آژانس آوراسیا (13)
بو هفته‌کی پروقرامدا دوراق‌لاریمیز، تورک کیتاب‌سئورلرین ادبیاتینا اولان ماراغی‌نین هر گئچن گون آرتیغی قارداش اؤلکه اؤزبکیستان، تیکانین یئنه اؤنملی پروژه‌لرین‌دن بیرینی گرچکلشدیردیگی آذربایجان و اؤلکه‌دکی آتا گله‌نگی اولان قارتال ائییتیمینی اله آلاجاغیمیز قازاخیستان اولا‌جاق!
ایلک دوراغیمیز اؤزبکیستان!
سایین دینله‌ین‌لر، دوست و قارداش اؤلکه اؤزبکیستان ایله گوج‌لنن مدنی ایلیشکیلر، هر ساحه‌ده اولدوغو کیمی ادبیات ساحه‌سینده ده اؤزونو گؤستریر.
کیتاب‌سئورلرین قارداش اؤلکه ادبیاتینا اولان ماراغی هر گئچن گون آرتیر.
ایکی اؤلکه ادبیاتی‌نین سئویلن اثرلری‌نین چئوری‌لری سون ایللرده اولدوقجا رغبت گؤرور.
داشکند ائلچیلیگی توریزم و تانیتما موشاویرلیگی تشکیل ائتدیگی یئمکله اؤزبک ادبیاتی‌نین اؤنملی آدلارینی بیر آرایا گتیردی.
فعالیتده اؤزبک یازارلارین تورکیه تورکجه‌سیندن اؤزبک تورکجه‌سینه و اؤزبک تورکجه‌سیندن تورکیه تورکجه‌سینه کؤچورولن اثرلری تانیدیلدی.
اؤلکه‌نین باغیمسیز‌لیغینی قازانماسی‌نین آردین‌دان تورکیه-اؤزبکیستان ادبی ایلیشکیلر بؤیوک ایومه قازاندی.
بیر چوخ تورکیه کلاسیک اثری اؤزبکجه‌یه، اؤزبک ادبیاتی‌نین گؤرکم‌لی اثرلری ایسه تورکیه تورکجه‌سینه اویارلاندی.
اؤزبکیستان میللی اونیورسیته‌سین‌دن پروفسور دکتر حمیداهلا بولتابوئو، بیر چوخ اثرین تورکیه تورکجه‌سینه چئوریلدیگینی ایفاده ائتدی.
"پروفسور دکتر حمیداهلق بولتابوئو اؤزبکیستان میللی اونیورسیته‌سی
سون ایللرده محمد عاکیف ارسویون صفحات اثرین‌دن سئچمه‌لر، ادبیاتچی مصطفی ایسن‌ین تذکره‌دن بیوگرافیه آدلی اثری کؤچورولدو. بونون کیمی اؤزبک ادبیاتچیلاریندان عبدالله کاهار و سید احمدین حکایه‌لری تورکیه تورکجه‌سینه چئویریلدی. "
توریزم و تانیتما موشاویری جیهان وارلیق بیر بیری‌نین آیریلماز پارچاسی حالینا گلن تورکیه-اؤزبکیستان ادبیاتی‌نین، ائدیلن کؤچورمه‌لرله داها دا ساغلاملاشاجاغینا وورغو ائتدی:
"اؤزبکیستاندا تورک ادبیاتچی‌لار بیلینیر و یاییملانیر. اما بونو ایشین بیرینجی آیاغی اولا‌راق دوشونمه‌میز لازیم. عینی زاماندا اؤزبک ادبیاتچی‌لاری‌نین کیتاب‌لارینی دا تورکیه‌ده یاییملاماق لازیم‌دیر کی دوست و قارداش اؤلکه‌لر بیرلیکده عینی هدفه دوغرو کیلیدلنسینلر. سایین جمهورباشقانی ایسلام کریمووون دئدیگی کیمی "بیز بیر ات و دیرناق کیمی‌ییک، عینی مدنیتین اوشاقلاریییق و بیر بیریمیزدن آیری‌لیق ممکن دئییل" دئمیشدی. دولاییسیلا بو باغلامدا مدنی بیرلیگیمیزی داوام ائتدیرمه‌میز لازیم‌دیر. "
ایکی قارداش لهجه آرسینداکی کؤچورمه اثرلر ایکی قارداش اؤلکه خالقین دیل، اینانج، مدنیت و اورتاق تاریخی‌نین اورتایا قویماسی باخیمین‌دان اولدوقجا اؤنملی.
تورک و اؤزبک ادبیاتچی‌لارین کؤچورمه‌لری، معنوی مدنیت تجروبه‌سی‌نین پایلاشیلماسیندا اؤنملی رول اویناییر دئییریک و باشقا قارداش اؤلکه‌یه آذربایجانا گئچیریک.
تورک امکداشلیق و کووردیناسیون آژانسی تیکا، اؤنملی بیر پروژه‌یه داها ایمضا آتدی.
تیکا، تورکیه‌ده یاشایان قاراباغ‌لی‌لاری آذربایجان‌لی قارداش‌لاری ایله بیر آرایا گتیردی.
یوسف شاهسوواراوغلو و محمد بین جئیلان ....
ایکی‌سی ده قاراباغ‌لی ...
اما بیری آفیون قاراحیصارین بولوادین ائلچه‌سینده یاشاییر، اوبیری باکیدا ...
ارمنی‌لر طرفین‌دن تورپاقلاریندان ائدیلن قاراباغ‌لی‌لار، بو گون فرقلی یئرلرده یاشاماق مجبوریتینده.
بولوادین‌ین بؤیوک‌قاراباغ قصبه‌سی و اورتاقاراباغ کندینده یاشایان قاراباغ‌لی‌لار، 1971ده گلدی تورکیه‌یه.
اوزرین‌دن اونلارجا ایل گئچسه ده اؤز قارداش‌لارینی اونوتمادی.
تیکانین دستگی ایله آزربایجان‌دا گؤچمن حیاتی یاشایان و وطن حسرتی چئکن قاراباغ‌لی‌لاری گؤرمه‌یه گئتدی‌لر.
آماج بو چتین گون‌لرینده اونلاری یالنیز اولمادیق‌لارینی حس ائتدیرمکدی.
باکیدا گرچکلشن "بیزیم قاراباغ‌لاریمیز" سمپوزیومدا، قاراباغ بؤلگه‌سی‌نین اورتاق مدنیتی دانیشیلدی.
شعیرلر و ماهنی‌لار اوخوندو.
تیکا باشقانی سردار چام، پروژه‌نین اؤنمینه دقت چئکدی:
"بو جور ایشلر بیزه یول خریطه‌سی چیخارا‌جاق. آکادمیسینلریمیز اؤلکه‌ده یاشانان تاریخین اورتایا قویولماسی ایله بیرلیکده ائدجییمیز ایشلرین زنگین‌لیگینی آرتیرا‌جاق. "
پروژه قابسامیندا، قاراباغ‌لی‌لارین اورتاق دگر و مدنیت‌لری اله آلیندی.
و قازاقیستان!
قارتال ائییدمک قازاقیستان، قیرقیزیستان کیمی اؤلکه‌لرده بیر آتا گله‌نگی ...
داها چوخ کیشی‌لرین ائتدیگی بو آتا ایدمانییلا، ایندی‌لرده گنج قیزلار دا ماراق‌لانیر.
ماکپال عبدرزاقووا اوچون قارتال ائییدمک، هم ایدمان هم ده بیر حیاتا بیچیمی.
ماکپالین قارتال ائییدمنی/تربیه‌چیسی اولماغا قرار وئرمه‌سینده بیرینجی ائتکن/فاکتور آتاسی.
چونکو آتاسی دا بیر قارتال ائییدمنی.
عائله‌نین بئش اوشاغین‌دان بیری اولان ماکپال آتاسی‌نین ایزین‌دن گئتمه‌یی سئچینجه، ان بؤیوک دستگی ده اوندان آلدی:
"بو ایش سئچه‌نگیمی بینمه‌ین‌لره چوخ اولدو. بو قیزلارا اویغون بیر ایش دئییل دئدی‌لر. آنجاق هر شئیه باخمایا‌راق اؤز ترجیحیمه اویا‌راق قارتال ائییتدیم. یاریشما‌لارا قاتیلدیم. باشاری‌لی اولدوم. آنجاق او زامان قارتال ائییتمنلیگیمه دگر وئریله‌رک دستک آلمایا باشلادیم ".
ماکپالین ائییتدیگی قارتالین آدی "آک‌جلکه."
آک‌جلکه ایله ماکپالین یولداش‌لیق‌لاری 10 ایل اؤنجه‌سینه اوزانیر.
قازاق بوزقیرلاری، تولکو و قوردون چوخ راستلاندیغی یئرلر.
ماکپال، قارتا‌لی آک‌جلکه‌نی بو حیوان‌لاری آولاماسی اوچون بوراخیر.
"ماکپال، آک‌جلکه‌نی جوجه ایکن ائییدمه‌یه باشلادی. باجیمین بو جوجه‌دن یاخشی بیر اوو قوشو ائییتدیگینی دوشونورم. قوش هر زامان صاحبی‌نین دئدیگینی دینله‌ییر و همیشه یانیندا ... "
ماکپال، قازاقیستان‌داکی یاریشما‌لارین یانیندا، بیر چوخ اولوسلارآراسی تورنیره ده قاتیلدی.
قاتیلدیغی تورنیرلرین بعضی‌لرینده بیرینجی‌لیک‌لری وار.
حقوق ائییتیمی آلان ماکپال، حقوقچو اولا‌راق ایشه داوام ائتسه ده، قارتال تربییه ائتمه‌یی اصلا بوراخمایاجاغینی ایفاده ائدیر.
