İtaliya qızınıñ Ğazzädäge autizmlı balalarğa yärdäm itü xikäyäse

Francesca."Genośid bulğanda härkem ğazap çigä, läkin sez invalid yäki autizmlı bulsağız, barısı da qatlawlana"

2143402
İtaliya qızınıñ Ğazzädäge autizmlı balalarğa yärdäm itü xikäyäse

İtaliyädä yäşäwçe qız Ğazzädäge autizmlı balalarğa yärdäm itü xikayäsen tübändägeçä añlata:

“Minem isemem Francesca.

Miña 23 yäş’. Min Rimda yäşim.

Autizmlı keşe bularaq, İbrahimğa, ğailäsenä häm autizmlı qızına yärdäm itä başladm.

İbrahimneñ Ğazzädä autizmlı balalardağı stressnı kimetü öçen eşlägän proyektın da xuplıym.

Fälästindä bäreleşlär başlanğaç min anda autizmlı balalarnıñ küpme ğazap çigüen kürdem.

Genośid bulğanda härkem ğazap çigä, läkin sez invalid yäki autizmlı bulsağız, barısı da qatlawlana.

Üzem söyläşkän başqa ğailälärgä qarağanda bu oçraq belän kübräk qızıqsındım.

Şuña kürä min İbrahimğa bulışırğa buldım.

Çönki min qaywaqıt êşläremne ğadäti waqıtta, mäsälän keşe küp bulğan uramda da xäl itä almıym.

Miña bik awır. Min üzemne öydä häm ğailäm belän bergä bulğanda imindä xis itäm.

Fälästindä autizmlı qız bala öçen xäl bik qurqınıç.

Monnan tış minem ilem İzrailgä qoral cibärep bu cinayät’tä qatnaşa.

Min kim digändä anda yäşägän ber ğailägä bulışa alam dip uyladım.

Başta İbrahim miña keçkenä genä iğanä kertüne soradı.

Min anıñ “İnstagram” akkauntın qarağaç, üzen qarap baruçılardan yärdäm sorawın kürdem.

Çönki qayber cirlärdä berkeme yuq häm dön’yanıñ teläsä qaysı poçmağınnan iğanä kampaniyäse başlata almıysız.

Ber kiçne min näq’ menä şunı êşlärgä buldım.

İbrahim kampaniyädä küp keşe qatnaşuın kürgäç autizmlı balalar öçen “DAEIM” üzäge buldıru öçen yaña kampaniya başlarğa kiräklegen sizde.

Ul balalarğa räsem yasatıp, voleybol uynatıp, alarnı tügäräkkä cıyıp, beraz da bulsa alarnı tınıçlandırırğa tırışa, stressnı ciñär öçen xäräkät itterep törle çaralar oyıştıra ide.

İbrahim inglizçä söyläşä almıy.

Tögäl belmim. Telefonda tärcemä quşımtasın qullanuın beläm.

Şuña kürä bez qaywaqıt aralaşuda problemalar kiçerä idek.

Läkin din, mädäniyät, telneñ törle buluı bik möhim tügel ide.

Başqa ber ildä bulıp, genośid kiçergän keşelär belän kübräk êlemtä urnaştıra aluımnı añladım.

Francescanıñ änise Marta Bottarı:"Francescanıñ änise bularaq qızımnıñ kön-tön başqalar turında qayğırtuın, keşelär belän söyläşep aqça cıyarğa tırışuın,

törle yullar aşa häm xätta üz äyberlären satıp, yärdäm cıyuın häm bu aqçalarnı başqalarğa cibärüen kürü mine çınnan da ğorurlandırdı häm miña ömet birde.

Bezneñ xökümät bernärsä dä êşlämäde.

Bezneñ prem’yer-ministr Djordja Meloni 7 nçe oktyabr’dän soñ İzrailgä kitte häm alarğa “Bez sezneñ belän” häm “Bez sezneñ üz-üzeğezne saqlaw xoquqın yaqlıybız” dide.

Bez dä annan soñ yöreşlärgä kittek häm bu turıda qızıqsına, qayğırta başladıq.

Bu mäs’älälär arqasında ğailäbezdän bötenläy çitläştek.

Tuğannarım belän berniçä ay söyläşmädek.

Çönki alar beznen kebek qızıqsınmıylar häm üzgärergä telämädelär.

Alar andağı xälne kürergä telämädelär, närsäder êşlärgä telämädelär, 5 yevro dä birmädelär .

Duslarıbızdan häm tuğannarıbıdan yärdäm bulmadı.

Läkin bez bu yärdämne dön’yanıñ başqa poçmaqlarınnan taptıq",- dip söyli.

"Fälästin xalqına bulışu möhim.

Fizik kimçelekläre arqasında tağın da awır xäldä buluçılarğa yärdäm itü bigräk tä möhim.

Şuña kürä äle dä Fälästindä bulğan fälästinelärgä bulışu häm alarğa üz cämğıyät’lären torğızırğa yärdäm itü zur ähämiyätkä iyä",- di İtaliya qızı.



Bäyläneşle xäbärlär