینده تورکمنیستان و قازاقیستان ایله بیرلیکده تعیین ائدیجی بیر رول اویناییر.
اؤزبکیستاندا 171 نفت و طبیعی گاز رزرو بؤلگهسی وار.
اؤزبکیستان خاریجی سیاستده "مستقیل" بیر ایستراتژی ایزلییر.
بو سیاست، اؤلکهنی اولوسلار آراسی آرئنا دا حؤرمتلی بیر اؤلکه مؤوقئسینه گتیرمیش وضعیتده.
اؤز میللی اوردوسونو قوران اؤزبکیستان، تورکوستانین ان بؤیوک و ان خصوصیتلی سیلاحلی گوجونه صاحب.
اؤزبکیستانین، بؤلگهده گوجلو بیر مؤوقئیه گلمهسینده هئچ شوبههسیز دولت باشقانی ایسلام کریموفون ده رولو چوخ بؤیوک.
اؤزبکیستان تاریخ ی وئرن بیر اؤلکه.
تاریخی ایپک یولو یولوندا یئر آلان گنج جمهوریت، 4 میندن چوخ تاریخی و مدنی میراثلا، دونیادا ان چوخ تاریخی اثره صاحب ایلک 10 اؤلکه آراسیندا یئر آلیر.
داشکند، سمرقند، بخارا و هیوا کیمی، مینلرله ایللیک شهرلری اولان اؤزبکیستانی، کئچن ایل 1،5 میلیون توریست زیارت ائتدی.
بو ایل کی هدف بو رقمی 2 قاتینا چیخارماق.
تورکیه و اؤزبکیستان، کؤکو تاریخین درینلیکلرینه دایانان ایکی دوست و قارداش اؤلکه.
زامان زامان چتینلیکلی پروسهلر یاشانسا دا، پروبلملرین آشیلماسی و اوچون ایکی اؤلکهده ده، یئنی کؤرپولر قورولماسی اوچون چابالار داوام ائدیر.
چونکی هم اؤزبکیستان، هم ده تورکیه، ایستراتژی مؤوقئیی، یئرآلتی قایناقلاری و غنی مدنی ارثی ایله تورک دونیاسی اوچون ایمتیناع ائدیلمز کیملیکلریله گلهجهیه یئریین دئییریک و پروقرامیمیزی قورتارییق.
هامینیزا ساغلاملیقلاری دیلییریک ....