ناسا: مریخده سیرلی چوخور آشکار ائدیلدی

آمریکا هاواچیلیق و اوزای تحقیقاتلار اداره‌سی (ناسا) مریخده سیرلی چوخورون آشکار ائدیلدیگینی آچیقلاییب.

مریخ کشفیات اویدوسو (MRO) طرفیندن چکیلن سؤزوگئدن چوخورون آرتیق آکتیو اولمایان آرسیا مونس آدلی وولکانین یاماجیندا یئرلشدیگی و ائنینین بیر نئچه متر اولدوغو بیلدیریلیب.

اسرار انگیز چوخور مریخ کشفیات اویدوسونون یوکسک چؤزونورلوکلو (وضوح) گؤرونتولمه علم تجروبه‌سی (HiRISE) کامئراسی طرفیندن چکیلیب.

ناسانین اوزای گمیسی سؤزوگئدن شکلی چکن زامان مریخین سطحیندن جمعی 256 کیلومتر (159 میل) اوزاقدا ایدی.

شاقولی شفت اولدوغو دوشونولن سیرلی چوخورون گله‌جکده آسترونوتلارا سیغیناجاق وئره بیله‌جیی بیلدیریلیر.