یوریکا یئنیلیکچیلیک ذیروه‌سی ایستانبولدا تشکیل ائدیله‌جک

۱۳-۱۴ ژوئنده ایستانبول خلیج کنگره مرکزینده کۆره‌سل یئنیلیکچیلیک ذیروه‌سی تشکیل ائدیله‌جک

2151762
یوریکا یئنیلیکچیلیک ذیروه‌سی ایستانبولدا تشکیل ائدیله‌جک

یوریکا تورکیه دؤنم باشقانلیغی چرچیوه‌سینده، ۱۳-۱۴ ژوئنده ایستانبول خلیج کنگره مرکزینده کۆره‌سل یئنیلیکچیلیک ذیروه‌سی تشکیل ائدیله‌جک.

صنایع و تکنولوژی باخانلیغیندان وئریلن آچیقلامایا گؤره، یاشیل و دیجیتال دؤنوشوم مؤوضوعلارینا تمرکز ائدیلن ذیروه‌ده، پانئللر، سونوملار و اؤلکه تانیتیملاری کیمی موختلیف اوتوروملار گئرچکلشدیریله‌جک.

ذیروه، قاتیلیمچیلارا، آراشدیرما و یئنیلیکچیلیکده‌کی ان سون ترندلر و ان یاخشی اویقولامالارلا ائتکیله‌شیمده اولابیله‌جکلری احاطه‌لی بیر پلتفورم سوناجاق. یوریکا چرچیوه‌سینده دستکله‌نیله‌ن باشاریلی پروژه‌لره ده تورکیه یوریکا یئنیلیکچیلیک اؤدوللری تقدیم ائدیله‌جک.

یوریکا عضوو ۴۷ اؤلکه‌دن ۲۰۰۰ین اوزرینده اوست سویه ایشتیراکچی، ساحه‌سینده لیدئر شیرکتلر، یئنیلیکچیلیک لیدئرلری، صنایع قورولوشلاری و کیچیک و اورتا بؤیوکلوکده‌کی ایشلتمه‌لرین ده ایشتیراک ائدجگی ذیروه‌ده، بیر چوخ اؤلکه‌دن قاتیلیمچیلار، پروژه اورتاقلیقلاری اولوشدورما و ایکیلی گؤروشمه‌لر ائتمه فورصتی تاپاجاق.

۲۰۲۳-۲۰۲۴ دؤنمینده یوریکا باشقانلیغی، تورکیه طرفیندن تورکیه علمی و تکنیک آراشدیرما تشکیلاتی (توبیتاک) ایش‌بیرلیگینده ایجرا ائدیلیر.



ایلگیلی‌لی خبرلر