تورکیه موشکینی اؤزو یاپاجاق
تورکیه، اوزون منزیللی موشک ساوونما سیستمینی چیندن آلمایاجاق
تورکیه، اوزون منزیللی موشک ساوونما سیستمینی چیندن آلماق یئرینه (عسگری الکترونیک صنایعی) آسئلسانا یاپدیراجاق.
تورکیهنین ان بؤیوک ساوونما پروژهلریندن بیری اولان، دؤرد میلیارد دلار بودجهلی اوزون منزیللی موشک ساوونما سیستمی پروژهسی چرچیوهسینده، چین ایله گئچیریلمهسی پلانلاشدیریلان مناقصه دانیشیقلارینین سونلاندیریلماسی ایستیقامتینده قرار آلیندی.
قرارا، میلی موشک پروژهسی اوزرینه ایشلر باشلادیلماسی ایستیقامتینده بیر اگیلیمین/میلین اورتایا چیخماسی یول آچدی.
بو چرچیوهده، پروژهنین آسئلسان-روکتسان امکداشلیغی ایله داوام ائتمهسی پلانلاشدیریلیر.
پروژهنین ایکی اؤنملی آیاغیندان بیری اولان رادار و خبرلشمه سیستملرینی آسئلسان، اوبیری آیاغی اولان موشکلری ایسه روکتسان اورهتهجک. پروژهنین یئرلی فیرمالارین آنا یوکلنیجیلیگینده، خاریجی اورهتیجیلردن ده دستک آلیناراق یئریدیلمهسی اوزرینده دورولور.
تورکیه 2013.جو ایلین گوز مؤوسومونده ایلک اوزون منزیللی موشک پروژهسینده چین ایله آنلاشما دانیشیقلارینا باشلامیش، پروژهده تکلیف وئرن فرانسا-ایتالیا اورتاقلیغی و آمریکا ایکینجی و اوچونجو سیرالاردا یئر آلمیشدی.
تورکیهنین بو حساس پروژهده چین ایله مذاکیرهلره باشلاماسی اؤزللیکله ناتو و آمریکانین تپکیسینه یول آچمیشدی.
ایکی ایلدیر داوام ائدن دانیشیقلاردا تورک طرفی تکنولوژی ترانسفرینده اصرار ائتسه ده، پکن بو قونودا گؤزلنتیلری قارشیلامیردی.
ایلگیلیلی خبرلر
![یوریکا یئنیلیکچیلیک ذیروهسی ایستانبولدا تشکیل ائدیلهجک](http://cdn.trt.net.tr/images/medium/rectangle/2caa/5c5d/b2a6/573b18ade423a.jpg?time=1718838069)
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک