Törekçä öyränäbez 31

İsänmesez – Merhaba

Bügenge däresebezdä Törkiyä Cömhüriyäte xaqında qısqaça mäğlümat birep kitäbez.

Törkiyä Cömhüriyäte geografik urını belän Aziya häm Awrupa qıytğaların ber –bersenä bäyläwçe, geopolitik cähättän zur ähämiyätkä iyä bulğan , ber ük waqıtta könçığış häm könbatış mädäniyatların bergä yäşätüçe tarixi il. Anadolu 1071 nçe yıldan başlap möselman törekläreneñ Watanına äwerelä häm tarix däwamında törek häm İslam mädäniyatı bu geografik kiñlek aşa Awrupağa qadär tarala. Sälcuqlı imperatorlığınnan soñ qorılğan Ğosmanlı imperatorlığı häm XX ğasırnıñ berençe çiregendä böyek lider Mostafa Kämal Atatörek tarafınnan qorılğan Törkiyä Cömhüriyäte bügenge köndä dönyanıñ iñ möhim illäre arasında urın ala.

Törkiyä belän bäyle cömlälärne tärcemäläre belän bergä qarap kitik:

Türkiye, Asya ve Avrupa kıtalarını birbirine bağlayan büyük bir ülkedir. Törkiyä - Aziya häm Awrupa qıytğaların ber –bersenä totaştıruçı zur il.

Anadolu, 1071’de Alp Arslan’ın komutanlığındaki Türk ordusu tarafından fethedilmeye başladı. Anadolu 1071 nçe yılda Alp Arıslan citäkçelegendäge törek armiyäse tarafınnan ciñep alına başladı.

Türkiye Cumhuriyeti, 1923’te Mustafa Kemal Atatürk’ün önderliğinde kuruldu.Törkiyä Cömhüriyäte 1923 nçe yılda Mostafa Kämal Atatörek citäkçelegendä qorıldı.

Orta Anadolu’nun merkezinde bulunan Ankara, Türkiye Cumhuriyeti’nin başkentidir.Urta Anadolunıñ üzägendä urnaşqan Änkara – Törkiyä Cömhüriyäteneñ başqalası.

Türkiye’nin nüfusu yaklaşık 77 milyondur.Törkiyäneñ xalıq sanı - yaqınça 77 million.

Türkiye Cumhuriyeti’nin resmi dili Türkçedir. Törkiyä Cömhüriyäteneñ räsmi tele –törek tele.

Törkiyä Cömhüriyäte belän bäyle cömlälärne tärcemäläre belän bergä qarap kittek. Bu cömlälärdä Törkiyäneñ geografik wäzğıyäte, Anadolunıñ möselman töreklär tarafınnan ciñep alınuı, Törkiyä Cömhüriyäteneñ tözelüe, başqalası, xalqı häm räsmi tele xaqında mäğlümat birelä.
Bügenge därestä qullanılğan qayber süzlärneñ äyteleşe häm tärcemälärenä tuqtalıp kitik:

Kıta - Qitğa
Komutan - Komandir
Ordu - Armiya, ğaskär
Önder - Lider,citäkçe
Başkent - Başqala
Orta - Urta
Nüfus - Xalıq
Resmi - Räsmi

Saw bulığız - HOŞÇA KALIN.