دین و توپلوم (32)
بوتون دینلرده یاخشیلیق و دوزگونلوک آنلاییشی واردیر. تانرینین عدالتینین عیبسیزلیگی کیمی، کیتاب صاحبی دینلردکی حاکم اوپتیمیست آنلاییش، ایسلامدا دا موجوددور
قیمتلی اوخویوچولار ...
بو گون اوزرینده دایاناجاغامی موضوع یاخشیلیق و دوزگونلوک حاقیندادیر.
دئمک اولار کی، بوتون دینلرده یاخشیلیق و دوزگونلوک آنلاییشی واردیر. تانرینین عدالتینین عیبسیزلیگی کیمی، کیتاب صاحبی دینلردکی حاکم اوپتیمیست آنلاییش، ایسلامدا دا موجوددور. قورانا گؤره بوتون گیهان وارلیقلار، یئر اوزو وارلیقلارینین دا فایدالاندیغی و یاخشیلیقلارا وسیله اولاجاق شکیلده عیبسیز بیر نیظام هم ده اویغونلاشما ایچیندهدیر. گؤیلر و یئردکی هر شئی اللهی اوجالدماقدا، اطاعت ائتمکده و اونو طریفلییر. بوتون بونلار هئچ بیر شئیین معناسیز و مقصدسیز یارادیلمادیغینا دلیلدیر. بونلارین عینی زاماندا اللهین یاخشی اولان قانونلارینی و ایرادهسینی حیاتا یؤنینده ایشلدیگینی ایشاره ائدر. قاینات وارلیقلارین ماهیتی، فورمالاشماسی و خاصیتلرینه دایر چوخ سایداکی آیهده، بو وارلیقلارین یارادیلیشین تملینده هدفلی اولما و فایدالیلیق پرینسیپینین اولدوغو بیلدیریلیر. بو وارلیقلارداکی اینسانا یؤنلی فایدالار "اللهین نعمتی" دئیه چکیلمیش بونلارین ساییلا بیلمهیهجک قدر چوخ اولدوغو گؤستریلیر.
قوران، وارلیق و اولوش نیطامیندا پیسلیگین موجودیتینی قبول ائتمکله بیرلیکده بونو دا خوش نیت بیر یاناشما ایله قیمتلندیرر. بونا گؤره قانون اولاراق یاخشیلیق ده پیسلیک ده اینسانین اینانج و اخلاق باخیمیندان یتکینلشمسینه ایمکان وئرن بیر سیناما و خبردارلیق وسیلهسیدیر. قورانین اینسانا باخیشیندا دا خوش نیت بیر یاناشما حاکمدیر.
...
تانرینین کایناتی یارادارکن منطیقلی و عدالتلی اولدوغونو دوشونن فلسفی بیر دوشونجهیه گؤره، یاخشیلارین موکافاتلاندیریلماسی، پیسلرین ده جزالاندیریلماسی لازیمدیر. قورانین، بو موضوعدا اللهین رحمتینه خصوصی بیر وورغو ائتدیگی گؤرولمکدهدیر. بونا گؤره الله اؤز اوزرینه رحمتی یازمیش، رحمتی و معلوماتییلا هر شئیی احاطه ائتمیشدیر. اونون رحمتیندن کافیرلر و منحرفلردن باشقاسی اومید کسمهیهجک. الله حاقینداکی خوش نیت یاناشمانین نتیجهسی اولاراق قوران، پیسلیکلرین باغیشلانابیلهجگینی، یاخشیلیقلارین قارشیلیغینین ایسه قات-قات چوخ وئریلهجگینی بیلدیریر. عینی خوش نیت آنلاییشدان یولا چیخاراق حضرت عمر، حضرت علی و ابن تیمیه کیمی بعضی صحابه و عالیم جهنمین ابدی داوام ائتمهیهجگینی ایرهلی سورموشلر.
ایسلام موتفکیرلری موطلق پیسلیگین اولمادیغینی دوشونورلر. اونلار پیس حرکتلرین و بونلارین قایناغی اولان پیس خاصیتلرین بعضی روحی مسئولیتلری اورتایا چیخان قوصورلاردان قایناقلاندیغینی بیلدیریرلر. سطحی باخیلدیغیندا پیس کیمی گؤرونن وضعیتلره گنل وارلیق نیظامینداکی بیرینجی مقصدی حسابا قاتیلاراق قیمتلندیریلدیگینده بونلارین دا تملده یاخشی اولدوغو آیدین اولار. مسئلن، حیرص و شهوت دویغولارینین یارادیلیشینداکی بیرینجی مقصد اینسانین مدافعه، آرتیما، بسلنمه کیمی اصلی احتیاجلارینی قارشیلاماسینین. آنجاق بونلار عقلین ایدارهسیندن چیخدیقدا پیسلیکلره سبب اولارلار.
...
قوران و حدیثلرده صبیر، توکّول، دعا کیمی آنلاییشلارلا مسلمانلارا حیاتین چتینلیکلری و آغریلاری قارشیسیندا دؤزمه گوجو وئرن، هر شئیه باخمایاراق گلهجهیه اومید و خوش نیتله باخماغی تلقین ائدن ایفادهلر یئر آلیر. بعضی چتینلیک و مصیبتلردن بحث بونلاری آشما ایرادهسینی اینکیشاف ائتدیرمگی مقصد قویان آچیقلامالار وار.
خصوصیله قورانین بعضی سورهلرینده مختلیف چتینلیکلردن سونرا موطلق بیر آسانلیغین اولاجاغی بیلدیریلمیشدیر. بئلهجه اینسانلارین پیسلیک و چارهسیزلیکدن قورونماسی مقصد قویولماقدادیر. اینسانلارین گلهجکله باغلی قایغیلارینی یاتیرماق، ان چتین وضعیتلرده بئله اومیدلرینی ایتیرممهلرینی تامین ائتمک عذره مساژلار وئرمکدهدیر. حاق یولدان ساپمایانلارا اللهین موطلق بیر چیخیش یولو گؤسترجگی ایفاده ائدیلمیشدیر.
آیدین اولدوغو کیمی یاخشیلیق و دوزگونلوک دینین چوخ اهمیت وئردیگی مسئلهلردن بیریدیر. دیگر موضوعلاردا دا اولدوغو کیمی جمعیتی ایشیقلاندیرما وظیفهیه اولان حضرت پیغمبر یالانی پیسلمک، دوغرولوغو تعریفلمک اوچون "دوغرولوق یاخشیلیغا گؤتورور، یاخشیلیق جنّته آپارار، یالان ایسه گوناهکارلیغا آپارار. گوناهکارلیق جنمه آپارار "دئمیشدیر. چوخ درین بیر فلسفی مضمون داشییان بو سؤز اصلینده بیزه یاخشیلیغین قایناغی و هدفلرینی آچیقلامیشدیر.
قورانین ساواشله باغلی بیر آیهنین داوامیندا "بعضن خوشلامادیغینیز بیر شئی حاقینیزدا خیرلی اولا بیلر، بونا قارشیلیق خوشونوزا گئدن بیر شئی ده حاقینیزدا پیس اولا بیلر. الله بیلیر، لاکین سیز بیلمیرسینیز. "شکلیندکی شرحی بورادا خاطیرلانمالیدیر. حقیقتن اینسان هر زامان یاخشیلیغین و پیسلیگین هارادا اولدوغونو اوّلدن تخمین ائده بیلمیر. مسئلن بدیر ساواشی گونو یولا چیخان مسلمانلارین هدفی قوریشلیلرین تیجارت کاروانی ایدی، اونلار اوجا اللهین اؤزلرینه قارشیلاشماغی وعده ائتدیگی کاروانین، سلاحلی بیر کشیکچیلر دئییل، تیجارت ماللاری داشییان بیر کاروان اولاجاغینی اومید ائدیردیلر. لاکین اوجا الله تیجارت کاروانینی اللریندن قاچیراراق اونلاری قوریشلی بیر ساواش بیرلیگی ایله قارشی-قارشییا گتیردی. بو محاربه نتیجهسینده قازانیلان ظفر، عرب یاریم آداسینین هامیسیندا سس سالدی و ایسلام بایراغینین دالقالانماسینی تامین ائدن ایلک باشاری اولدو. بنزر بیر حادثهنی قورانین ایشاره ائتدیگی حضرت موسینین ایله گنج یولداشی آراسیندا کئچن حادثهلرده دا گؤرمکدییک.
اگر اینسان، حیاتیندا باشیندان کئچن حادثهلری گؤزونون اؤنونه گتیرسه، خیر چیخان بیر چوخ ایستمدیگی شئی و یئنه آرخاسیندا پیسلیک ساخلانان بیر چوخ خوشونا گئدن شئی تاپار. اینسانین نه قدر ایستکلری اولموشدور کی، الیندن قاچدیلار دئیه آز قالا کدردن اؤلهجک وضعیته دوشموش، لاکین بیر مدت سونرا میدانا چیخمیشدیر کی، سؤز موضوعسو ایستگینین واختیله یئرینه گلممیش اولماسی، اوجا اللهین باغیشلادیغی بیر قورتولوش اولموشدور. بونا قارشیلیق اینسانین قارشیسینا ائله چتینلیکلر چیخمیشدیر کی، ایستمهیه ایستمهیه، آجی چکهرک اونلارا قاتلانمیش، لاکین بیر مدت سونرا او چتینلیکلر سایهسینده حیاتینین ان اوزون عؤمورلو خوشبختلیگینه قوووشدوغونو فرقینه وارمیشدیر.
...
قونویو یکونلاشدیراجاق اولساق، هر جور چابادان سونرا اینسانی تک بوراخمایان الله، اونو غیبی موضوعلاردا گوونه، تسلیمیته و کؤنول راحتلیغینا چاتدیرماقدادیر. خوشبختلیگین یولونو گؤستریر. اینسانی یاخشی اولماغا دعوت ائدرکن، یاخشیلیغین هدفینه باشقا بیر اینسانی قویموشدور. یوخسا اینسانین ائتدیگی یاخشیلیقلار اللهین گوجونه گوج گتیرمدیگی کیمی، اونون گوجوندن هئچ بیر شئی اکسیلتمهیهجکدیر. قیساجاسی اینسان ائتدیگی یاخشیلیغی اؤزو اوچون ائتمکدهدیر.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی