دونیادا و تورکیهده بور
بور معدنی، عمومی اولاراق شوشه، شوشه یونو، شوشه لیفی، سرامیک، تاریم و تمیزلیک سئکتورلاریندا ایستیفاده ائدیلیر
دونیا بور قایناقلارینین یوزده 73ونو الینده توتان تورکیه، بو ساحهده لیدئر قونوموندا یئر آلیر. تورکیهنی، روسیا و آمریکا ایزلییر.
بونون خاریجینده چین، آرژانتین، بولیوی، شیلی، پئرو، قازاخیستان، صربیستان و ایراندا دا بور یاتاقلاری وار.
بور طبیعتده صاف المنت اولاراق یوخدور، گیل و باشقا تورپاق پارچالارییلا قاریشیق شکیلده وار. طبیعتده بیلینن تخمینا 230 نؤوع بور مینرالی وار.
بور اصلینده مینلرحه ایل اولیندن بری مختلیف ساحهلرده ایستیفاده ائدیلن بیر مینرال. بور دوزلارینی ایلک دفعه 4 مین ایل اؤنجه تبتده یاشایان اینسانلارین ایستیفاده ائتدیگی دوشونولوردو. بابیللیلر قیمتلی اشیالارینی قاتی وضعیتدیکن مایع حالا گتیرمک اوچون، مصرلیلر مومیالامادا، آنتیک یونان و رومالیلار دا بور دوزلارینی یئره سپهرک تمیزلیک اوچون ایستیفاده ائدیردی. عربلر ایسه داها فرقلی بیر ساحهده بورو ایستیفاده ائتمیش، درمان اورهتیمینده. بورو تبتدن آوروپایا گتیرن ایسه مارکو پولو.
آمریکا بور یاتاقلارینی کشف ائدرک اورهتیمه باشلادیغیندا، دونیانین بور احتیاجی قارشیلایان بیرینجی اؤلکه مؤوقعینه گلیر. تورکیه ایسه ایلک دفعه بور اورهتیمینه بیر فرانسا شیرکتی واسطهسیله 1865.جی ایلده باشلاییر. بو گون تورکیهده بور معدن ایشلتمهچیلیگی، 1983.جی ایلده چیخاردیلان 2840 ساییلی قانون گریی، دؤولت طرفیندن ایشلهتیلهجک معدنلر داخیلینده، ائتی معدن ایشلتمهلری باش مودورلوگو طرفیندن ایجرا ائدیلمکده. حاضردا دونیا بور طلبینین اؤنملی بیر قیسیمینی ائتی معدن ایشلتمهلری قارشیلاییر.
بور معدنی، عمومی اولاراق شوشه، شوشه یونو، شوشه لیفی، سرامیک، تاریم و تمیزلیک سئکتورلاریندا ایستیفاده ائدیلیر. بو سئکتورلار خاریجینده طب، نوکلئر پروگراملار، یاناجاقلار، حربی آراجلار، نانوتکنولوژی، اتومبیل، انرژی، متالوژی و تیکینتی کیمی بیر چوخ سئکتوردا ده بور ایستیفاد ائدیلیر.
بور سرتلیگیندن گؤره حربی آراجلارین زرهلرینده و قورشون گئچیرمز جیلیدقالاردا ایستیفاده ائدیلیر. پنجره یا دا جام کیمی سیرادان شوشهلرده اولماسا دا، اؤزل اورهتیم شوشهلرده بوریک اسید و کولمانیت وازگئچیلمز ماتریاللار. اتوموتیودن توتون ایدمان ملزمهلرینه قدر بیر چوخ صنایعده یان محصول اولاراق ایستیفاده ائدیلن شوشه لیفی اوچون ده بور لازیم. سرامیک ایچینده ده بور مینراللارینین ایستیفاده ساحهسی وار. بور مینراللاری، صابون و تمیزلهییجیلرده میکروب اؤلدوروجو، سو یومشالدیجی و آغاردیجی تاثیریله ترجیح ائدیلن مادهلر. حتی باتی آوروپادا توکتیلن بورون چوخو یویوجو مادهلر صنایعینین ایچینده یئر آلیر. بور مینراللاری تاریم ساحهسینده ده بیتکیلری بسلهین گوبره اولاراق یا دا ایستنمهین اوتلارین تمیزلنمهسینده و تورپاغین ایستریل حالا گتیریلمهسینده ایستیفاده ائدیلمکدهدیر. بورون عینی زاماندا آلترناتیو یاناجاق کیمی توکهتیمینه باغلی آراشدیرمالار داوام ائدیر. طب ساحهسینده بور، اؤزللیکله سرطان معالیجهسینده ایستیفاده ائدیلیر.
تورکیهده و دونیادا بور محصول و تکنولوژیلرینین گئنیش بیر شکیلده ایستیفادهسینی آماجلایان میلی بور آراشدیرما انستیتوسو(بورئن) 2003.جو ایلده قورولدو. بورئن آراشدیرما پروژهلریله، بور محصول و تکنولوژیلرینین گلیشیمینده و سئکتورل اویقولامالاردا، قلوبال آکتور اولماق گؤرهوینی یئرینه یئتیرمکده.
ایلگیلیلی خبرلر
![یوریکا یئنیلیکچیلیک ذیروهسی ایستانبولدا تشکیل ائدیلهجک](http://cdn.trt.net.tr/images/medium/rectangle/2caa/5c5d/b2a6/573b18ade423a.jpg?time=1719014113)
یوریکا یئنیلیکچیلیک ذیروهسی ایستانبولدا تشکیل ائدیلهجک
۱۳-۱۴ ژوئنده ایستانبول خلیج کنگره مرکزینده کۆرهسل یئنیلیکچیلیک ذیروهسی تشکیل ائدیلهجک