دین و توپلوم (26)
کئچمیشده ایسلام عالیملری صبر آنلاییشینی اوچ شکیلده آراشدیرمیشلار. ایلکی، اللهین قاداغان ائتدیگی شئیلره گیرممک موضوعسوندا صبر، ایکینجیسی اللها اطاعت موضوعسوندا صبر، اوچونجوسو ایسه یوخاریداکی هر ایکی موضوعدا صبر ائتمکدیر.
قیمتلی اوخویوجولار ...
گوندهلیک حیاتیمیزدا چوخ ایستیفاده اصطلاحلاردان بیری صبر اصطلاحیدیر. کئچمیشده ایسلام عالیملری صبر آنلاییشینی اوچ شکیلده آراشدیرمیشلار. ایلکی، اللهین قاداغان ائتدیگی شئیلره گیرممک موضوعسوندا صبر، ایکینجیسی اللها اطاعت موضوعسوندا صبر، اوچونجوسو ایسه یوخاریداکی هر ایکی موضوعدا صبر ائتمکدیر.
حضرت پیغمبر، اؤزوندن داواملی کؤمک ایستهینلره کؤمک ائتدیکدن سونرا عفّتلی اولمالارینی، همیشه کؤمک ایستهین اولمامالارینی و صبرلی اولماق اوچون تلاش گؤسترمهلرینی سؤیلمیشدیر. بئله حرکت ائدرلرسه اللهین اؤزلرینه کؤمک ائدیب احتیاجدان قورتاراجاغینی بیلدیرمیشدیر. هئچ کیمه صبردن داها خیرلی بیر نعمت وئریلمدیگینی وورغولامیشدیر. بیر دفعه اوشاغینی ایتیرمهنین آغریسییلا آغلایان بیر آنایا نصیحت ائدن حضرت پیغمبر قادینا "صبر دئدیگین، ایلک سارسینتیدا گؤستریلن متانتدیر" دئمیشدیر. حضرت پیغمبرین بیر دیگر سؤزو، صبرین ایمانین یاریسی اولدوغو حاقیندادیر. بو سؤزو داها آچیق بیر شکیلده ایفاده ائتمهیه چالیشان عبدالله ابن مسعود، ایمانین ایکی شکیلده اولدوغونو، بیرینین صبر ائتمک، دیگرینین نعمته قارشی شوکر ائتمک اولدوغونو سؤیلمیشدیر.
مشهور ایسلام عالیمی ابن مسکویه، چتینلیکلر قارشیسیندا صبرلی اولماغی بیر ایگیدلیک اولاراق قبول ائتمیشدیر. کدرلی حادثهلر قارشیسیندا تلاشا قاپیلیب آنورمال حرکت ائتمک دینین ده اخلاقین دا تنقید ائتدیگی بیر ایشدیر. چونکی صبر اؤزونو نظارت ائتمه، فایداسیز تلاشدان خیلاص اولما و چتینلیگی آشمانین یولونو تاپما ایمکانی وئریر.
...
قورآن، صبرلی حرکت ائدنلری اوجالدماقدا و اونلارین اؤدوللندیرهجکلرینی بیلدیرمکدهدیر. قورخو، آجلیق، یوخسوللوق، یاخینلارین اؤلومو و مال ایتکیسی کیمی منفی گلیشمهلر اینسانلیغین بیر امتحانیدیر. بو جور مصیبتلری متانتله قارشیلایان و هر هانسی بیر سهو یولا ساپمادان مقاومت گؤسترنلر هم دونیادا، هم ده او بیری عالمده خوشبخت اولاجاقلار. صبرلی حرکت، اصلینده اردم صاحبلرینین ان دقته چارپان خصوصیتلریندن بیریدیر. چونکی دوغرولارین حیاتا کئچیریلمهسینده عزملی اولما و ثبات گؤسترمه پیغمبرلرین صیفتلریندندیر. پیغمبرلرین حیاتلاریندا اورتایا قویولان صبر، نفرین ایناندیغی دگرلر اوغروندا مباریزه ائدرکن قارشیلاشدیغی مانعلر قارشیسیندا، روحن چؤکونتویه اوغراماسینا مانع اولان بیر حال اولماقدا و اینسانی دینامیزمین سؤوق ائتمکدهدیر.
صبرین ان چوخ اهمیت کسب ائتدیگی وضعیت، حیاتین ان چتین آنلاریندان بیری اولان ساواش وضعیتینده سرگیلنن صبردیر. بو وضعیتده صبر گؤستریب، انتیظاملی حرکت ائدنلر موفقیته چاتمیشلار. بو سببدن قورآندا صبر، ساواش ساحهسینده، ساواشچینین قهرمانلیغینی عکس ائتدیرن بیر فضیلت اولاراق تقدیم ائدیلمیشدیر. چونکی صبر، عینی زاماندا امتیناع ائدیلمز پیسکولوژی بیر گوجدور. چتینلیکلر، قورخولار قارشیسیندا اینسانین گوجلو بیر وضعیتده اولماسینی تامین ائدر. کیشینی هر جور آجییا و ضرره باخمایاراق ادعاسیندا داوام ائتمهیه ایتهلر. بو سببله ساواش اثناسیندا قارشیلاشیلان هر جور مشققته سینه گرمک، جان و مال ایتکیسی قورخوسو قارشیسیندا دیمدیک آیاقدا دایانماق آنجاق صبر ائتمکله مومکون اولماقدادیر.
...
بعضی عالیملر، صبرین بیرینجیسی جیسمانی، ایکینجیسی روحانی اولماق عذره ایکی نوعدن سؤز ائدرلر. جیسمانی صبر بدنین معروض قالدیغی زحمتلی ایشلره و آغریلارا قاتلانماقدیر. بو تام اولاراق فضیلت ساییلماز. بو مزموندا غزالی صبری، دین دویغوسونون اگویست آرزو و اهترازلارین باسقیسنا قارشی مقاومت گؤسترمهسی دئیه تعیین ائتمیشدیر. ایکینجیسی ایستنمهین وضعیتلرین باشا گلمهسی و یا خوشونا گئدن نعمتلردن محروم قالینماسی حالیندا صبرلی حرکت ائتملیدیر. قورآندا صبر آنلاییشی، الله رضاسی اوچون نفسی، خوشونا گلمهین شئیلره قارشی زورلاما، چتینلیکلری قبول ائتمهیه آلیشدیرما؛ دینی مسئولیتلری یئرینه یئتیررکن قارشیلاشیلان سیکینتی و چتینلیکلر قارشیسیندا دؤزمه و ثابتلیک معنالاریندا دا ایستیفاده ائدیلدیغی گؤرولمکدهدیر.
یاشانیلان بلا و مصیبت کیمی منفی حادثهلر قارشیسیندا، یارادیجییا یؤنلیک گیلئیلر، قورآن طرفیندن تائید اولونمامیشدیر. آنجاق اینسانین طبیعتی گرهگی، منفیلیکلر قارشیسیندا بیر گیلئی اورقانی آختارماقدادیر. بو سببله قورآن، منفیلیکلری اینسانین اؤز نفسیندن بیلمهسی لازیم اولدوغونو ایصرارلا وورغولاییر.
اخلاقی فضیلتلره قایناقلیق ائتمهسی سببیله صبر، اینسان اوزرینده روحی، اخلاقی و فردی بیر چوخ فایدا تامین ائتمکدهدیر. بو سببله خصوصیله گونوموز شرطلرینده مسلمانلارا لازیم اولان؛ معنوی اولاراق ساریلمالاری لازیم اولان ان اهمیتلی عنصور صبردیر. اگر اینسان، حیاتین چتینلیکلرینه، بلا و مصیبتلرینه، نفسین شهوته صبر ائدهرک قارشی قویا بیلر. بونو باشارا بیلسه روحی بحرانلاردان امین بیر شخصیته و گوجلو بیر ایرادهیه صاحب اولار. صبرلی بیر اینسان اولاراق خوشبختلیگه و قورتولوشا چاتا بیلر.
صبری ایفاده ائدن پرینسیپلره دیگر اینانج سیستملرینده ده راست گلمک مومکوندور. بعضیلریندکی صبر اصطلاحی اینسانی چوخ پاسیو وضعیته ایتهلرکن، بعضیلرینده چوخ دار بیر ساحهده فونکسیون گؤرمکدهدیر. جاهیلیه جمعیتینده یالنیز جسارتین بیر اؤگئسی اولاراق بیلینن بو صبر آنلاییشینا ایسلام، اسکیدن دینی بیر کاراکتر وئرمک صورتیله اؤزونون معین باشلی اردملرینی بیری حالینا چئویرمیشدیر. ان اهمیتلیسی بو آنلاییش اوچون دولدورولارکن تعادول عنصورو نظره آلینمیشدیر.
یئکونلاشدیراجاق اولساق، ایسلامدا صبر، نفسی تلاشدان، دیلی گیلئیلیقدان، اورقانلاری چیرکین ایشلردن قوروما، وارلیق ایله یوخلوق حالی آراسیندا فرق گودمهییب هر ایکی وضعیتده سوکونتینی محافظه ائتمه، اللهدان باشقاسینا شیکایت اولماما شکلینده تعریف ائدیلمیشدیر. بلا و مصیبتلر قارشیسیندا مقاومت گؤسترمگی، خیرلی بیر تلاشدان چتینلیکلره قارشی دایانیقلی اولماغی، متانتی و جسارتی ایفاده ائتمک اوچون ایستیفاده ائدیلر. خالق آراسیندا داها چوخ، بلا و مصیبتلر قارشیسیندا، علی قولو باغلی قالماق، محکوملوق و حاقسیزلیغا بویون ایمک کیمی آلقیلانیر حالا گلمیش؛ تسلیمیتچیلیک، تنبللیک و آجیزلیک صبر ساییلمیشدیر. آنجاق مسلمانلار بو گون ایسلام اینانج سیستمینده اهمیتلی یئری اولان صبر آنلاییشینی بئله سهو باشا دوشولمهلردن قورتارمالاری لازیمدیر. بو گؤزل حرکتی اؤز آرالاریندا بیر-بیرلرینه توصیه ائتمهلیدیرلر.
ایلگیلیلی خبرلر
![تۆرک جمهوریتلرینین گوندمیندهکی گلیشمهلر](http://cdn.trt.net.tr/images/medium/rectangle/69b8/6ea7/ff13/6475fe34ae948.jpeg?time=1718852816)
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی