تورکیه یئرلی خبرلشمه اویدوسو اولان تورکست 6A ایستیفادهیه وئریلهجَک
تورکیهنین ایلک یئرلی و میللی خبرلشمه اویدوسو اولان تورکسات 6A-نین 9 ایلده 400-ه یاخین تورک مهندیس و تحقیقاتچینین امهیی ایله ایستحصال ائدیلدیگینی بیلدیریلیب
![تورکیه یئرلی خبرلشمه اویدوسو اولان تورکست 6A ایستیفادهیه وئریلهجَک](http://cdn.trt.net.tr/images/xlarge/rectangle/3d8d/b25a/5007/664c888bea5b0.jpg?time=1722045593)
تورکیهنین خبرلشمهسی تورک مهندیسلری طرفیندن حاضیرلانمیش اویدو ایله گئرچکلشهجک.
تورکیهنین علم و تکنولوژی آراشدیرمالار شوراسینین صدری، پروفسور دوکتور حسن ماندال تورکیهنین باشقاسینا گوونهرک دئییل، اؤز مهندیسلری ایله حاضیرلادیغی خبرلشمه اویدوسو اولان تورکست 6A-نین اوزای تدقیقاتلاری اوچون یئنی بیر باشلانغیج اولدوغونو بیلدیریب.
ماندال، تورکیهنین ایلک یئرلی و میللی خبرلشمه اویدوسو اولان تورکسات 6A-نین 9 ایلده 400-ه یاخین تورک مهندیس و تحقیقاتچینین امهیی ایله ایستحصال ائدیلدیگینی بیلدیریب،
"خبرلشمه باخیمیندان تورکیهنین گؤندردیگی اویدولار وار ایدی، آما بو اویدولار خیدمت آلماقلا حاضیرلانیب. اونلار بیزه مخصوصدور، آما بیز اونلاری قیمتی اؤدهیهرک آلمیشیق. 6A دیزاینیندان ایستحصالینا قدر یئرلی و میللی اویدودور." دئدی.
تورکست 6A-نین جون 8-ده ایستیفادهیه وئریلهجَیینه و دونیا اهالیسینین یوزده 50-دن چوخونا خیدمت ائدهجَیینه دقت چکن ماندال:
"اوّلکی اویدولاریمیز ایچینده اولدوغوموز جغرافیا ایله علاقهنی تامین ائدیر. 6A ایله تورکیهنین اندونزی، مالزی و هیندیستانین دا اولدوغو 5 میلیارد اهالیسی ایله علاقهسی تامین ائدیلهجک. تورکیهنین خبرلشمهسی باشقاسینا گوونمکله دئییل، اؤز مهندیسلریمیز طرفیندن حاضیرلانمیش اویدو ایله گئرچکلشهجک." دئییب.