ناسا مارس ایله ایلگیلی یئنی بیلگی پایلاشدی
مارسین میلیاردلارجا ایل اؤنجه سولو اولان اوزوئیی، گونش فیرتینالاری و اتموسفردکی گاز ایتکیلری سببیله قوراقلاشیب چؤللشمیش
مارسدا بیر زامانلار "سو اولدوغونو" آچیقلایان ناسا، قیرمیزی گزگنله ایلگیلی یئنی بیر بیلگی پایلاشدی.
بونا گؤره، مارسین میلیاردلارجا ایل اؤنجه سولو اولان اوزوئیی، گونش فیرتینالاری و اتموسفردکی گاز ایتکیلری سببیله قوراقلاشیب چؤللشمیش.
اوزمانلار، گزگنین، بیر زامانلار، حیات علامتینین ایشارهسی، سیوی/مایع حالدا سو اولماسینی دستکلهیهجک اویغون بیر اتموسفره صاحب اولدوغونو اورتایا چیخاردی.
آنجاق بو اتموسفریک یاپینین اؤنملی دییشیکلیکلره معروض قالدیغی دوشونولور.
بو دییشیکلیکلرین ان اؤنملی سببی ایسه مارسدا دونیاداکی کیمی بیر مغناطیسی ساحهنین اولماماسی.
دونیاداکی بو ساحه، یئر کورهسینی، گونش فیرتینالارینین سبب اولدوغو اولتراویوله رادیاسیون، یوکسک انرژیلی گاز پاتلامالاری و مغناطیسی ضررلردن قورویور.
قوروما قالخانیندان محروم مارسین اتموسفرینین بوندان 3 ویرگول 7 ایله 4 ویرگول 2 میلیارد ایل اؤنجه پارچالاندیغی دوشونولور.
گونش فیرتینالاری بو آن بئله، مارس اتموسفرینده، ثانیهده 100 گرام گاز ایتکیسینه سبب اولور.
بو دا بیر زامانلار دونیا بنزری بیر گزگن اولان مارسین، نئجه سویوق و چؤللشمیش بیر حالا گلدیگی قونوسوندا اؤنملی ایپاوجلاری وئریر.
ایلگیلیلی خبرلر
![یوریکا یئنیلیکچیلیک ذیروهسی ایستانبولدا تشکیل ائدیلهجک](http://cdn.trt.net.tr/images/medium/rectangle/2caa/5c5d/b2a6/573b18ade423a.jpg?time=1719121982)
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک