Gordion borınğı şähäre

Gordion borınğı şӓhӓreneñ Anadoludağı iñ êlekke toraq punklarınnan berse buluın belӓ idegezme?

Gordion borınğı şӓhӓre - Anadolunıñ urta töbӓklӓrendӓ urnaşqan iñ sixri borınğı şӓhӓrlӓrdӓn berse. Şӓhӓrneñ ütkӓne b.ê. qadӓr 3000nçe yıllarğa qadӓr barıp totaşa. Ӓnkarağa 29 çaqrım yıraqlıqta urnaşqan şӓhӓrneñ qazularında şaqtıy śivilizaśiyağa qarawçı ӓsӓrlӓr tabıldı.

Şӓhӓr b.ê. qadӓr 800nçe yıllarda frig patşası Gordios tarafınnan başqalağa ӓylӓnderelӓ. Annan soñ patşa bulğan Midas çorında iñ yaqtı könnӓren kiçerӓ. Bügenge köndӓ şӓhӓrneñ kürkӓm ütkӓnennӓn barı tik öylӓrneñ nigezlӓre genӓ qalğan bulsa da, qayber qorılmalarnıñ qaldıqların kürep bula. Lӓkin şӓhӓrdӓ iğtibarnı iñ küp patşalar hӓm nӓsellӓre cirlӓngӓn qalqulıqlar cӓlep itӓ. Gordion tirӓ-yağında alar 100dӓn artıq. Êçendӓ iñ zurısı – patşa Midas öçen tözelgӓn Midas qalqulığı. Anıñ êçendӓge qaber bülmӓsenӓ kerer öçen 80 metrlık tonnel’ne uzarğa kirӓk. Mondağı keşe qulı timӓgӓn ağaç qaberneñ bercirdӓdӓ tiñe yuq.

Borınğı şӓhӓr yanındağı muzeyda mondağı tarixi ӓsӓrlӓrne kürep bula. Ayıruça İstanbuldağı Arxeologiya muzeyı hӓm Ӓnkaradağı Anadolu Śivilizaśiyalӓre muzeyında da Gordionnan çığarılğan şaqtıy ӓsӓr urın ala.