"گلن اوزایلیلاری ووردوق"
هلیر: ایللر قاباق باشقا سیارهلردن قوناقلار گلدی و دونیانین گئدیشی بارهده بیزی اویاردی
!["گلن اوزایلیلاری ووردوق"](http://cdn.trt.net.tr/images/xlarge/rectangle/e90d/dbaf/5f1c/5a1bc28fce7c9.jpg?time=1719254438)
گئچمیش کانادا ساوونما باخانی پل هلیر، ۱۹۶۰لاردا، ۴ نؤوع اوزایلینین دونیایا گلدیینی، آنجاق اونلاری ووردوقلارینی دئدی.
هلیر، اوزایلیلارین تماسینی اؤرت باس ائتمک اوچون تریلیونلارلا دلار خرجلندیینی ده ادعا ائتدی.
اینگیلیس مطبوعاتیندا یئر آلان خبره گؤره، ۱۹۶۳-۶۷ ایللری آراسیندا کانادا ساوونما باخانی وظیفهسینده اولان هلیر ۱۹۶۰لاردا اوزایلیلارلا ارتباطا گئچیلدیینی ادعا ائتدی.
هلیر،
"ایللر قاباق باشقا گزهگن/سیارهلردن قوناقلار گلدی و دونیانین گئدیشی بارهده بیزی اویاردی و بیزه یاردیم تکلیف ائتدی. بیز ده بونا باخمایاراق اونلاری تهدید اولاراق گؤردوک و اؤنجه آتیش ائدیب، سونرا سوال سوروشما تاکتیکینی ایزلدیک" دئدی.
سویوق ساواش دؤورونده اوزایلیلارلا تماس ائتدیکلرینی دئیهن هلیر،
"۱۹۶۱ده سویوق ساواش زامانیندا ۵۰ یوفو روسیادان آوروپایا دوغرو ائنمهیه باشلادی. باشچیمیز چوخ راحاتسیز اولموشدو و هیجان دویمهسینه باساراق اوردونو حاضیر دوروما گتیردی. سونرا آچیلان سوروشدورما ۳ ایل سوردو و دؤرد فرقلی نؤوع اوزایلینین سیارهمیزه گلدیگی اورتایا چیخدی" دئدی.
هلیر، اوزایلیلارین آندرومدا و زحلین آییندان گلدیکلرینی بیلدیردی.
ایلگیلیلی خبرلر
![یوریکا یئنیلیکچیلیک ذیروهسی ایستانبولدا تشکیل ائدیلهجک](http://cdn.trt.net.tr/images/medium/rectangle/2caa/5c5d/b2a6/573b18ade423a.jpg?time=1719254438)
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک