تورکیه اؤز ملی اوچاغینی اوچوراجاق
"2023.جو ایلده ایلک پروتوتیپ اوچوشونو گرچکلشدیرمیش اولاجاییق"
![تورکیه اؤز ملی اوچاغینی اوچوراجاق](http://cdn.trt.net.tr/images/xlarge/rectangle/f204/21cc/27b1/594b4c61cdfba.jpg?time=1718852512)
تورکیه، 2030.جو ایلدن اؤنجه اف-16لارین یئرینه اؤز ساواش اوچاغینی اوچوراجاق.
میلی ساوونما باخانی فیکری ایشیق، قونیا 3.جو آنا جت مرکز قوموتانلیغینداکی عسگرلرله افطاردا بیر آرایا گلدی.
بوراداکی چیخیشیندا تورک ساوونما صنایعیندهکی گلیشمهلره توخونان ایشیق؛
"داها دوننه قدر بوتون مهماتلاریمیزی خارجدن آلارکن بو آندا مهماتین یوزده 65سینی یئرلی ایمکانلارلا اورهتیریک" دئدی.
ایشیق، تورکیهنین هدفینین 2019ون سونونا قدر یوزده 85دن چوخ مهماتی یئرلی ایمکانلارلا اورهتیلمهسی اولدوغونو سؤیلهدی.
تورکیهنین اؤنوندکی اصل ایکی بؤیوک هدفین اولدوغونو وورغولایان میلی ساوونما باخانی؛
"هدفلریمیزدن بیری ساواش اوچاغی یاپماق. حاضردا پروژه چوخ یاخشی گئدیر. اینشاالله 2023.جو ایلده ایلک پروتوتیپ اوچوشونو گرچکلشدیرمیش اولاجاییق، 2030.جو ایله گلمهدن ده آرتیق اف-16لارین یئرینه اؤز میلی ساواش اوچاغیمیزی اوچورمایا باشلایاجاییق" دئدی.
ایلگیلیلی خبرلر
![یوریکا یئنیلیکچیلیک ذیروهسی ایستانبولدا تشکیل ائدیلهجک](http://cdn.trt.net.tr/images/medium/rectangle/2caa/5c5d/b2a6/573b18ade423a.jpg?time=1718852512)
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک