دایناسورون معدهسینده ممهلی حیوان قالینتیسی
پروفسور لارسون، میکروراپتور دایناسورلارینین بالیق، قوش و کرتنکهله یئدیکلرینی آنجاق ممهلی حیوان اوولادیقلارینا دایر ایلک دفعه ملموس بیلگیلره چاتدیقلارینی سؤیلهدی
۱۲۰ میلیون ایل اؤنجه یاشامیش ان کیچیک دایناسورلاردان بیری اولاراق بیلینن "میکروراپتور"ون معدهسینده، بیر ممهلی حیوانین فسیللشمیش قالیقلاری تاپیلدی.
سیانانین خبرینه گؤره، مکگیل اونیوئرسیتهسینده بیولوژی پروفسورو اولان، آراشدیرمانین یازاری هانس لارسون، چینده موزه کلکسیونلارینی آراشدیرارکهن تخمیناً ۱ متر بؤیوکلویوندهکی میکروراپتورون معدهسینده باشقا بیر ممهلینین فسیللشمیش آیاغینی تاپدی.
لارسون میکروراپتور اسکلتینین معدهسینده "مکمل شکیلده قورونموش" تخمیناً بیر سانتیمتر اوزونلوغوندا گمیریجییه بنزر کیچیک بیر ممهلی آیاغی تاپدیقلارینی سؤیلهدی.
پروفسور لارسون، میکروراپتور دایناسورلارینین بالیق، قوش و کرتنکهله یئدیکلرینی آنجاق ممهلی حیوان اوولادیقلارینا دایر ایلک دفعه ملموس بیلگیلره چاتدیقلارینی سؤیلهدی.
اوزون مدتدیر نسلی کسیلمیش بو حیوانلارین یئمکلری ایله باغلی دلیللره نادیر حاللاردا راست گلیندیگینه دقت چکهن لارسون، بو یئنی تاپینتینین اسکی اکوسیستملره دایر یئنی بیر باخیش آچیسی گتیردیگینی سؤیلهدی.
میکروراپتور فوسیلی ایلک دفعه ۲۰۰۰-جی ایللرین اوللرینده چینین لیاونینگ ایالتینده آشکار ائدیلسه ده، آشکار ائدیلهن ایلک توکلو دایناسورلاردان بیری حساب اولونور.
آراشدیرما «ژوورنال اوف وئرتئبراتئ پالئونتولوگی» آکادئمیک ژورنالیندا درج اولونوب.
ایلگیلیلی خبرلر
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک