Bayden Netan'yaxu häm Sisi belän söyläşte

AQŞ ilbaşı Djo Bayden İzrail xökümäte räise Bin’yamin Netan’yaxu häm Misır liderı Abdulfättax äs-Sisi belän telefonnan söyläşte.

Aq Yorttan belderülärençä, Bayden, Netan’yaxu belän äñgämäsendä, İzrail häm “Xamas” arasındağı äsir almaşu kileşüenä qanäğat’ qaluın belderde. Ul Ğazzägä gumanitar yärdämnärne kertü mäs’äläsenä dä tuqtaldı häm Yordannıñ basıp alınğan könbatış üzänlegendä tınıçlıqnı saqlawnıñ ähämiyäten assızıqladı.

Bayden Misır ilbaşı Sisi belän söyläşüdä äsir almaşu kileşüen tözü öçen kürsätkän tırışlıqlarına räxmät äytte. Ul AQŞnıñ fälästinlelärne mäcbüri räweştä Ğazzädän yäisä Könbatış Yordan üzänlegennän çığarıluına berniçek tä röxsät itmäyäçägen belderde. Şulay uq, Ğazzäneñ qamaluına yäisä çikläreneñ qabat sızıluına da yul quymayaçaqlarına ışandırdı.  

İke lider Ğazzägä tağın da kübräk gumanitar yärdäm kertelüe mäs’äläsendä berdäy fikerdä buluların äytte.