آژانس آوراسیا(27)
میتروویتسا بایرامپاشا عیسی بی مسجیدی تشکیل ائدیلن مراسیمله خیدمته آچیلدی
سلام حؤرمت‌لی اوخویوجولار؛
بو هفتکی پروقرامدا دایاناجاغیمیز تورکیه‌نین یاردیمی ایله تیکیلن میتروویتسا بایرامپاشا عیسی بی مسجیدی‌نین خیدمته آچیلدیغی کوسووو اولا‌جاق!
---------------------
حؤرمت‌لی اوخویوجولار، ایستانبولون بایرامپاشا بلدیه‌سی و بایرامپاشا موفتولوغونون دستگیله کوسووا‌داکی میتروویتسا شهرینده تیکیلن میتروویتسا بایرامپاشا عیسی بی مسجیدی تشکیل ائدیلن مراسیمله خیدمته آچیلدی.
مراسیمه قاتیلان دیانت ایشلری باشقانی پروفسور دوکتور محمت گؤرمز ده تورکیه‌دکی هر کسین اوره‌گینده کوسووانین آیری بیر یئری اولدوغونو ایفاده ائتدی.
پریشتینه‌ده کوسووو ایسلام بیرلیگینی زیارت ائدن محمت گؤرمز، تورکیه‌نین پریشتینه‌ده بؤیوک بیر مسجید ائتدیره‌جگی موژده‌سینی ده وئردی.
مطبوعاتا باغلی گرچکلشن گؤروشمه‌ده، کوسووو ایله تورکیه آراسیندا دین ایشلرینده امکداشلیق مسئله‌لری مذاکیره ائدیلیب.
کوسووو ایسلام بیرلیگی باشقانی نایم تیرناوا، همکاری محمت گؤرمزه، فاتیح سلطان محمت مسجیدی‌نین تابلوسونو هدیه ائتدی.
ایندی آیرینتی‌لاری آلماق عذره پریشتینه‌یه گئدیریک.
تلفون خطیمیزده اسین موزبگ وار ...
اسین مرحبا، سنی دینلییریک ...
کوسووانین میتروویچا شهری رمضان عرفه‌سینده شهرین سمبوولو حالینا گلن بیر مسجیده قوووشدو. عثمانلی‌نین بؤلگه‌دن چکیلمسیله صرب رژیمی طرفین‌دن ییخیلان عیسی بی مسجیدی، دیانت ایشلری باشقانی‌لیغی‌نین ایشلری و بایرامپاشا موفتولوغونون فعالیت‌لری ایله عثمانلی معماری آنلاییشینا اویغون بیر شکیلده یئنی‌دن تیکیلدی.
2500 متر مکعب بیر ساحه‌یه تیکیلن، 48 متر یوکسکلیگینده ایکی گؤرکم‌لی میناره‌سی اولان و 4000 آدام ظرفیتلی عیسی بی مسجیدی، کوسووانین حال-حاضیرکی ان بؤیوک جامییسی اولما خصوصیتینی داشیییر.
تیکیلمه‌سی تخمینن 2 ایل داوام ائدن مسجیدین آچیلیشینا تورکیه‌دن ده اوست سویه قوناق‌لار قاتیلدی. آچیلیشا ساغلیق ناظیری محمت موذینوغلو، دیانت ایشلری باشقانی محمت گؤرمز، تورکیه‌نین کوسووو سفیری سونگول اوزان، کوسووو جمعیت ایدار ائتمه‌سی ناظیری ماهیر یاغجی‌لار، کوسووو ایسلام بیرلیگی باشقانی نایم ترناوا، بایرامپاشا ایله میتروویچا بلدیه باشقانی‌لاری و چوخ سایدا وطنداش قاتیلدی.
قوران کریم تلاوتی ایله باشلایان مراسیمده ساغلیق ناظیری محمت موذینوغلو بیر دانیشما ائتدی. موذینوغلو، بو گون بورادا بیر مدنیتین فرق‌لی سرمایه‌لرینی بیر یئرده یاشادیق‌لارینی ایفاده ائتدی. ساغلیق ناظیری محمت موذینوغلو، بیزلر حاق و عدالت مدنیتی‌نین؛ علم و مدنیت مدنیتی‌نین؛ سئوگی و خوشگؤرو مدنیتی‌نین؛ باریش و دینج‌لیک مدنیتی‌نین وارلیق‌لارینی بو تورپاق‌لاردان دونیایا تقدیم ائدن بیر آنلاییشین منسوبلاریییز دئیه سسلندی.
کوسووا‌لی‌لارین چوخ ماراق گؤستردیگی آچیلیشدا دانیشان دیانت ایشلری باشقانی محمت گؤرمز ایسه، کوسووادا آرتیق مسجیدلری گنج‌لرین دولدورماسین‌دان اؤتری دویدوغو ممنونیتی دیله گتیردی.
کوسووو ایسلام بیرلیگی باشقانی نایم ترنوانین، دیانته گلدیگینده کوسووو ساواشی اثناسیندا یان‌دیریلان، ییخیلان 218 مسجیدین فوتوشکیل‌لرینی گؤستردیگینی ایفاده ائدن محمت گؤرمز، "بو مسجیدلری تکرار نئجه تیکجه‌جگینی دوشونوردو. الله‌ا حمد اولسون بیر نئچه ایل ایچینده بو مسجیدلرین هامیسی عبادته آچیلدی. بون‌لارا علاوه اولا‌راق کوسووادا یئنی مسجیدلر تیکیلدی "دئیه دانیشدی.
دیانت ایشلری باشقانی محمت گؤرمز "الله ابدی اولا‌راق کوسووانین سما‌لاریندا آذان سسینی سوسدورماق ..." تمنّی‌لرینی ائتدی.
کوسووو جمعیت ایدارئتمه‌سی ناظیری ماهیر یاغجی‌لار دا مراسیمده ائتدیگی دانیشمادا، هر اینسانین ان بؤیوک دگرلرین‌دن بیری‌نین ایمان اولدوغونو قید ائتدی. الله‌ین ائوی اولان بو مسجیدین ده تیکیلمه سینده امگی کئچن هر کسه تشککور ائتدی.
کوسووو ایسلام بیرلیگی باشقانی نایم ترناوا ایسه ساواش دؤورونده اولدوغو کیمی سونراسیندا دا کوسووانی سیاسی، اقتصادی، مدنی و دینی ساحه‌لرده کؤنول‌دن دستکله‌ین تورکیه دولتینه و تشکیلات‌لارینا میننتدارلیغینی چاتدیردی.
عیسی بی مسجیدین آچیلیش مراسیمی‌نین آردین‌دان ایلک جمعه نامازینی دیانت ایشلری باشقانی محمت گؤرمئز قیلدیردی.
قاضی عیسی بی مسجیدی، کوسووادا ان اسکی عثمانلی اثرلرین‌دن بیرینی میدانا گتیریر. تیکیلمه‌سی 1469-جی ایله قدر سؤیکنیر. قاضی عیسی بی میتروویچایا شهر خصوصیتی قاتان بیر مدرسه، حمام و ساعات قولله‌سینی تیکدیرن آدام اولا‌راق دا بیلینیر. مسجیدین داغیتماسی ایسه 1926-جی ایلده رئاللاشیر.
عثمانلی‌نین بؤلگه‌دن چکیلمسیله بیرلیکده بیر چوخ عثمانلی اثری کیمی مسجیدلرین ده بیر قیسیمی یا ییخیلدی یا دا بؤیوک ضرره اوغرادی. آنجاق خالقین چابالاری ایله تعمیر ائدیلن مسجیدلرین و دیگر عثمانلی اثرلری‌نین بؤیوک بیر قیسمی ایسه بو گونه قدر داشیندی. بو گون‌لرده ده گرک تیکا، گرکسه دیانت ایشلری باشقان‌لیغی و موفتولوکلره واسیطه‌چی‌لیگی ایله مدنی ارث اولا‌راق ساییلان بیر چوخ عثمانلی اثری اصلینه اویغون بیر شکیلده یئنی‌دن تیکیله‌رک و یا برپا ائدیله‌رک گونده‌لیک حیاتا قاتیلیر.
پایتخت پریشتینه‌دکی فاتیح مسجیدی، پریزرندکی سینان پاشا مسجیدی، سلطان مورات توربه‌سی ان مشهورعثمانلی اثرلری آراسیندا یئر آلیر
آنجاق تاریخی و مدنی ارثین یانیندا یئنی مسجید و مدنیت مرکزلرین تیکیلمه‌سی ده بؤیوک اهمیت کسب ائدیر.
دیانت ایشلری باشقانی محمت گؤرمز، کوسووو تماس‌لاری اثناسیندا کوسووو ایسلام بیرلیگی باشقانی نایم تیرناوا ایله پریشتینه‌ده تیکیلمه‌سی پلان‌لانان بؤیوک مسجیدی اوچون ده موشاویره‌لرائدیلدی.
پریشتینه بلدیه‌سی طرفین‌دن مرکزده اراضی تاسیسی ائدیلن مسجید اوچون تورکیه‌دن دستک گؤزلنیلیر.
دیانت ایشلری باشقانی محمت گؤرمز ده پریشتینه‌ده بؤیوک بیر مسجید تیکه‌جک‌لری موژده‌سینی وئردی.
هامینیزا ساغلام‌لیق‌لاری دیلییریک.
