بو پروقرامدا آوراسیا گوندمینین نبضینی توتاجاغیق
اوکراین، غرب ایله روسیا آراسین‌داکی مباریزه‌نین اهمیت‌لی بیر جبهه‌سی
آژانس آوراسیا
سلام حؤرمت‌لی اوخویوچولار،
بو هفتکی پروقرامدا دایاناجاغیمیز، گرگینلیگین داوام ائتدیگی اؤلکه اوکراین اولا‌جاق!
حؤرمت‌لی اوخویوچولار اوکرایندا سولار بیر شکیلده قورتولمور
سون آیلاردا سیاسی چالخانتی‌لار، سیلاح‌لی چاتیشما‌لارین گؤرولدوگو اوکرایندا ایندی ده، کیلسه چاتیشما‌لاری گوندمده ...
تلفون خطیمیزده باشکند کیئف‌دن دنیز برکتای وار!
دنیزه اؤلکه‌ده یاشانان بو مباریزه‌نین پرده آرخاسینی سوروشاجاغیق ...
دنیز مرحبا! سؤز سنده
سون آیلاردا سیاسی چالخانتی‌لار، سیلاح‌لی چاتیشما‌لارین گؤرولدوگو اوکرایندا ایندی ده، کیلسه چاتیشما‌لاری گوندمده. موسکوا پاتریخانه‌سینی باغلی اوکراین متروپولیتلیغینین باشی اولان متروپولیتی ولادیمیر، کئچدیگیمیز هفته‌لرده حیاتینی ایتیردی. یئنی متروپولیتی ایسه، 13 آوقوستدا سئچیله‌جک. بو سئچیم‌لر، هم خریستیان‌لیق دونیاسی باخیمین‌دان، هم ده غرب اؤلکه‌لرله روسیا آراسین‌داکی گوج مباریزه‌سی باخیمین‌دان بؤیوک اهمیت داشیییر.
اوکراین، آرتیق درحال هر کسین گؤردوگو عذره، غرب ایله روسیا آراسیندا داوام‌لی بیر گوج مباریزه‌سینه صحنه اولور. داها دا دقیق دسک، اوکراین، غرب ایله روسیا آراسین‌داکی مباریزه‌نین اهمیت‌لی بیر جبهه‌سی. بو قارشی‌لیق‌لی گوج مباریزه‌سی‌نین سیاسی، اقتصادی و دینی یؤن‌لری وار. مباریزه‌نین سیاسی یؤنینی، گئریده بوراخدیغیمیز 7 آی بویونجا گؤردوک. سیاسی مباریزنی، غرب یان‌لی‌لی‌لاری قازاندی. (اوّل ویکتور یانوکوویچ آشدی، آردین‌دان دا می آییندا، غرب طرفداری بیر سیاستچی اولان پترو پوروشنکو پرزیدنت اولدو). مباریزه‌نین اقتصادی اؤلچوسونده، اوکراینین اوروپا بیرلیگی ایله اورتاق‌لیق رازیلاشماسی می ایمضالایاجاغی، یوخسا روسیانین باشینی چکدیگی گؤمروک بیرلیگینه می داخیل اولاجاغی موضوعسو گوندمده ایدی. مباریزه‌نین اقتصادی اؤلچوسونو ده بو آندا غرب یان‌لی‌لاری قازانمیش گؤرونور. چونکی اوکراین رهبرلیگی، ژوئن آیی سونوندا، اوروپا بیرلیگیله اورتاق‌لیق راضیلاشماسی ایمضالادی و اقتصادی یؤن‌دن غربله علاقه‌لرینی گوجلن‌دیرمک باشلادی.
لاکین ایندی، بو گوج موباریزه‌سی‌نین دینی اؤلچوسونه توخوناق. اوکرایننین اها‌لی‌سی‌نین بؤیوک حیسه‌سی، روس‌لار کیمی، خریستیانلیغین اورتودوکس مذهبینه منسوب. آنجاق اؤلکه‌دکی اورتودوکس اها‌لی‌نین بیر حیسه‌سی روس کیلسه‌سینه باغلی ایکن، باشقا بیر حیسه‌سی، خصوصیله غرب طرفداری و اوکراین میللیتچی‌سی اولان قروپلار، روسیا‌دان موستقیل بیر اوکراین کیلسه‌سی‌نین قورولماسینی مدافعه ائدیر. اوکرایندا 40 میلیون جیواریندا اورتودوکس یاشاییر. بو، دونیا‌داکی اورتودوکس‌لار عمومی اها‌لی‌سینی گؤز قارشی‌سیندا ساخلانیلدیغیندا، بؤیوک بیر رقم. غرب طرفداری خط دکی فنر روم پاتریارکی‌نین ایله موسکوا پاتریارخی‌نین، بو 40 میلیونلوق اورتودوکس اها‌لی‌نین کیمه باغلی اولاجاغی موضوعسوندا بیر-بیرلریله چاتیشما حالیندا.
داها اوّلکی پروقرام‌لاردا دا توخوندوغوموز عذره، روس‌لارین و اوکراین‌لی‌لارین آتاسی اولا‌راق قبول ائدیلن کیئف روس کرال‌لیغی زامانیندا، 988-جی ایلده شاهزاده ولادیمیر، بیزانس امپراتورغولون‌دان اورتودوکس‌لوغو آلمیش و اورتودوکس‌لوغو دولتین رسمی دینی اعلان ائده‌رک بت‌پرست‌لیگی قاداغان ائتمیشدی. کیئف کرال‌لیغی ییخیلدیق‌دان سونرا، کیئفدکی کیلسه، ایستانبول روم پاتریکخانه‌سینی باغلی اولماغی داوام ائتدیردی. لاکین 1600-جو ایللرده، روسیا، اوکراین تورپاق‌لارینی مرحله مرحله اله کئچیرمه‌یه باشلادی. اوکراین‌دکی نیظامی و سیاسی اگمنلیگینی دینی یؤن‌دن ده گوجلن‌دیرمک ایسته‌ین روسیا، اوکراین کیلسه‌سینی فنر پاتریک خانه‌سینی آییرا‌راق اؤزونه باغلادی. بو تاریخ‌لردن، سووئت‌لر بیرلیگی‌نین داغیلدیغی و اوکراینین مستقیل‌لیگینی الده ائتدیگی 1991-جی ایله قدر، اوکراین‌داکی اورتودوکس‌لار، موسکوا پاتریک خانهسینین اگمنلیگینده قالدی.
اوکراین مستقیل‌لیگینی الده ائتدیک‌دن سونرا، اوکراین کیلسه‌سی ایچین‌دکی بعضی میللیتچی راهیب‌لر، موسکوا کیلیسه‌سی2ندن آیریلا‌راق کیئف پاتریارخی‌نین آدی آلتیندا اؤز کیلسه تشکیلات‌لارینی قوردوق‌لارینی اعلان ائتدی‌لر. لاکین میللیتچی‌لر قوردوغو بو کیف پاتریارخی‌نین آدلی کیلسه تشکیلاتی، دونیا‌داکی دیگر اورتودوکس کیلسه‌لری طرفین‌دن هله رسمی اولا‌راق تانینمیش دئییل. نتیجه‌ده، دیگر بؤلونمه‌لری بیر طرفه بوراخساق، اوکرایندا اورتایا ایکی بؤیوک اورتودوکس کیلسه تشکیلاتی چیخمیش اولدو: بیر طرفده، موسکوا پاتریک خانهسینین قولو اولان و عمومیتله روسیایا یاخین سیاست ایزله‌ین اوکراین متروپولیتلیغی، دیگر طرفده ایسه، آمریکا و اوروپا بیرلیگی طرفداری سیاستی مدافعه ائدن ، میللیتچی خطدکی کیئف پاتریارخی‌نین. اوکراین‌داکی سیاسی چاتیشما‌لاردا، بو کیلسه‌لر، عمومیتله، اؤز فیکیرلرینه یاخین اولان نامیزدلری دستکله‌دی‌لر. بون‌لارین ان دقته چارپان اولانی، 2004-جی ایلدکی نارینجی اینقیلاب ایدی. نارینجی اینقیلاب اثناسیندا، کیئف پاتریک خانهسینین راهیب‌لری غرب طرفداری نامیزد ویکتور یوشؤنکو2نون میتینق‌لرینده قاتیلیب اونو مقدس توتدوغوموز حالدا، موسکوا پاتریک خانه‌سینی باغلی اوکراین متروپولیتلیغینین کشیش‌لری ایسه، روسیا طرفداری اولا‌راق بیلینن نامیزد ویکتور یانوکوویچ دستکلییردی. هر ایکی طرف ده، میتینق‌لره، سئچیم‌لرین حاق یولو ایله شیطانی یول آراسیندا کئچه‌جگینی سؤیله‌یه‌رک، بوتون اینانان‌لاری، اؤز نامیزدلرینه سس وئرمه‌یه چاغیریردی.
نارینجی اینقیلابین آردین‌دان، بیلدیگینیز کیمی، غرب طرفداری نامیزد ویکتور یوششنکو پرزیدنت‌لیک کورسونه اوتورموشدو. روسیا علیهداری، غرب طرفداری و اوکراین میللیتچی‌سی سیاستلرییله تانینان ویکتور یوششنکو، اوکراین‌داکی میللیتچی کیلسه تشکیلاتی‌نین فنر روم پاتریارکی‌نین طرفین‌دن تانینماسی اوچون ده بؤیوک چابا گؤسترمیش، لاکین بون‌دان نتیجه آلا بیلممیشدی.
میللیتچی خطدکی کیئف پاتریک خانهسینین راهیب‌لری، یئددی آی اوّل باش وئرن و روسیا طرفداری اولا‌راق بیلینن اسکی جمهور باشقان‌سی ویکتور یانوکوویچ آشماسییلا نتیجه‌لنن گؤستری‌لرده ده تأثیرلی رول اوینادی‌لار. اعتراض گؤستری‌لرینه قاتیلان میللیتچی راهیب‌لر، یانوکوویچ اؤلکه‌نی روسیایا ساتدیغینی سؤیله‌یه‌رک، هر کس یانوکوویچ قارشی مباریزه‌یه چاغیریردی.
روس کیلسه‌سی‌نین اوکراین قولو ایسه، سون ایللرده، موسکوانین خطین‌دن اوزاقلاشماغا باشلادی. یول آیی باشیندا حیاتینی ایتیرن متروپولیتی ولادیمیر، اوکراین میللیتچیلرینه مسافه‌لی اولماقلا بیرلیکده، اوکراین‌دکی روس طرفداری تشکیلات‌لارلا آراسینا مسافه قویموشدو. اوکراین متروپولیتلیغی آدلی بو کیلسه تشکیلاتی ایچینده ایندیکی واختدا فرق‌لی آخین‌لار وار. بیر قروپ، روسیا طرفداری خطی مدافعه ائدیر و اوکراینین هر ساحه‌ده روسیایلا اینتقراسیون لازیم اولدوغونو ایره‌لی سورور. دیگر بیر قروپ ایسه، روسیا‌دان اوزاخلاشیلماسینی و میللیتچی راهیب‌لرله بیر آرایا گله‌رک یئنی بیر اوکراین اورتودوکس کیلسه‌سی‌نین قورولماسینی مدافعه ائدیر. بو فرق‌لی‌لیک، شرق اوکرایندا باش وئرن چاتیشما‌لاردا دا اؤزونو گؤستردی: اوکراین متروپولیتلیغین باغلی راهیب‌لرین بعضی‌لری روسیا طرفداری باغیمسیزچی قروپ‌لارا دستک وئریب بو سلاح‌لی قروپ‌لاری مقدس توتدوغوموز حالدا، دیگر قروپ، روسیا طرفداری خادیم‌لره، سلاح بوراخما چاغیریسی ائتدی.
حیاتینی ایتیرن متروپولیتی ولادیمیر، بو کیلسه تشکیلاتینداکی بو ایکی فرق‌لی آخینی تارازلیقدا توتماغا چالیشیردی. اونون وفاتین‌دان سونرا، اورتایا ایکی نامیزد چیخدی. نامیزدلردن بیری روسیایا یاخین خطی، دیگر نامیزد ایسه، داها غرب طرفداری بیر خطی مدافعه ائدیر. غرب طرفداری نامیزدین قازانماسی حالیندا، اوکراین‌دکی اورتودوکس‌لار اهمیت‌لی بیر حیسه‌سی، روسیانین دینی یوخلاماسین‌دان چیخیب غربین ساحه‌سینه گیرمیش اولا‌جاق. روس کیلسه‌سی، اؤزونو دونیا‌داکی ان چوخ اورتودوکس جماعته صاحب کیلسه اولا‌راق گؤرور. بو سبب‌دن، اوکراین اورتودوکس‌لاری‌نین، یعنی 40 میلیونلوق بیر جماعتین روس کیلسه‌سی‌نین الین‌دن چیخماسی، روس کیلسه‌سی‌نین اورتودوکس‌لار لیدرلیگی ادعا‌لارینا اهمیت‌لی بیر ضربه ائندیره‌جک. آیریجا، روسیانین بو بؤلگه‌دکی نفوذو اهمیت‌لی اؤلچوده قیریلمیش اولا‌جاق. بو سبب‌دن اؤنوموزدکی آیلار، شرقی اوروپادا، هم دینی، هم ده سیاسی ساحه‌ده گوج مباریزه‌سی‌نین چوخ قیزیشاجاغینا ایشاره
هامینیزا ساغلام‌لیق‌لاری دیلییریک ....
