Putin - Äl Xalifä söyläşüe uzdı

Rusiyä däwlät başlığı Vladimir Putin belän Baxreyn patşası Hamäd ibn İsa Al Xalifä başqala Mäskäwdä küreşep söyläşte.

Putin belän Xalifä arasındağı söyläşü Kreml’da ütte.

Söyläşüdä Putin ike il arasındağı säwdä külämeneñ simvolik däräcädä buluın läkin soñğı waqıtta yaxşı tendenśiya totuın äytte.

İke ilneñ 30 zur proyektnı bergä başqaruına işarät itkän Putin proyektlarnıñ tuplamda 500 million dollarlık buluın belderde.

Putin Al Xalifäne Mäskäwdä qunaq itüdän häm törle mäs’älälärne söyläşü forsatın tabularınnan qanäğat’ buluın citkerde.

Patşa Al Xalifä dä söyläşüdä Putinğa ozaqlamıy oyıştırılaçaq 33nçe Ğaräp Ligası sammitı belän bäyle mäğlümat birergä teläwen açıqladı.

Rusiyäneñ Yaqın Könçığış belän bäyle mäs’älälärdä möhim rol’ uynawın añlatqan Al Xalifä: “Qalğan mäs’älälärdän berse dä – Ğazzä sızığındağı wazğıyät’. Bu borçuğa saluçı tema häm tınıç xalıqnı qotqaru öçen dön’yanıñ bu töbägendäge suğışnı beterergä telibez. 100 meñnärçä keşe bu bäreleş arqasında öysez qaldı,” – dide.

Al Xalifä İran belän dä ütkändä problemalar çığuın häm bu il belän yaxşı kürşelek mönäsäbätlären däwam itterergä teläwlärenä işaräläde.

İke lidernıñ söyläşüennän soñ taraflar arasında mädäniyät häm iqtisad kebek ölkälärdä törle kileşülär imzalandı.