بالیق یاغی علاوه‌لرینین ساغلام اینسانلاردا خسته‌لیک ریسکینی آرتیریر

بالیق یاغیندان مونتظم ایستیفاده‌نین ساغلام اینسانلاردا سکته و قلب خسته‌لیکلری ریسکینی آرتیرا بیله‌جیی معیین ائدیلیب.

اولوسلارآراسی تحقیقاتچیلار بریتیش بیوبانک آدلی بیوطبی معلومات بازاسیندان یاشلاری 40-69 آراسیندا اولان 415 مین‌دن چوخ اینسانین اورتالاما 12 ایل ایزله‌دیگی ساغلاملیق معلوماتلارینی تحلیل ائدیبلر.

تحقیقاتچیلار معلومات بازاسیندا قیدیاتدان کئچمیش اینسانلارین تخمینا اوچده بیرینین مونتظم اولاراق بالیق یاغی علاوه‌لری قبول ائتدیگینی بیلدیردی.

تحقیقاتچیلار بالیق یاغی علاوه‌لرینین قلب خسته‌لیگی اولان اینسانلار اوچون فایدالی اولدوغونو بیلدیردیلر و بو علاوه‌لرین قلب ساغلاملیغی یاخشی اولان اینسانلاردا سکته و قلب خسته‌لیگی ریسکینی آرتیردیغینی بیلدیردیلر.

تحقیقاتچیلار قید ائدیبلر کی، قلب خسته‌لیگی اولمایان اینسانلاردا بالیق یاغی علاوه‌لرینین مونتظم ایستیفاده‌سی آتریال فیبریلاسیون (قلبین قولاقجیقلارینین سبب اولدوغو آریتمی) اولوشما ریسکینین یوزده 13، سکته ریسکینین ایسه یوزده 5 آرتماسینا سبب اولوب.

تدقیقاتچیلار معیین ائدیبلر کی، قلب خسته‌لیگی اولان اینسانلاردا مونتظم اولاراق بالیق یاغی علاوه ائدیلمه‌سی آتریال فیبریلاسیونون سکته کئچیرمه ریسکینی یوزده 15، قلب چاتیشمازلیغیندان اؤلوم ریسکینی ایسه یوزده 9 آزالدیر.

آراشدیرمانین نتیجه‌لری "بی‌ام‌جی" (BMJ Medicine) ژورنالیندا درج اولونوب.