تورکؤک دونیایا دا اومود اولا‌جاق
تورکیه کؤک حجره کووردیناسیون مرکزی (تورکؤک) پروژسیندن، دونیا‌داکی کؤک حجره گؤزله‌ین خسته‌لر ده فایدا‌لانابیله‌جک
تورک قیزیل آیی و ساغلیق باخانلیغی‌نین ایمضالادیغی پروتوکول چرچیوه‌سینده، عائله‌سینده وئریجی‌سی اولمایان قان سرطانی خسته‌لری اوچون اومود اولا‌جاق تورکیه کؤک حجره کووردیناسیون مرکزی (تورکؤک) پروژسیندن، دونیا‌داکی کؤک حجره گؤزله‌ین خسته‌لر ده فایدا‌لانابیله‌جک.
تورک قیزیل آیی سامسون قان باغیشی مرکزی مودوری سردار بایرام، آنادولو آژانسی موخبیرینه وئردیگی آچیقلامادا، دونیادا بیر ایلده 60 مین کؤک حجره نقلی گرچکلشدیگینی ایفاده ائده‌رک، تورکیه‌ده 2013.جو ایلده 2 مین 500 کؤک حجره نقلی ائدیلدیگینی، 2014 وئر‌یلری‌نین ایسه هله اللرینه چاتمادیغینی سؤیله‌دی.
کؤک حجره نقلی ائتمک اوزره دونیادا اونای وئرن میلیون‌لارجا اینسان اولدوغونو دیله گتیرن بایرام، تورکیه‌ده ایسه بو سایینین 38 مین دولاییندا اولدوغونو قید ائتدی.
بایرام، "اؤز اؤلکه‌میزدکی وئریمیزی اولوشدوردوغوموزدا وطنداشیمیزا یئته‌جگیمیز کیمی دونیایلا دا اینتگره اولاجاییق. بورادا کؤک حجره وئرمک اوچون اونایینی آلدیغیمیز بیر نفر لازیم اولسا دونیانین باشقا بیر اؤلکه‌سینده ده توخو تیپله‌مه‌سی اویان بیر اوشاق اولسا اونا دا گئدیب کؤک حجره باغیشی ائده‌بیله‌جک" دئیه دانیشدی.
بوتون بون‌لارین ساغلیق باخانلیغی طرفیندن کووردینه ائدیله‌جیینی ایفاده ائدن سردار بایرام، تورکؤک ایله یورددیشین‌داکی کؤک حجره کووردیناسیون مرکزلری‌نین ایلینتی‌لی اولاجاغینی سؤیله‌دی.
ایلگیلی‌لی خبرلر
یوریکا یئنیلیکچیلیک ذیروه‌سی ایستانبولدا تشکیل ائدیله‌جک
۱۳-۱۴ ژوئنده ایستانبول خلیج کنگره مرکزینده کۆره‌سل یئنیلیکچیلیک ذیروه‌سی تشکیل ائدیله‌جک
