ناسا عاید "ژونو" اوزای واسطهسی، 4 ژوئیهده ژوپیترین مدارینا گیرمهسی گؤزلنیلیر
گونش سیستمینین بئشینجی و ان بؤیوک سیارهسی اولان ژوپیتر، بؤیوک اؤلچوده هیدروژن و هلیومدان عبارت "گاز تودهسی" اولاراق بیلینیر
![ناسا عاید "ژونو" اوزای واسطهسی، 4 ژوئیهده ژوپیترین مدارینا گیرمهسی گؤزلنیلیر](http://cdn.trt.net.tr/images/xlarge/rectangle/5c14/c98a/706c/577377b8102c9.jpg?time=1719056209)
آمریکان میللی هاواچیلیق و اوزای دایرهسینه (ناسا) عاید "ژونو" اوزای واسطهسینین، 4 ژوئیهده گونش سیستمینین ان بؤیوک سیارهسی ژوپیترین مدارینا گیرمهسی گؤزلنیلیر.
ژونو-نون پروژه مودیری ریک نیباکن، ناسا-نین 5 آوقوست 2011-جی ایلده اوزایا آتدیغی ژونو-نون 5 ایل داوام ائدن 2،8 میلیارد کیلومترلیک سفرینی تاماملایاراق هدفینه چاتماسییلا آمریکانین موستقیللیک گونو 4 ژوئیهده ایکی قات بایرام ائتمهیه حاضیرلاندیقلارینی سؤیلهدی.
هر هانسی بیر چاتیشمازلیق اولمادان هر شئیین پلانلاشدیریلان شکیلده گئتمهسی وضعیتینده ژونو، 4 ژوئیهده ژوپیتره ان یاخین مسافهیه چاتدیغیندا رادیو دالغالارییلا 3 "بیپ" سسی گؤندرهجک.
سؤز موضوعسو سیگنالی آلان علم اینسانلاری، اوزای واسطهسینی یاواشلاداراق ژوپیترین مدارینا یئرلشمهسینی تامین ائدهجک.
گونش سیستمینین ان چوخ رادیاسیون یایان سیاره ان چوخ یاخینلاشان کوسمیک اولاجاق ژونو، ژوپیترین مداریندا تخمینن بیر ایل قالاجاق و سیارهنین کوسمیک سیرلرینین حلّ علم آداملارینا دستک تامین ائدهجک.
بسکتبال ساحهسی بؤیوکلوگوندکی ژونو-نون مدارینی میدانا گتیرن بیلگیسایار، ژوپیترین یایدیغی رادیاسیوندان قورونماسی اوچون تیتانیومدان ائدیلمیش بیر قفس ایله قوروما آلتینا آلیندی.
ژونو-نون وظیفه مدتی، 2018-جی ایلده سونا چاتاجاق.
گونش سیستمینین بئشینجی و ان بؤیوک سیارهسی اولان ژوپیتر، بؤیوک اؤلچوده هیدروژن و هلیومدان عبارت "گاز تودهسی" اولاراق بیلینیر.
ناسا، ژوپیتر و اویدولارینی آراشدیرماسی اوچون 1989-جو ایلده گالیله اوزای واسطهسی آتمیشدی. گالیله، 7 دسامبر 1995-جی ایلده ژوپیتر اطرافیندا مدارینا گیرمیش و وظیفهسینی تاماملادیغی 2003-جی ایله قدر سیارهنین اطرافیندا 35 تور تاماملامیشدی. گالیله، وظیفهسینی تاماملادیقدان سونرا اویدولارا ضرر وئرممهسی اوچون ژوپیتر اوزرینه سالیناراق پارچالانمیشدی.
ژونو-نون دا وظیفهسینی تاماملادیقدان سونرا گالیله کیمی بؤیوک سیارهنین اوزرینه سالینماسی پلانلاشدیریلیر.
ایلگیلیلی خبرلر
![یوریکا یئنیلیکچیلیک ذیروهسی ایستانبولدا تشکیل ائدیلهجک](http://cdn.trt.net.tr/images/medium/rectangle/2caa/5c5d/b2a6/573b18ade423a.jpg?time=1719056209)
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک