یئنی بیر مینرال تاپیلدی

ایسلند‌ده‌کی هکلا وولکانین‌دا آراشدیرما یئریدن ژئولوگ‌لار طرفین‌دن یئنی بیر مینرال/معدنی ماده تاپیلدی.

کپنهاک اونیورسیته‌سی ژئولوژی و طبیعی قایناق‌لار بؤلومون‌دن تونسی بالیک-زونیک، هلکا و ائلدفل وولکانلاریندان‌ ییغدیق‌لاری نومونه‌لر اوزرینده چالیشما یئریتدیک‌لرینی سؤیله‌دی.

چالیشمادا، هلکا وولکانی اطرافین‌دان آلینان قایا نومونه‌لرینی اوزون مدت آراشدیرما‌لاری نتیجه‌سینده یئنی بیر مینرال تاپدیق‌لارینی دیله گتیرن بالیک-زونیک، بونا دا "توپسویت" آدینی وئردیک‌لرینی سؤیله‌دی.

بالیک-زونیک، دمیر، فلور و سو مولکوللاریندان‌ اولوشان "توپسویت"ین، 2009.جو ایلدن بو یانا بؤلگه‌ده تاپیلان یئددینجی یئنی مینرال اولدوغونو بیلدیردی.

هلکا و ائدفل وولکانلاریندا‌ اؤزل ژئولوژی پروسه‌لرین داوام ائتدیگینی ایفاده ائدن بالیک-زونیک، وولکان‌لارین اطرافی‌نین مینرال باخیمین‌دان چوخ زنگین اولدوغونو و کشف ائدیلمک اوچون گؤزلدیگینی ایفاده ائتدی.

سون ایللرده کشف ائدیلن مینرال ساییسین‌داکی آرتیشا ایشاره ائدن بالیک-زونیک، یئنی اصول‌لار سایه‌سینده مینرال‌لارین شیمیایی بیلشیملری‌/ترکیبلری‌نین نه اولدوغونون داها آسان و قیسا مدتده آیدین اولدوغونو بیلدیردی.