آژانس آوراسیا (26)
اوسکوپ‌ده، آذربایجان و بوسنی هرزگوئین
سلام حؤرمت‌لی اوخویوجولار؛
بو هفتکی پروقرامدا دوراک‌لاریمیز، پایتخت اوسکوپ‌ده "6. پیشمانیه فستیوا‌لی" تشکیل ادئدیلن مقدونیه، اولوسلار آراسی فلسفه فستیوالینا ائو صاحب‌لیگی ائدن آذربایجان و عنعنوی تورک ال صنعت‌لری‌نین جانلانما پروژه‌سی‌نین حیات تاپدیغی اؤلکه‌لردن بوسنی هرزگوئین اولا‌جاق!
-------------------------
ایلک دایاناجاغیمیز مقدونیه!
مقدونیه‌نین باشکندی اوسکوپ‌دکی تاریخی مورات پاشا مسجیدی قارشی‌سیندا، "6. پشمک فستیوا‌لی" تشکیل ائدیلدی.
فستیوال چرچیوه‌سینده اوسکوپا گئدن مهتر تیمی تاریخی ایسکوپ تورک بازاریندا گئدیش ائتدی.
مهتر تیمی‌نین رئاللاشدیردیغی پرفورمانس قوناق‌لاردان بؤیوک ماراق توپلارکن، دئییلن مارش‌لارلا تورک بایراق‌لاری دالغالاندی.
ایزمیت بلدیه‌سی، کوجا ائلی سرگی مودیرلیگی و اوسکوپون چاییر بلدیه‌سی طرفین‌دن تشکیل ائدیلن فستیوالا تورکیه‌نین اوسکوپ سفیری گورول سؤکمن سوئر، ایزمیت بلدیه باشقانی نئوزات دوغان، چاییر بلدیه باشقانی عزّت مجیت و دیگر قوناق‌لار قاتیلدی.
فستیوالین آچیلیش دانیشما‌لاری‌نین آردین‌دان دزگاه‌لاری‌نین باشینا کئچن پیشمانیه اوستا‌لاری، مهارت‌لرینی سرگیلرکن پروتوکول‌داکی بعضی قوناق‌لار دا پیشمانیه اوره‌تیمینه کؤمکچی اولدو.
حاضیرلانان پیشمانیه‌لر، اوسکوپ‌لو بینمه‌سینه تقدیم ائدیلرکن، تشکیلاتا چوخ بیر ایشتیراکین اولماسی دقت چکدی.
اوسکوپ چاییر بلدیه باشقانی عزت مجیت، بالکان‌لارین ان بؤیوک تورک بازاریندا بئله بیر فعالیتی رئال‌لاش‌دیرماق‌دان ممنونیت دویدوق‌لارینی ایفاده ائده‌رک، بو گونکی فستیوال چرچیوه‌سینده، بازارین گئرچک دگرینی عکس ائتدیرن عثمانلی نقشلرینی جانلاندیردیق‌لارینی سؤیله‌دی.
مجید، بو فستیوالین آلبان و تورک خالق‌لاری‌نین داها دا یاخینلاشماسینا وسیله اولاجاغینی قید ائتدی.
ایزمیت بلدیه باشقانی نئوزات دوغان ایسه فستیوالین اهمیتینه وورغو ائتدی.
-مقدونیه-ایزمیت بلدیه باشقانی
بورادا آلتینجی اولوسلار آراسی پشمک فستیوالینا بو آندا باشلادین، تخمینن آلتی ایلدیر شهریمیزه اهمیت‌لی بو مارک دگرینی هم تورکیه‌ده هم خاریجده تانیدیب داها چوخ مصرف ائدیلمه‌سینی بو سبب‌دن بو معنادا هم مدنی، هم ده اقتصادی قاتقی‌لار میدانا گتیرمه‌سینی تامین ائدیریک. بورا گلیشمیز طبیعی کی خوشبخت‌لیک وئریجی، بورا آتا یادیگاری خصوصیله چوخ اهمیت‌لی درین‌لیکده تاریخه صاحب بیزیم اوچون قیمت‌لی یئرلر و بورادا چوخ قیمت‌لی سویداش‌لاریمیز یاشاییر، بورادا دینداش‌لاریمیز یاشاییر.
-------------------
سونراکی یئریمیز آذربایجان!
حؤرمت‌لی اوخویوجولار، آذربایجاندا اولوسلار آراسی فولکلور فستیوا‌لی تشکیل ائدیلدی.
10دان چوخ اؤلکه‌دن ایشتیراکین اولدوغو بو ایل 3ونجوسو تشکیل ائدیلن ماساللی اولوسلار آراسی فولکلور فستیوالیندا، فولکلور قروپ‌لاری هنرلرینی سرگیله‌دی.
تورکیه، روسیا، لیتوانی، لتونی، قزاقیستان ...
10دان چوخ اؤلکه‌دن فولکلور قروپو، آذربایجاندا بیر آرایا گلدی.
3 گون عرضینده داوام ائدن فستیوالین آچیلیشینا آذربایجان مدنیت ناظیرلیگی‌نین نماینده‌لری، سفیرلر و میللت وکیل‌لری ایشتیراک ائدیب.
رقص قوروپ‌لاری‌نین نوماییش‌لری، ایزله‌ین‌لرین بؤیوک ماراغینی ییغدی.
فستیوالدا تورکیه‌نی دولت خالق دانس‌لاری بیرلیگی تمثیل ائتدی.
-آذربایجان-قاتیلیمچی‌لار
"بیز آذربایجاندا خصوصیله باکی خاریجینده حیاتا کئچیریلن بو جور مدنیت تشکیلات‌لارا قاتیلا‌راق بیر تورکیه فرق‌لی‌لیگی یارادیلماسینا جهد ائدیریک. بونو دا باشاردیق سانیرام. "
"دونیانین بیر چوخ اؤلکه‌سینده تورکیه‌نی تمثیلن بیزلر بورالارداییز. چوخ باشاریلی مثال‌لار وئردیک. "
آذربایجانین مرحوم جمهور باشقان حیدر علیئوین آنا‌دان اولماسی‌نین 91ینجی
ایلدؤنومو مناسیبتیله تشکیل ائدیلن فستیوال کونسرتله سونا چاتدی.
و سون دایاناجاغیمیز بوسنی هرزگوئین!
بوسنی و هرزگوئین‌نین باشکندی سارایئوو`دا اولان یونوس امره تورک مدنیت مرکزی فعالیت‌لرینه داوام ائدیر.
تورک مدنیتی و دیلینه دایر بیر چوخ ساحه‌ده پروژه‌لر ایجرا ائدن مرکز سون اولا‌راق بالکان‌لاردا عنعنوی تورک ال صنعت‌لری‌نین جانلانما پروژه‌سینی حیاتا کئچیردی.
پروژه، خالق بانکی اسپونسورلوغوندا، بوسنی و هرزگوئین، کوسووو، مقدونیه، آلبانی و رومانی اؤلکه‌لرینده رئاللاشدیریلدی.
پروژه‌نین بوسنی آیاغیندا، ائدیلن محصول‌لاردان یارادیلان سرگی زیارتچی‌لرین بئینمه‌لرینه تقدیم ائدیلدی.
یونوس امره تورک مدنیت مرکزی سارایئوو کووردیناتورو مهمت آکیف یامان سرگی‌دکی اثرلرین بیر ایللیک امک‌ین محصولو اولدوغونو سؤیله‌دی.
بوسنی هرزگوئین-محمت آکیف یامان
"بو کلاس‌لار بیر ایل بویونجا داوام ائتدی، بو گون بورادا بو کلاس‌لارین نتیجه‌سی اولا‌راق اورتایا چیخان محصول‌لاری سرگی‌سینی حیاتا کئچیریریک. بو مزموندا بورادا کلاس‌لاریمیزا 45 آدام بیر ایل بویونجا داوام ائتدی. "
کلاسا قاتیلان اؤغرنجیلر آلدیق‌لاری تحصیلدن چوخ ممنون، خصوصیله اونوتماغا اوز توتموش بو ال صنعت‌لرینی اؤیرندیک‌لری اوچون ده اولدوقجا خوشبخت‌لر.
بوسنی هرزگوئین-اؤغرنجی
"گؤردوگوموز اگیتیم اولدوقجا کیفیت‌لی و دیسیپلینلیدی. اگیتیم بویونجا چوخ چالیشدیق، اوستادلاریمیزدان چوخ کیفیت‌لی و تحصیل‌لی اینسان‌لار. قیسا زاماندا بیزه بیر چوخ شئی اؤیرتدی‌لر منیمده بو سرگیده ایکی ایشیم وار. "
سئرگیله تلکاری، سیمسیرما و تلکیرما کیمی تکنیک‌لرله ائدیلن محصول‌لار بؤیوک ماراق چکدی دئییریک و بو هفته ده پروقرامیمیزی قورتاریریق.
گلن هفته‌یه قدر آوراسیا بؤلگه‌سی‌نین بوتون رنگ‌لرینی سیزلره کؤچورمه‌یه یئنه داوام ائدجگیک.
هامینیزا ساغلیق‌لاری دیلییریک.
