اوزون طبقه‌سین‌دکی دلیک توتولماغا باشلادی
دلیکدکی دارالما ان آزین‌دان یاریسی‌نین، اوزونا ضررلی شیمیایی مادده‌لرین ایستیفاده‌سی‌نین مرحله‌لی اولا‌راق آزالدیلماسی سایه‌سینده رئاللاشدیغی دوشونولور
اوزون طبقه‌سین‌دکی دلیک توتولماغا باشلادی
علم اینسان‌لاری اوزون طبقه‌سینده جنوبگان/آنتارکتیکا اوزرینده یاشانان اینجلمک آزالماغا باشلادیغینا دایر ایلک دقیق دلیل‌لره چاتدیق‌لارینی آچیقلادی.
2015-جی ایلین سپتامبر آییندا ائدیلن اؤلچوم‌لرده، اوزون طبقه‌سین‌دکی دئشیگین 2000-جی ایلدکین‌دن موقاییسه‌ده 4 میلیون کیلومتر مربع کیچیلدیغی موشاهیده ائدیلدی.
بو تخمینن اولا‌راق هیندیستانی مساحتینه برابر گلیر.
دلیکدکی دارالما ان آزین‌دان یاریسی‌نین، اوزونا ضررلی شیمیایی مادده‌لرین ایستیفاده‌سی‌نین مرحله‌لی اولا‌راق آزالدیلماسی سایه‌سینده رئاللاشدیغی دوشونولور.
دلیگین خصوصیله آنتارکتیکا قاره‌‌‌سی اوزرینده میدانا گلمه‌سی‌نین سببی ایسه آشیری سویوق هاوا و بؤلگه‌یه دوشن گونش اشعه‌لری‌نین چوخلوغو.
اینگیلیس علم اینسان‌لاری آنتارکتیکانین تخمینن 10 کیلومتر اوزرین‌دکی اوزون طبقه‌سی‌نین دقیق شکیلده اینجه‌لدیغینی ایلک اولا‌راق 1980-جی ایللرین اورتا‌لاریندا گؤرولموشدور .
1986-جی ایلده آمریکالی علم اینسانی سوزان سولومون، کلوروفلوروکربون (CFC) گازلاری‌نین اوزون طبقه‌سینه ضرر وئردیگینی ثبوت ائتمیشدی.
بو گازلار ساچ اسپریلرینده بوزدولاپ‌لارینا و کولر‌لره قدر بیر چوخ ساحه‌ده ایستیفاده ائدیلیر.
1987-جی ایلده ایمضا‌لانان مونرال پروتوکولویله کلوروفلوروکربون گازلاری‌نین ایستیفاده‌سینه یؤنلیک آغیر تدبیرلر گتیریلمیشدی.
2000-دن اعتباراً بو گازلارین مصرفی جدی شکیلده دوشدو.
کلوروفلوروکربون گازلاری‌نین آتموسفردکی عمرونون 50-100 ایل اولدوغو تخمین ائدیلیر.
ایستراتوسفرده (آتموسفرین 2. لایی) اولان کلوروفلوروکربون‌لرین زامان ایچینده تامامیله یوخ اولماسییلا، اوزون طبقه‌سین‌دکی دئشیگین داها دا اوفالاجاغی تخمین ائدیلیر.
آراشدیرمانی ایجرا ائدن قروپ، 2015-جی ایله اوکتوبر آییندا "اوزون طبقه‌سین‌دکی دئشیگین رکورد سویه‌یه چاتدیغینا" دایر تاپینتی‌لارین ایسه او دؤوردکی وولکانیک فعالیت‌لردن قایناقلاندیغینی ایفاده ائتدی.
شیلی‌دکی کالبوکو یانارداغی کئچن ایل آوریل آییندا 43 ایل آرا‌دان سونرا یئنی‌دن فعالیته کئچمیشدی.
جان‌لی‌لارین، گونشین اولترابنؤوشیی اشعه‌لارینی ضررین‌دن قورونماسینی تامین ائدن اوزون طبقه‌سی‌نین اینجلمه‌سی دری سرطانی و کاتاراکت حادثه‌لری‌نین آرتماسینا سبب اولدوغو کیمی، حیوان‌لار و بیتکی‌لر اوچون ده تهلوکه یارا‌دیر.
ایلگیلی‌لی خبرلر
یوریکا یئنیلیکچیلیک ذیروه‌سی ایستانبولدا تشکیل ائدیله‌جک
۱۳-۱۴ ژوئنده ایستانبول خلیج کنگره مرکزینده کۆره‌سل یئنیلیکچیلیک ذیروه‌سی تشکیل ائدیله‌جک
