تورک هاوا آراجلاری آمریکا مطبوعاتیندا

تورک سلاحلی و سلاحسیز اینسانسیز هاوا آراجلارینین (سیها/ایها) باشاریسی دونیا مطبوعاتین‌دا یئر آلماغا داوام ائدیر.
بیر چوخ اؤلکه‌یه صادر ائدیله‌ن تورک سیها/ایهالاری ساواشدا و باریشدا وظیفه آلیر.
تورکیه‌نین ان بؤیوک ساوونما و هاواچیلیق صادراتینین تمل قلمی ایهالار سون اولاراق سعودی عربیستانین دونانماسینا گیردی.
آمریکا بیرلشمیش دؤولتلری مرکزلی اینترنت خبر سایتی المونیتوردا دقت چکه‌ن بیر آنالیز ائدیلدی.
خبر سایتی 'اوکراینادان لیبییه تورکیه‌نین اینسانسیز هاوا آراجلاری ندن بو قدر بگه‌نیلیر؟' سوالینا جاواب آختاردی.
سیهالارین اوکراینا، قاراباغ، لیبی، سوریه، عراق، اتیوپی و سومالی کیمی چاتیشما بؤلگه‌لرین‌ده ایستیفاده ائدیلدیگی خاطیرلادیلدی.
تورک ایهالارینین ساواش و چاتیشمالاردا باشاریسینی اثبات ائتدیگی وورغولانان خبرده سعودی عربیستانا ساتیش سونراسی بو سیستملره کؤرفز جغرافیاسین‌دا طلبین آرتاجاغی قید ائدیلدی.
خبرده، آمریکا و دیگر باتی اوره‌تیمی ایهالاردان داها صرفه‌لی اولان تورک ایهالارینین، چین و یا ایران‌دا اوره‌تیلن ایهالار کیمی باتیلی اولمایان دیگر سیستملردن ده اوستون اولدوغو ایفاده ائدیلدی.