باکیدا ساوونما صنایعی سرگیسی آچیلدی
آذربایجان تورپاقلارینین یوزده ۲۰سینین ایشغال آلتیندا اولدوغونو خاطیرلادان علییئو، اوردونون گوجلندیریلمهسینه اؤزل اؤنم وئردیکلرینی بیلدیردی
آذربایجانین باشکندی باکیدا ۳.جو اولوسلارآراسی ساوونما صنایعی سرگیسی آچیلدی.
آذربایجان ساوونما و ساوونما صنایعسی باخانلیقلاری طرفیندن باکی ائکسپو سنترده تشکیل اولونان سرگینین آچیلیشیندا تهلوکهسیزلیک قونولاریندان سورملو پرزیدنت یاردیمچیسی فواد علسگروو، ساوونما باخانی ذاکیر حسنوو، باش قرارگاه رئیسی نجم الدین صادیقوو و یوکسک سویهلی چوخ ساییدا یئتکیلی قاتیلدی.
پرزیدنت یادیمچیسی علسگروو، آچیلیشدا پرزیدنت ایلهام علییئوین ایشتیراکچیلارا گؤندردیگی مکتوبو اوخودو.
مکتوبوندا آذربایجان تورپاقلارینین یوزده ۲۰سینین ایشغال آلتیندا اولدوغونو خاطیرلادان علییئو بو سببله ساوونما قابیلیتینین آرتیریلماسینا و اوردونون گوجلندیریلمهسینه اؤزل اؤنم وئردیکلرینی بیلدیردی.
تورکیه، ۲۹ مختلیف اؤلکهدن ۲۲۴ شیرکتین ایشتیراک ائتدیگی سرگیده ان بؤیوک قاتیلیمی ساغلادی.
سرگیده تورکیه آدینا ساوونما صنایعی باشقانلیغی لیدئرلیگینده ساوونما صنایعی صادراتچیلار بیرلیگی ایله ۳۳ فیرما ایشتیراک ائدیر. تورکیه، بیر اؤنجهکی قاتیلیمینا نیسبتا یوزده ۳۰ داها بؤیوک، مین ۶۵۹ مربع مترلیک ساحهده تمثیل اولونور.
بو سرگی ساحهسینین تخمیناً یاریسینی اؤرتهجک بؤیوکلوک تورکیه بؤلومونده تورک ساوونما صنایعی شیرکتلری طرفیندن اورتیلن زرهلی ماشین پلاتفورملاری، اینسانلی-اینسانسیز هاوا آراجلاری، دنیز سیستملری، سلاح سیستملری، الکترونیک سیستملر، مهماتلار، سیمولاتورلار، حربی گئییم محصوللاری، لجستیک دستک محصوللاری و ساوونما خیدمتلرینین تانیتیم و سونوملاری ائدیلهجک.
گونئی قافقاز و اورتا آسیا بؤلگهسینین ان اؤنملی ساوونما سرگیلری آراسیندا یئر آلان بو سرگی، ۲۷ سپتامبرا قدر داوام ائدجک.
ایلگیلیلی خبرلر
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک