فرعونون مومیاسی دیجیتال اولاراق اینجهلندی
متخصصلره گؤره، اؤلدوگونده تخمیناً ۳۵ یاشیندا اولان بیرینجی آمنهوتپ، ۱۶۹ سانتیمتر بویوندا ایدی
تکنولوژینین تاریخین ایشیقلاندیریلماسینداکی یئری گئدهرک آرتیر.
بو دفعه ۳ مین ۵۰۰ یاشینداکی بیر مومیا آچیلمادان، دیجیتال یوللارلا اینجهلندی.
مصر فرعونو بیرینجی آمنهوتپین مومیاسینا عاید بیر چوخ بیلینمهیهن، تکنولوژی سایهسینده اورتایا چیخدی.
مومیانین کامپیوترلی توموگرافیسی چکیلدی و دیجیتال یوللارلا یئنی بیلگیلر الده ائدیلدی.
متخصصلره گؤره، اؤلدوگونده تخمیناً ۳۵ یاشیندا اولان بیرینجی آمنهوتپ، ۱۶۹ سانتیمتر بویوندا ایدی، دیشلری چوخ یاخشی وضعیتده ایدی.
فرعونون دار بیر چنهسی، کیچیک دار بیر بورنو، بوروق ساچلاری و بیر آز چیخینتیلی اوست دیشلری واردی.
سارغیلارین آلتیندا ۳۰ طلسم و بنزرسیز قیزیل مونجوقلو قیزیل بیر کمر وار.
بیر دؤنم مزار سویغونچولارینین مومیایا ضرر وئردیگی ده بللی اولارکن، آراشدیرماچیلار، مومیانین تخمیناً ۴۰۰ ایل سونرا بیر کره تعمیر ائدیلدیگینی کشف ائتدی.
بیرینجی آمنهوتپ، میلاددان اؤنجه ۱۵۲۵ ایله ۱۵۰۴ ایللری آراسیندا حؤکمدارلیق ائتدی.
بیرینجی آمنهوتپین مومیاسی ۱۴۰ ایل اؤنجه تاپیلیلمیشدی.
ایلگیلیلی خبرلر
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک