Turbulentlık operaśiyağa kiterde

Singapur hawa yullarına bäyle oçqıç kergän köçle turbulentlık arqasında awır yaralanğan passajirlarğa operaśiya kiräk.

Yaralanuçılardan kübeseneñ umırtqa söyägenä zıyan kilgän.

Bu xaqta Tayland başqalası Bangkokta yaralanuçılar yatqan xastaxanä xezmätkäre “Associated Press”ka belderü yasadı.

Reanimaśiyadä 20 yulçınıñ yatuın äytkän räsmi zat xäzergä qadär xastaxanädä 104 passajirğa mediśina yärdämeneñ kürsätelüen citkerde.

Londonnan Singapurğa oçqan Singapur hawa yullarına bäyle “SQ321” reyslı oçqıç 21 may könne köçle turbulentlıkka kergän ide.

Waqıyğada yöräk öyänäge kiçergän 73 yäş’lek yulçı yaqtı dön’yadan kitte.

Yaqınça 3 minut êçendä kinät 2 meñ metrğa tübänäygän oçqıç Bangkoktağı Suvarnabhumi xalıqara aêroportına aşığıç räweştä töşep utırdı.