سرطان آرتیق سسله تشخیص ائدیله بیلهجک
ایستانبول بوغازیچی اونیورسیتهسی فیزیک بؤلومو دوکتورو بورچین مشهور و قروپو، خصوصیله سرطانلی توخو و حوجیرهلرین تشخیصینده و ارکن تشخیصنده اهمیتلی اینکیشافلارا ایمضا آتدی
سرطان آرتیق سسله تشخیص ائدیله بیلهجک ....
ایستانبول بوغازیچی اونیورسیتهسی فیزیک بؤلومو دوکتورو بورچین اونلو و قروپو، خصوصیله سرطانلی توخو/ بافت و حوجیرهلرین تشخیصینده و ارکن تشخیصنده اهمیتلی اینکیشافلارا ایمضا آتدی.
مشهور و اسرا آیتاچ، آیتاچ دمیرکیران و نازیره اولوچ آدلی دوکتورا شاگیردلریندن عبارت اولان قروپو، ایشیقلا سسین بیرلشدیگی "فوتو-آکوستیک" میکروسکوپ اینکیشاف ائتدیردی.
تامامیله یئرلی میکروسکوپ سایهسینده سرطان، شکر، اویناق و عظله خستهلیکلرینین ارکن تشخیص سسله تامین ائدیله بیلهجک.
دوکتور بورچین مشهور، لیز ایله ایستیلیگی آرتیراراق توخودا سس دالغالاری میدانا گلمهسینی تامین ائتدیکلرینی، بیر باشقا دئییشله ایشیغی سسه دؤنوشدوردوکلرینی ایفاده ائدهرک،
"ایشیغی توخویا گؤندردیگینیزده ایشیق توخودا دوز بیر خط حالیندا گئدهبیلمیر و داغیلیر. آنجاق سس دالغاسی توخو اوزرینده داها اوزون مسافهلر حرکت ائدهبیلیر. بو سببله سسی ایستیفاده ائتمک ایله میکروسکوپدا داها درینلیکلی نتیجهلر آلمامیزی تامین ائدیر. بوندان باشقا هر هانسی بیر بویاما و یا ایشارهلمک ده گرک قالمیر. تورکیهده بو ساحهده چالیشان تک و اؤنجو قروپ اولاراق دونیادا کیمسهنین ائتمدیگی اؤزل لیزر ایستیفاده ائدیریک. " دئدی.
بو چالیشمادا بیولوژی توخولارا یعنی نورمال و یا سرطانلی حوجیرهلره توخوندوقلارینی، چیمدیک آتدیقلارینی و بیر معنادا بو توخولارا قیشقیریق آتدیردیقلارینی ایفاده ائدن مشهور،
"اینسان قولاغی نورمال سسلری فرکانس اولاراق ائشیدهبیلر آنجاق توخولارین و حوجیرهلرین سسینی ائشیتمک غیری-مومکوندور. بیز تاپ سسینی ائشیده بیلمک اوچون خصوصی بیر میکروسکوپ اینکیشاف ائتدیردیک. اینکیشاف ائتدیردیگیمیز میکروسکوپدا قیسا آتیملارلا انرژی گؤندرن بیر لیزر وار. لیزر گؤندردیگیمیز توخو، لیزر تاثیریله یارانان آنی ایستیلیک آرتیمی سببیله گئنیشلنیر و ایشده تام بو آندا بیر سس دالغاسی میدانا گلیر. یارانان بو سس دالغاسی ایله بیز سرطانلی حوجیره ایله سرطانلی اولمایان حوجیرهنین سسینی ائشیتمک و ایکیسینی بیر-بیریندن آییرد ائتمک ایستییریک. " دئیه دانیشدی.
بورچین مشهور و قروپو آیریجا، رادیوتراپی اثناسیندا X اشعهلری یئرینه ساغلام حوجیرهلرین داها آز ضرر گؤرمهسی اوچون پروتونلاری ایستیفاده ائدن یئنی بیر سرطان معالیجه اوصولونون فعالیتینین آرتیریلماسی اوزرینه ده چالیشیر.
رادیوتراپی معالیجهسینده بو گونه قدر ایستیفاده ائدیلمهیه داوام ائدن X اشعهلری یئرینه سرطانلی حوجیرهلره پروتون گؤندریلمهسینی و دیگر ساغلام حوجیرهلرین ضرر گؤرممهسینی تامین ائدن بو اصول دونیادا 50 جیواریندا مرکزده تطبیق اولونور.
ایلگیلیلی خبرلر
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک